ព័ត៌មានជាតិ
មន្រ្តីអាកាសចរណ៍ស៊ីវិល «បើកជើងហោះហើរទៅព្រលានតារាសាគរ ដើម្បីជំរុញសកម្មភាពអ្នកដំណើរ និងការវិនិយោគក្នុងតំបន់»
មន្រ្តីអាកាសចរណ៍ស៊ីវិលបានឲ្យដឹងថា ការបើកជើងហោះហើរទៅអាកាសយានដ្ឋានអន្តរជាតិតារាសាគរ គោលដៅដើម្បីជំរុញការធ្វើដំណើរ ការតភ្ជាប់សេដ្ឋកិច្ចនិងទេសចរ រួមទាំងការអភិវឌ្ឍនៅក្នុងតំបន់។
លោក ស៊ីន ចាន់សិរីវុត្ថា មន្រ្តីអ្នកនាំំពាក្យអាកាសចរណ៍ស៊ីវិលបានឲ្យដឹងថា ការតភ្ជាប់ជើងហោះហើរទៅអាកាសយានដ្ឋានតារាសាគរ កើតចេញពីការសហការគ្នារវាងក្រុមហ៊ុនអាកាសចរណ៍ខេមបូឌា អ៊ែរវ៉េ និងក្រុមហ៊ុនអភិវឌ្ឍព្រលានតារាសាគរ គោលបំណងដើម្បីជំរុញការតភ្ជាប់ឲ្យមានសកម្មភាពធ្វើដំណើររបស់អ្នកទេសចរ ក្រោយអាកាសយានដ្ឋានតារាសាគរបានសម្ពោធដាក់ឲ្យដំណើរការនៅចុងឆ្នាំ ២០២៤។
លោក ស៊ីន ចាន់សិរីវុត្ថា បានបញ្ជាក់យ៉ាងដូច្នេះថា «ដើម្បីសម្រេចគោលដៅ ដំបូងត្រូវកើតចេញពីការចាប់ផ្តើមជាមុនសិន ដូច្នេះទើបមានគម្រោងរៀបចំំឲ្យមានការតភ្ជាប់ការហោះហើរនេះឡើង»។
ការតភ្ជាប់ការហោះហើរនេះ ក្រៅពីផ្តល់បទពិសោធន៍សម្រាប់អ្នកដំណើរបានស្វែងយល់ពីអាកាសយានដ្ឋានថ្មី ដែលទើបសម្ពោធដាក់ឲ្យដំណើរការកាលពីចុងឆ្នាំ ២០២៤ ក្រុមហ៊ុនអភិវឌ្ឍព្រលានក៏បានសហការជាមួយក្រុមហ៊ុនទេសចរណ៍ ក្នុងការរៀបចំកញ្ចប់ទេសចរណ៍ដែលក្នុងកញ្ចប់ទេសចរណ៍មានបញ្ចូលការធ្វើដំណើរ ការផ្តល់ការកម្សាន្តនៅតំបន់អភិវឌ្ឍតារាសាគរ រួមទាំងការដើរកម្សាន្តនៅកោះស្តេចនិងបណ្តាកោះជុំវិញ បន្ថែមពីការទស្សនាការអភិវឌ្ឍនៅតំបន់ព្រលានយន្តហោះថ្មីនៅខេត្តកោះកុង។ លោក ស៊ីន ចាន់សិរីវុត្ថា បន្ថែម។
តាមរយៈការរៀបចំឲ្យមានជើងហោះហើរទៅកាន់អាកាសយានដ្ឋានអន្តរជាតិតារាសាគរ នឹងជំរុញការអភិវឌ្ឍវិស័យទេសចរណ៍ សេដ្ឋកិច្ច និងការវិនិយោគនៅក្នុងតំបន់។
យ៉ាងណាមិញ បើតាមលោក ស៊ីន ចាន់សិរីវុត្ថា ពាក់ព័ន្ធតម្លៃកញ្ចប់ធ្វើដំណើរ លោកក៏មិនទាន់ទទួលបានព័ត៌មានបញ្ជាក់យ៉ាងណា ខណៈក្រុមហ៊ុនបានកំពុងខិតខំជំរុញឲ្យមានការតភ្ជាប់ការធ្វើដំណើរ តាមរយៈការរៀបចំឲ្យមានការហោះហើរជាប្រចាំពីអាកាសយានដ្ឋានភ្នំពេញទៅអាកាសយានដ្ឋានតារាសាគរ ដើម្បីបើកផ្លូវជំរុញសកម្មភាពអ្នកដំណើរ ចន្ដសេដ្ឋកិច្ច និងការវិនិយោគ ក្នុងតំបន់សមុទ្រ និងតំបន់កោះ។
គួរបញ្ជាក់ថា នៅថ្ងៃនេះ ក្រុមហ៊ុនអាកាសចរណ៍ខេមបូឌាអ៊ែរវេ បានបើកជើងហោះហើរពីអាកាសយានដ្ឋានអន្តរជាតិភ្នំពេញ ទៅអាកាសយានដ្ឋានអន្តរជាតិតារាសាគរក្នុងខេត្តកោះកុង។
លោក ម៉ៅ កែវពេជ្រច័ន្ទមុន្នី នាយកអាកាសយានដ្ឋានអន្តរជាតិតារាសាគរបានឲ្យដឹងថា នេះជាក្រុមហ៊ុនអាកាសចរណ៍ក្នុងស្រុកទីពីរ ដែលបានបើកប្រតិបត្តិការហោះហើរមកអាកាសយានដ្ឋានអន្តរជាតិតារាសាគរក្នុងខេត្តកោះកុង ក្រោយអាកាសយានដ្ឋានទី ៤ របស់ប្រទេសកម្ពុជានេះ បានបើកសម្ពោធដាក់ឲ្យដំណើរការទទួលអ្នកដំណើរក្នុងស្រុកកាលពីចុងឆ្នាំ២០២៤។
លោក ម៉ៅ កែវពេជ្រច័ន្ទមុន្នី បានបញ្ជាក់ថា ប្រតិបត្តិការហោះហើរនេះ ក្រុមហ៊ុនខេមបូឌា អ៊ែរវែ នឹងធ្វើឡើងជាប្រចាំរៀងរាល់ថ្ងៃសុក្រចាប់ថ្ងៃទី ១១ ខែមេសានេះតទៅចេញពីគោលដៅអាកាសយានដ្ឋានអន្តរជាតិភ្នំពេញ-តារាសាគរ-ភ្នំពេញ៕
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
-
សន្តិសុខសង្គម៧ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល