ព័ត៌មានជាតិ
អាវុធហត្ថចុះឆែកទីតាំងហាងបញ្ចាំមួយកន្លែងរកឃើញម៉ូតូ៤១គ្រឿងឃាត់ខ្លួនជនសង្ស័យ២នាក់និងម្ចាស់ហាងម្នាក់
ផ្តើមពីករណីចោរលួចម៉ូតូរបស់ជនជាតិឥណ្ឌូនេស៊ី១គ្រឿង កម្លាំងអាវុធហត្ថខេត្តបន្ទាយមានជ័យបានចុះឆែកឆេក្នុងហាងបញ្ចាំ១កន្លែងរកឃើញម៉ូតូ៤១គ្រឿង ក្នុងនោះក៏មានម៉ូតូជនរងគ្រោះផងដែរ និងម៉ូតូកង់បីចំនួន៧គ្រឿង ស្លាកលេខម៉ូតូ២សន្លឹក ស្លាកលេខរថយន្ត៦សន្លឹក រួមជាមួយសម្ភារ:ជួសជុលម៉ូតូមួយចំនួនធំទៀត ដែលម្ចាស់ហាងបានពីការទទួលបញ្ចាំពីក្រុមជនសង្ស័យ។

ការចុះឆែកក្នុងហាងម៉ូតូនោះដោយទទួលតាមបទបញ្ជារបស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងយោងតាមពាក្យបណ្ដឹងរបស់ជនរងគ្រោះឈ្មោះ វីល លី ភេទប្រុស អាយុ៣៤ឆ្នាំជាជនជាតិឥណ្ឌូនេស៊ី ស្នាក់នៅបណ្ដោះអាសន្ន ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមសនជ័យ ក្នុងករណីបាត់ម៉ូតូរបស់ខ្លួន១គ្រឿងម៉ាក់ហុងដាឃ្លីក ពណ៌សខ្មៅ ផលិតឆ្នាំ២០០៦ គ្មានស្លាកលេខ ដែលរូបគេចតទុកនៅមុខហាងលក់ដូររបស់ខ្លួន កាលពីវេលាម៉ោង១យប់ ឈានចូលថ្ងៃទី២៥ ខែមីនា ឆ្នាំ២០២១។
ក្នុងនោះលោកវរសេនីយ៍ត្រី នួន នីណារ៉ូ បានដឹកនាំកម្លាំងជំនាញចុះធ្វើការស្រាវជ្រាវ និងឆែកកាមេរ៉ាសុវត្ថិភាពក្នុងហាងលក់ដូរ ទើបឈានដល់ការឃាត់ខ្លួនជនសង្ស័យបានចំនួន២នាក់ ១ឈ្មោះកែវ កុសល ហៅ ម៉ៅ ភេទប្រុស អាយុ១៨ឆ្នាំ រស់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ។ ២ឈ្មោះពេញ វាសនា ភេទប្រុស អាយុ២៥ឆ្នាំ រស់នៅភូមិបាលិលេយ្យ២ សង្កាត់ប៉ោយប៉ែតក្រុងប៉ោយប៉ែត ខេត្ត បន្ទាយមានជ័យ ហើយបញ្ជូនមកអាវុធហត្ថក្រុងដើម្បីធ្វើការសាកសួរចម្លើយ។

លោក នួន នីណារ៉ូ បានឲ្យដឹងថា ជនសង្ស័យក្រោយពីកម្លាំងជំនាញសាកសួរចម្លើយបានឆ្លើយសារភាពថា ពួកគេពេលលួចម៉ូតូបានហើយយកទៅបញ្ចាំនៅហាងមួយកន្លែងស្ថិតក្នុងភូមិក្បាលស្ពាន២ ក្នុងក្រុងប៉ោយប៉ែត។
ស្របពេលនោះលោក នួន នីណារ៉ូបាន រាយការណ៍ទៅសមត្ថកិច្ចជំនាញខាងការងារយុត្តិធម៌ និងសុំគោលការណ៍ចុះដល់កន្លែងទទួលបញ្ចាំ និងឆែកឆេរឃ្លាំងរបស់ឈ្មោះ ឡាយ សាន ភេទប្រុស អាយុ៤៩ឆ្នាំ ហើយរកឃើញវត្ថុតាងម៉ូតូចំនួន៤១គ្រឿង ក្នុងនោះមានម៉ូតូជនរងគ្រោះជនជាតិឥណ្ឌូនេស៊ី១គ្រឿងផងដែរ និងម៉ូតូកង់បីចំនួន៧គ្រឿង ស្លាកលេខម៉ូតូ២សន្លឹក ស្លាកលេខរថយន្ត៦សន្លឹក រួមជាមួយសម្ភារ:ជួសជុលម៉ូតូមួយចំនួនធំ។

ក្រោយពីឆែកឆេររួចជនទទួលផលចោរកម្ម ឈ្មោះ ឡាយ សាន និងវត្ថុតាងទាំងអស់ត្រូវបានកម្លាំងអាវុធហត្ថក្រុង បញ្ជូនមករក្សារទុកជាភស្ដុតាងនៅទីបញ្ជាការដ្ឋានកងរាជអាវុធហត្ថក្រុងប៉ោយប៉ែត ។
ជនសង្ស័យឈ្មោះ ឡាយ សាន បានឆ្លើយសារភាពថា រូបគេបានរកស៊ីទទួលទិញ និងបញ្ចាំម៉ូតូ ចាស់ថ្មី ពីក្មេងៗស្ទាវជារៀងរាល់ថ្ងៃ ពោលគឺ២៤ម៉ោងលើ២៤ម៉ោង មានរយ:ពេលជាង៣ខែមកហើយ ដោយឡែកនៅថ្ងៃទី២៥នេះរូបគេពិតជាបានទទួលបញ្ចាំម៉ូតូម៉ាកហុងដាឃ្លីកដែលមានភិនភាគដូចក្នុងពាក្យបណ្ដឹងខាងលើ ពីក្មេងប្រុស២នាក់ដែលសមត្ថកិច្ចឃាត់ខ្លួនពិតប្រាកដមែន។

លោក វរសេនីយ៍ឯក ម៉ែន ភិរម្យ មេការរងកងរាជអាវុធហត្ថខេត្ត ទទួលការងារយុត្តិធម៌ សូមជម្រាប និងជូនដំណឹងដល់ប្រជាពលរដ្ឋក្នុងក្រុងប៉ោយប៉ែតទាំងអស់ ដែលមានការបាត់បង់ម៉ូតូកន្លងមក សូមអញ្ជើញមកទំនាក់ទំនង តាមរយ:លេខទូរស័ព្ទ ០១២៩៩៩៩៩៤ និង លេខ ០១៧៥៥៥៥៩៩រាល់ម៉ោងធ្វើការ៕
អត្ថបទ ៖ វ៉ាន់ ណាង


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ