ព័ត៌មានជាតិ

ត្រឹម១៦ថ្ងៃ កម្ពុជាមានអ្នកស្លាប់ដោយសារជំងឺកូវីដ១៩ចំនួន៩នាក់ហើយ

បានផុស

៤ years មុន

នៅ

ថ្ងៃសៅរ៍ ២៧ មីនា ២០២១

ដោយ

ចាប់ពីថ្ងៃទី១១ រហូតមកដល់រសៀលថ្ងៃទី២៧ ខែមីនា ឆ្នាំ២០២១នេះ ប្រទេសកម្ពុជាមានអ្នកស្លាប់បាត់បង់ជីវិតដោយសារជំងឺកូវីដ១៩ចំនួន៩នាក់ហើយស្ថិតក្នុងព្រឹត្តិការណ៍សហគមន៍២០កុម្ភៈ។

យោងតាមក្រសួងសុខាភិបាលបានឲ្យដឹងថា អ្នកស្លាប់ទី១ជា បុរសជនជាតិខ្មែរ អាយុ៥០ឆ្នាំ បានស្លាប់នៅមន្ទីរមិត្តភាពខ្មែរ-សូវៀត កាលពីថ្ងៃទី១១ ខែមីនា ឆ្នាំ២០២១។ ទី២៖ ស្ត្រីជនជាតិខ្មែរ ឈ្មោះ ងឿន សុថានី អាយុ៦២ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩ ខែមីនា ឆ្នាំ២០២១ (ភរិយា លោក ហួរ ឡាវី)។ទី៣បុរសជនជាតិខ្មែរ ឈ្មោះ គឹម ឃីស៊ុន អាយុ៤៦ឆ្នាំ បានស្លាប់នៅមន្ទីរពេទ្យមិត្តភាពខ្មែរ-សូវៀត នៅថ្ងៃទី១៩ ខែមីនា ឆ្នាំ២០២១។

ទី៤៖ បុរសជនជាតិខ្មែរ អាយុ៧៥ឆ្នាំ ឈ្មោះ ស្តើង ជា បានស្លាប់នៅមន្ទីរពេទ្យមិត្តភាពខ្មែរ-សូវៀត ថ្ងៃទី២១ ខែមីនា ឆ្នាំ២០២១។

ទី៥៖ ស្ត្រីជនជាតិខ្មែរ ឈ្មោះ អ៊ិន ម៉ានីតា ភេទស្រី អាយុ៦២ឆ្នាំ (ជាម្តាយតារាកំប្លែងស្រីពីន) រស់នៅក្រោយផ្សារសឡា ខណ្ឌមានជ័យ រាជធានីភ្នំពេញ។ ទី៦៖ ឈ្មោះ ឈាន ប៊ុនធឿន ជនជាតិខ្មែរ ភេទប្រុស អាយុ៣៨ឆ្នាំ ស្នាក់នៅភូមិកណ្តាល ឃុំមានជ័យ ស្រុកឧដុង្គ ខេត្តកំពង់ស្ពឺ។ ទី៧ឈ្មោះ Wu Jiannan ជនជាតិចិន ភេទប្រុស ៤៣ឆ្នាំ ជាបុគ្គលិកកាស៊ីណូ នៅស្រុកកោះធំ ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទី៨៖ ឈ្មោះ ថន ចាន់ធឿន អាយុ៥៥ឆ្នាំ មន្ត្រីនគរបាលចរាចរណ៍ ស្រុកកំណើត នៅស្រុកខ្សាច់កណ្តាល ខេត្តកណ្តាលបានស្លាប់កាលពីរសៀលថ្ងៃទី២៦ខែមីនាឆ្នាំ២០២១។ទី៩ជាស្ត្រីម្នាក់មានឈ្មោះ ហូ ហួយ(Hou Houy)អាយុ៧២ ឆ្នាំ រស់នៅខណ្ឌឫស្សីកែវបានស្លាប់ដោយសារជំងឺកូវិដ១៩នៅថ្ងៃទី២៧ ខែមីនា ឆ្នាំ២០២១ វេលាម៉ោង១និង៤៤នាទីរសៀលនេះ។

ចំណែកស្ត្រីជនជាតិខ្មែរ ឈ្មោះ ប៉ែន ស៊ីណុន អាយុ៤៣ឆ្នាំ នៅខេត្តព្រះសីហនុដែលថា ស្លាប់ដោយសារកូវីដ១៩នោះក្រសួងសុខាភិបាលបានប្រកាសហើយថា ស្លាប់ដោយសារមូលហេតុបាត់បង់ឈាមច្រើនយ៉ាងគំហុក មិនមែនដោយសារកូវីដ-19ទេ បើទោះបីជាអ្នកជំងឺមានតេស្តវិជ្ជមានក៏ដោយ៕

ដោយ ៖ សំអឿន