ព័ត៌មានជាតិ

គ្រូពេទ្យបន្តចុះយកបុរសម្នាក់ទៀត នៅទីតាំងផ្ទះជួលភូមិ១០ ក្នុងខណ្ឌដូនពេញ

បានផុស

៤ years មុន

នៅ

ថ្ងៃសុក្រ ២៦ មីនា ២០២១

ដោយ

បុរសម្នាក់ទៀតដែលសង្ស័យឆ្លងកូវីដ១៩ ត្រូវបានខាងមន្ទីរពេទ្យក្រសួងសុខាភិបាលចុះសហការជាមួយអាជ្ញាធរមូលដ្ឋានចុះមកមកនាំខ្លួនទៅព្យាបាលកាលពីព្រឹកថ្ងៃទី២៦ ខែមីនា ឆ្នាំ២០២១ នេះនៅផ្ទះជួលលេខ១ ផ្លូវលេខ៦១ ភូមិ១០ ក្នុងសង្កាត់ស្រះចក ខណ្ឌដូនពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិការដ្ឋាននគរបាលខណ្ឌដូនពេញ ប៉ុស្តិ៍នគរបាលរដ្ឋបាលស្រះចក បានបញ្ជាក់ថា នៅថ្ងៃទី២៤ ខែមីនា ឆ្នាំ២០២១ វេលាម៉ោង០៩និង០០នាទី កម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានទទួលព័ត៌មានពីក្រសួងសុខាភិបាល ថាឈ្មោះសួន អែនឌី ភេទប្រុស អាយុ៥១ឆ្នាំ ស្នាក់នៅបន្ទប់ជួលផ្ទះលេខ២ ផ្លូវលេខ៦១ ភូមិ១០ សង្កាត់ស្រះចក ខណ្ឌដូនពេញរាជធានីភ្នំពេញ វិជ្ជមានកូវីដ-១៩។

បច្ចុប្បន្នកម្លាំងប៉ុស្តិ៍សហការជាមួយក្រសួងសុខាភិបាលយកឈ្មោះខាងលើ ទៅព្យាបាលនៅសណ្ឋាគារ ក្រេតឌុក។ ចំណែកអ្នកពាក់ព័ន្ធប៉ះពាល់ផ្ទាល់អ្នកវិជ្ជមានកូវីដ-១៩ ខាងលើចំនួន០៥នាក់ ហើយខាងក្រសួងសុខាភិបាលអោយអ្នកប៉ះពាល់ធ្វើចត្តាឡីស័ក នៅក្នុងផ្ទះជួលខាងលើ តែពុំទាន់បានយកសំណាកទេ។ អាជ្ញាធរបញ្ជាក់ទៀតថាលុះដល់ព្រឹកថ្ងៃទី៦ ខែមីនា ឆ្នាំ២០២១ នេះដែរអ្នកដែលពាក់ព័ន្ធសង្ស័យថាកើតជំងឺកូវីដ១៩ កំពុងស្នាក់នៅផ្ទះជួលកន្លែងដដែលនោះ ត្រូវបានគ្រូពេទ្យក្រសួងសុខាភិបាលចុះមកនាំខ្លួនបុរសម្នាក់ទៀត ដើម្បីយកទៅព្យាបាលផងដែរ៕

អត្ថបទ៖ រស្មី