ច្រើនបំផុត រកឃើញអ្នកឆ្លងថ្មី ១៧៩នាក់ទៀត និងជាសះស្បើយ ៥៨នាក់

ក្រសួងសុខាភិបាលកម្ពុជា បានប្រកាសនៅថ្ងៃទី ២៧ ខែមីនានេះ ឲ្យដឹងថា ថ្ងៃនេះករណីឆ្លងកូវីដ១៩ រហូតដល់ទៅ ១៧៩ នាក់ ដែលជាករណីឆ្លងច្រើនបំផុតមិនធ្លាប់មានចាប់តាំងពីផ្ទុះរាលដាលព្រឹត្តិការណ៍សហគមន៍ ២០ កុម្ភៈ។

សេចក្តីជូនព័ត៌មានរបស់ក្រសួងសុខាភិបាល ចេញផ្សាយមុនេះនេះ ចំនួន ១០ ទំព័រ បញ្ជាក់ថា ក្នុងចំណោមអ្នកឆ្លងទាំងអស់ មានតែ១ ករណីដែលមិនស្ថិតក្នុងព្រឹត្តិការណ៍សហគមន៍ ២០ កុម្ភៈខណៈ១៧៨ ករណីគឺជាព្រឹត្តិការណ៍សហគមន៍ ២០ កុម្ភៈ។

បច្ចុប្បន្នតួលេខអ្នកឆ្លងជំងឺកូវីដ១៩ ក្នុងព្រឹត្តិការណ៍សហគមន៍ ២០ កុម្ភៈ បានកើតឡើងដល់ ១៦២២ នាក់ហើយត្រឹមតែរយៈពេល ជាង ១ ខែប៉ុណ្ណោះ៕