ព័ត៌មានជាតិ

ក្រសួងសុខាភិបាលនិងរដ្ឋបាលរាជធានីភ្នំពេញ កំណត់ទីតាំងសណ្ឋាគារសុខាភ្នំពេញ សម្រាប់ធ្វើចត្តាឡីស័កដល់អ្នកពាក់ព័ន្ធរដ្ឋមន្ត្រីក្រសួងការបរទេសហុងគ្រី

បានផុស

៤ years មុន

នៅ

ថ្ងៃសៅរ៍ ៧ វិច្ឆិកា ២០២០

ដោយ

ភ្នំពេញ ៖ ក្រសួងសុខាភិបាលនិងរដ្ឋបាលរាជធានីភ្នំពេញ បានកំណត់ទីតាំងសម្រាប់ទទួលធ្វើចត្តាឡីស័ករយៈពេល១៤ថ្ងៃ ចំពោះអ្នកដែលបានប៉ះពាល់ដោយផ្ទាល់ និងប្រយោលប្រមាណ៩០០នាក់ ជាមួយរដ្ឋមន្ត្រីក្រសួងការបរទេស និងពាណិជ្ជកម្មហុងគ្រី កាលពីថ្ងៃទី០៣ ខែវិច្ឆិកា ឆ្នាំ២០២០កន្លងទៅ នេះបើយោងតាមសេចក្តីប្រកាសព័ត៌មានរបស់ក្រសួងសុខាភិបាល។

សេចក្តីប្រកាសព័ត៌មានដដែលបានបញ្ជាក់ថា ការកំណត់ទីតាំងធ្វើចត្តាឡីស័កនេះ តាមអនុសាសន៍ណែនាំ និងបទបញ្ជា ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

អ្នកពាក់ព័ន្ធជាមួយរដ្ឋមន្ត្រីក្រសួងការបរទេសប្រមាណ៩០០នាក់ ក្នុងនោះអ្នកគ្មានលទ្ធភាពដើម្បីធ្វើចត្តាឡីស័កខ្លួនឯង នឹងត្រូវធ្វើចត្តាឡីស័ក នៅឯសណ្ឋាគាររ៉េស៊ីដង់សុខាភ្នំពេញ ដែលមានអស័យដ្ឋាន ផ្លូវកែងចិន្តា ភូមិ១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ចាប់ពីថ្ងៃទី៨ ខែវិច្ឆិកា តទៅ៕
កែសម្រួលដោយ ៖ នាគព័ន្ធ