ព័ត៌មានជាតិ
ឯកឧត្តម អ៊ុន ចាន់ដា បើកកិច្ចប្រជុំបន្ទាន់អនុគណៈកម្មការចំពោះកិច្ចចាក់វ៉ាក់សាំងកូវីដ-១៩
ក្នុងយុទ្ធនាការវាយបកយ៉ាងក្តៅគគុក ពីការវាយលុកនៃមេរោគដ៏កាចសាហាវ កូវីដ-១៩ ក្នុងព្រឹត្តិការណ៍សហគមន៍ ២០- កុម្ភៈ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម-ប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ និងជាប្រធានអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ នៅព្រឹកថ្ងៃទី២៦ ខែមីនា ឆ្នាំ២០២១ នាសាលាខេត្តកំពង់ចាម ឯកឧត្តមអភិបាល អញ្ជើញដឹកនាំកិច្ចប្រជុំបន្ទាន់មួយដើម្បីរៀបចំក្រុមការងារចុះចាក់វ៉ាក់សាំងបង្ការជំងឺកូវីដ-១៩ ជូនដល់មន្ត្រីរាជការ និងប្រជាពលរដ្ឋទូទាំងខេត្តកំពង់ចាម ដោយឥតគិតថ្លៃ។
កិច្ចប្រជុំនេះក៏មានការចូលរួមពីឯកឧត្តម លោកជំទាវ លោក លោកស្រី ថ្នាក់ដឹកនាំ និងសមាជិក សមាជិកា នៃគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ លោកអភិបាលក្រុង-ស្រុកទាំង១០ ថ្នាក់ដឹកនាំមន្ទីរ-អង្គភាព និងមន្ត្រីពាក់ព័ន្ធមួយចំនួន។
តាមរបាយការណ៍របស់លោកវេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម បានឲ្យដឹងថា វ៉ាក់សាំងលើកទី២នេះ ខេត្តកំពង់ចាមនឹងទទួលបានពីថ្នាក់ជាតិប្រមាណជា ៥ ម៉ឺនដូស សម្រាប់ចាក់ជូនបងប្អូនប្រជាពលរដ្ឋ និងមន្ត្រីរាជការទូទាំងខេត្តប្រមាណ ២ម៉ឺន៥ពាន់នាក់ ដែលមានទីតាំងចំនួន ២៨ កន្លែងនៅទូទាំងខេត្ត ដោយការចាក់លើកទី២នេះ នឹងអាចចាប់ផ្តើមនៅក្នុងអំឡុងសប្តាហ៍ទី១ នៃខែមេសា ឆ្នាំ២០២១ ខាងមុខនេះ។
ថ្លែងក្នុងកិច្ចបន្ទាន់នោះ ឯកឧត្តម អ៊ុន ចាន់ដា បានផ្តាំផ្ញើដល់ក្រុមការងារចាក់វ៉ាក់សាំងត្រូវពិនិត្យមើលទីតាំងដែលមានសេវា អ៊ីនធើណេត ងាយស្រួលដល់ការបញ្ជូនទិន្នន័យទៅកាន់កន្លែងទទួលរក្សាសុវត្ថិភាព រីឯការបណ្តុះបណ្តាលដល់ក្រុមគ្រូពេទ្យ ដែលត្រូវអនុវត្តន៍ផ្ទាល់ក្នុងការចាក់វ៉ាក់សាំង សូមឲ្យមន្ទីរសុខាភិបាលធ្វើយ៉ាងណាយកចិត្តទុកដាក់តាមបទដ្ឋានបច្ចេកទេសវេជ្ជសាស្ត្រ និងស្របតាមវិធានរបស់ក្រសួងសុខាភិបាល។
ឯកឧត្តមអភិបាលបន្តថា ក្រុមការងារយើងត្រូវអំពាវនាវឲ្យបងប្អូនប្រជាពលរដ្ឋ និងមន្ត្រីរាជការទាំងអស់សូមភ្ជាប់មកជាមួយនូវអត្តសញ្ញាណប័ណ្ណ ដោយឡែកក្រុមគ្រូទេព្យចល័តដែលមាន ២២ ក្រុមនោះ សូមឲ្យមន្ទីរសុខាភិបាលត្រូវប្រើប្រាស់តាមជាក់ស្តែង និងកិច្ចសហការជាប្រចាំជាមួយស្ថាប័នពាក់ព័ន្ធ ជាពិសេសជាមួយរដ្ឋបាលខេត្តកំពង់ចាម។ ជាពិសេសយើងទាំងអស់គ្នាត្រូវយល់ផងដែរថា ការចាក់វ៉ាក់សាំងនេះ គឺដើម្បីប្រជាពលរដ្ឋ មន្ត្រីរាជការយើង បានរួចផុតពីជំងឺកូវីដ-១៩ លើសពីទៅទៀត យើងទាំងអស់គ្នា បានចូលរួមអនុវត្តន៍តាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាគឺ ៣ការពារ និង ៣កុំ ដើម្បីទប់ស្កាត់នូវការរីករាលដាលជំងឺកូវីដ-១៩ និងរួមគ្នាបញ្ចប់ព្រឹត្តិការណ៍ សហគមន៍ ២០-កុម្ភៈ នៅកម្ពុជា៕
អត្ថបទ៖ ហុង ម៉េងហៀ
សូមចុចអាន៖ អភិបាលខេត្តកែប ណែនាំឲ្យមន្ត្រីបង្កើនសកម្មភាពក្នុងយុទ្ធនាការបង្ការជំងឺកូវីដ១៩
លោក ត្រាំ៖ អាមេរិក និងចិនអាចឈានដល់កិច្ចព្រមព្រៀងពាណិជ្ជកម្មរួមគ្នា
អភិបាលខណ្ឌ ៧ មករា ប្រជុំដាក់ផែនការ និងជំរុញមន្ត្រីពាក់ព័ន្ធ បន្តយកចិត្តទុកដាក់បញ្ហាសណ្ដាប់ធ្នាប់ក្នុងមូលដ្ឋាន
ការប្រកាសទ្រព្យសម្បត្តិ និងបំណុល សម្រេចបានជិត៩៧%ហើយ ខណៈបាំង១សប្ដាហ៍ទៀតនឹងផុតកំណត់
ប្រជាពលរដ្ឋជាច្រើនក្នុងខេត្តរតនគិរី ទទួលបានការព្យាបាលជំងឺត្រចៀក ច្រមុះ បំពង់ក និងភ្នែកដោយឥតគិតថ្លៃ
ចិនបំបែកកំណត់ត្រាលើការនាំចូលទុរេន ខណៈវៀតណាម ម៉ាឡេស៊ី ថៃ ប្រជែងគ្នាលើការផ្គត់ផ្គង់
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ
-
ចរាចរណ៍៤ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២៣ ម៉ោង agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២៤ ម៉ោង agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ចរាចរណ៍៥ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ១ សប្តាហ៍ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ