ព័ត៌មានជាតិ
ព្រះរាជអាជ្ញាខេត្តកោះកុង ផ្តល់ម៉ាស់ អាល់កុល ថវិកា និងគ្រឿងបរិភោគជូនពន្ឋនាគារខេត្ត
អយ្យការអមសាលាដំបូងខេត្តកោះកុង លើកទឹកចិត្តដល់មន្ត្រីពន្ឋនាគារបន្តចូលរួមទប់ស្កាត់ជំងឺកូវដី១៩ តាមរយៈផ្តល់អាល់កុល ម៉ាស ថវិកា និងសម្ភារៈបរិភោគមួយចំនួនធំ។
លោក អេង ចាន់ភារ៉ា ជាព្រះរាជអាជ្ញារង តំណាងឯកឧត្តម រស់ សារាំ ព្រះរាជអាជ្ញាខេត្តកោះកុង បានឱ្យដឹងនៅថ្ងៃទី២៤ ខែមីនានេះថា ការនាំយកនូវគ្រឿងឧបភោគ បរិភោគ និងសម្ភារៈមួយចំនួនដែលទទួលបានការឧបត្ថម្ភពីក្រុមហ៊ុន LYP Group របស់អ្នកឧកញ៉ា លី យ៉ុងផាត់ ដោយក្នុងនោះរួមមាន ទឹកអាកុលចំនួន២កាន ម៉ាសចំនួន៥០០០ម៉ាស ទឹកបរិសុទ្ធ១០កេះ ទឹកត្រី៥យូរ ទឹកស៊ីអ៊ីវ៥យូរ មី៥កេះ ទឹកក្រូច ៥កេះ, សាប៊ូ ៥ កញ្ចប់ , នំធុង ៥ធុង និងថវិកាចំនួន ២លានរៀល ប្រគល់ជូនពន្ធនាគារខេត្ត។
លោកព្រះរាជអាជ្ញារងបន្ថែមថា ការយកចិត្តទុកដាក់ពីតំណាងអយ្យការខេត្តនៅពេលនេះ ធ្វើឡើងដើម្បីជួយសម្រួល ដល់តម្រូវការជាក់ស្តែងរបស់អង្គភាពពន្ធនាគារ ដែលត្រូវការចំពោះមុខក្នុងការការពារជំងឺកូវីដ១៩ ។
លោក អេង ចាន់ភារ៉ា ក៏ជំរុញដល់មន្ត្រីពន្ធនាគារខេត្តទាំងអស់ត្រូវអនុវត្តអោយបានខ្ជាប់ខ្ជួននូវវិធានការសុខាភិបាល ដើម្បីចូលរួមទប់ស្កាត់ការរីករាលដាលជម្ងឺកូវីត១៩ (Covid-19) ដោយក្នុងនោះត្រូវអនុវត្តតាមវិធាន៣ ការពារ :
១- ពាក់ម៉ាស់
២- លាងដៃ
៣- គម្លាតសង្គម គម្លាតបុគ្គល (ចាប់ពី ១,៥ម៉ែត្រ ឡើងទៅ) និង៣ កុំ :
១- កុំចូលទៅកន្លែងបិទជិត គ្មានខ្យល់ចេញចូល និងម៉ាសុីនត្រជាក់ច្រើនពេក
២- កុំទៅកន្លែងមានមនុស្សច្រើន
៣- កុំប៉ះពាល់គ្នា កុំចាប់ដៃគ្នា កុំកៀកស្មា កុំឱបគ្នាជាដើម ។
បច្ចុប្បន្ន ពន្ធនាគារខេត្តកោះកុងមានអ្នកជាប់ឃុំចំនួន៦៦៨នាក់ ដោយពួកគេតម្រូវឱ្យគោរពអនុវត្តវិធានការធ្វើអនាម័យសុខភាពត្រូវបានអនុវត្តជារៀងរាល់ថ្ងៃយ៉ាងហ្មត់ចត់បំផុត ទោះបីជាអគារមានភាពតូចចង្អៀតក៏ដោយ។
ចាប់តាំងពីផ្ទុះជំងឺកូវីដ១៩ក្នុងព្រឹត្តិការណ៍២០កុម្ភៈ ពន្ធនាគារខេត្តកោះកុង សម្រេចចិត្តផ្អាកការសួរសុខទុក្ខអ្នកទោសពីសំណាក់ក្រុមសាច់ញ្ញាតិ រីឯជនជាប់ឃុំដែលចូលថ្មី តម្រូវឱ្យធ្វើចត្តាឡីស័កដោយឡែកពីគ្នា សំដៅធ្វើយ៉ាងណាចូលរួមទប់ស្កាត់ការរីករាលដាលជំងឺកូវីដល់ពន្ធនាគារ។
លោក គ្រី ប៊ុនថា ប្រធានពន្ឋនាគារខេត្តកោះកុង លើកឡើងថា ក្រោមការតាមដាពិនិត្យសុខភាពប្រចាំថ្ងៃយ៉ាងយកចិត្តទុកដាក់ គឺក្រុមគ្រូពេទ្យបានយកសំណាកជនជាប់ឃុំចំនួន១៦នាក់រួចហើយ តែជារឿងគួរសាទរលទ្ធភាពអវិជ្ជមាន។
ក្រៅពីនេះ អគារពន្ធនាគារ ក៏ពង្រឹងយ៉ាងម៉ឺងម៉ាត់ចំពោះមន្ត្រីអនុរក្សពន្ធនាគាររាល់ចេញចូលមកបម្រើការងារតាមវេនប្រចាំការផងដែរ៕
អត្ថបទ ៖ សិរីវឌ្ឍៈ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?