សហភាពសហព័ន្ធយុវជនកម្ពុជាខេត្តក្រចេះ ប្រកាសទទួលស្គាល់សមាជិកថ្មីជាង ៥០០ នាក់

សមាជិកថ្មី សរុបចំនួន ៥០៦ នាក់ ត្រូវបានសហភាពសហព័ន្ធយុវជនកម្ពុជាខេត្តក្រចេះ ប្រកាសទទួលស្គាល់ និងបញ្ជូលជាសមាជិកសហភាពសហព័ន្ធយុវជនកម្ពុជា ក្រុងក្រចេះ ដែលមាន ក្រុង១ និង ៥ សង្កាត់ ។

លោក វ៉ា ថន ប្រធានសហភាពសហព័ន្ធយុវជនកម្ពុជាខេត្តក្រចេះ បានគូសបញ្ជាក់ថា សហភាពសហព័ន្ធយុវជនកម្ពុជា (ស.ស.យ.ក.) គឺជាយន្តការមហាជនទូលំទូលាយរបស់យុវជនកម្ពុជា ដែលបន្តសកម្មភាពពីសមាគមយុវជនកម្ពុជា និងសមាគមយុវជនសាមគ្គីសង្គ្រោះជាតិកម្ពុជា ដែលបានបដិសន្ធិនាថ្ងៃ ទី២ ខែធ្នូ ឆ្នាំ១៩៧៨ ក្រោមការដឹកនាំចង្អុលបង្ហាញ របស់សហស្ថាបនិករួមមាន សមមិត្ត ជា ស៊ីម សមមិត្ត ហេង សំរិន សមមិត្ត ហ៊ុន សែន និងឥស្សរជនផ្សេងៗទៀត។

គិតចាប់ពីចាប់ពីថ្ងៃបង្កើតរហូតមកដល់បច្ចុប្បន្នច្ចុប្បន្ន សមាជិក ស.ស.យ.ក. នៅតែបន្តរក្សាស្មារតី និងគោលបំណងរួមគ្នា គឺសាមគ្គីភាពជាធ្លុងមួយ ក្នុងគោលដៅចូលរួមចំណែកជាមួយរាជរដ្ឋាភិបាល ក្នុងការធានារក្សាឱ្យបាននូវសមិទ្ធផលទាំងឡាយដែលអតីតយុវជន ជំនាន់ ២ធ្នូ បានកសាង និងបន្តបង្កើតនូវសមិទ្ធផលថ្មីៗបន្ថែមទៀត។

ការប្រកាសទទួលស្គាល់សមាសភាពនេះ គឺដើម្បីបង្ហាញពីការចូលរួមយ៉ាងសកម្មរបស់ ស.ស.យ.ក និងបន្តសកម្មភាពបន្ថែម ជាមួយនឹងរាជរដ្ឋាភិបាលកម្ពុជា ក្នុងការសម្របសម្រួលកិច្ចការទូទៅ ការបម្រើសេវា និងជាពិសេគឺការងារមនុស្សធម៌ ជូនប្រជាពលរដ្ឋគ្រប់រូប ក្នុងន័យថែរក្សាការពារសុខសន្តិភាព សេចក្តីថ្លៃថ្នូររបស់ប្រទេសជាតិ៕

អត្ថបទ៖ ប្រុញ វិធិន