ព័ត៌មានជាតិ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ប្រគេនទេយ្យវត្ថុដល់វត្តជួបការលំបាកខ្វះខាតចំនួន ០៧វត្តក្នុងខេត្តកែប

បានផុស

៤ years មុន

នៅ

ថ្ងៃសៅរ៍ ២៧ មីនា ២០២១

ដោយ

កែប ៖ ដោយបានទទួលដំណឹងពីការលំបាកខ្វះខាតតាមបណ្តាវត្តមួយចំនួនក្នុងខេត្តកែប ដោយសារមេរោគកូវីដ-១៩ ទើបមិនមានពុទ្ធបរិស័ទមកវត្តជួយទំនុកបម្រុងជីវភាពព្រះសង្ឃដូចគ្រាមុននោះទេ។ ហើយម្យ៉ាងវិញទៀត វត្តទាំងនេះមានសាលាពុទ្ធិកសិក្សា មានព្រះសង្ឃ សាមណេជាច្រើនអង្គគង់សិក្សារៀនសូត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទើបឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានចាត់ឱ្យលោក ជិន ប៊ុនធឿន រួមជាមួយក្រុមការងារជាតំណាងនាំយកទេយ្យវត្ថុនឹងបច្ច័យចំនួនធំដែលជាសទ្ធាដ៏ជ្រះថ្លារបស់ឯកឧត្តម និងលោកជំទាវ ប្រគេនជូនព្រះសង្ឃនៅតាមវត្តទាំង០៧ ស្ថិតនៅក្នុងស្រុកដំណាក់ចង្អើរចំនួន ០២វត្ត និងក្រុងកែបចំនួន ០៥វត្ត នាព្រឹកថ្ងៃទី២៧ ខែមីនា ឆ្នាំ២០២១នេះ ។

ហើយពិធីប្រគេនទេយ្យវត្ថុសំរាប់០៧វត្តបានប្រារព្ធធ្វើរួមក្នុងបរិវេណវត្តកំពង់ត្រាចស្ថិតនៅភូមិកំពង់ត្រាច សង្កាត់ព្រៃធំ ក្រុងកែប ខេត្តកែប ។ ហើយវត្តដែលមកទទួលទេយ្យវត្ថុមានដូចជា ៖

១-វត្តគរគីរីវន្ត(ភ្នំព្រូស) ក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប

២-វត្តសត្ថារាជាអង្គព្រៃធំ ក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប

៣-វត្តពោធិ៍ស្ថារាម ក្នុងភូមិអំពេង ឃុំអង្គោល ស្រុកដំណាក់ចង្អើរ ខេត្តកែប

៤-វត្តកំពង់ត្រាច ក្នុងភូមិកំពង់ត្រាច សង្កាត់ព្រៃធំ ក្រុងកែប ខេត្តកែប

៥-វត្តមុនីរតនៈ(កែវក្រសាំង) ក្នុងភូមិកែវក្រសាំង សង្កាត់កែប ក្រុងកែប ខេត្តកែប

៦-មជ្ឈមណ្ឌលវិបស្សនាធុរៈ ក្នុងភូមិកែប សង្កាត់កែប ក្រុងកែប ខេត្តកែប

៧-សត្ថាធម្មវិហារ(ភ្នំពោន) ក្នុងភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប

ទេយ្យវត្ថុសម្រាប់ប្រគេនវត្តនីមួយៗមាន៖

១-អង្ករ១តោន

២-ត្រីខ១កេសធំ

៣-ស្ករស២៥គីឡូក្រាម

៤-ប៊ីចេង២៥គីឡូក្រាម

៥-ទឹកត្រី៥យួរ

៦-ទឹកសុីអុីវ៥យួរ

៧-ទឹកផ្លែឈើ១០កេស

៨-ទឹកដោះគោ ខាប់២កេសធំ

៩-តែ២គីឡូក្រាម

១០-មី៣កេសធំ

១១-ថ្នាំពេទ្យ១កេស

១២-កាហ្វេ៥កញ្ចប់ធំ

១៣-សាប៊ូ៣០ដុំ

១៤-ជែលលាងដៃ១កេស

១៥-អំបិល ១០គីឡូក្រាម

១៦-វីតាមីនសេ ១០ ប្រអប់

១៧-បច្ច័យក្នុងមួយវត្តៗចំនួន ២លាន រៀល ។

ក្នុងឱកាសនោះដែរលោក ជិន ប៊ុនធឿន និងក្រុមការងារបានចែកជូនលោកយាយ លោកតាដែល បានអញ្ជើញចូលរួមក្នុងថ្ងៃនេះដោយម្នាក់ៗទទួលឃីដមួយ កញ្ចប់ក្នុងនោះមានដូចជា៖

១-ថ្នាំដុះធ្មេញ ០១ប្រអប់ និងច្រាស់ដុះធ្មេញ ០១ដើម

២-ជែលលាង ០១ កំប៉ុង

៣-ខោអាវ ០១ សម្រាប់

៤-ថ្នាំវីតាមីនសេ ០១ដប

៥-សាប៊ូ ០១ដុំតូច

និងព្រះសង្ឃ សាមណេ ចំនួន ១៣៧អង្គក៏ទទួលបាន ស្លាដក ០១ ក្នុងមួយអង្គផងដែរ ។

លើសពីនេះ ឯកឧត្តម និងលោកជំទាវក៏ផ្តាំផ្ញើបណ្តាំសាកសួរសុខទុក្ខជូនលោកយាយ លោកតា ជាពិសេសក្រុមគ្រួសារដើម្បីចូលរួមប្រយុទ្ធប្រឆាំង និងទប់ស្កាត់ការឆ្លងរីករាលដាលជំងឺកូវីដ-១៩ ដោយអនុវត្តឱ្យបានខ្ជាប់ខ្ជួននូវវិធានសុខាភិបាល របស់រាជ រដ្ឋាភិបាល ជាពិសេសរួមអនុវត្ត «៣ការពារ និង៣កុំ» ដើម្បីការពារខ្លួនយើង គ្រួសារយើង សង្គមជាតិយើង និងប្រជាជនយើង។

ហើយក្នុងថ្ងៃនេះដែរក៏មានសប្បុរសជនបានចូលរួមបច្ច័យក្នុងមួយវត្តៗចំនួន ១០០ដុល្លាមានដូចជា៖

១-ឯកឧត្តម គីម រិទ្ធី និងលោកជំទាវ សុខា គងពិសី ព្រមទាំងបុត្រ

២-លោក ចាន់ វន្ថា និងលោកស្រី ជា ផាប៉ានព្រមទាំងបុត្រ

៣-ឯកឧត្តម ចម បូរិន្ទ និងលោកជំទាវ លី ដាលីន ព្រមទាំងបុត្រ

៤-លោក ឈន ធារ៉ា និងលោកស្រី លី អក្ខរា ព្រមទាំងបុត្រ

៥-លោក តាំង គួង និងលោកស្រី លឹម ឡេង ព្រមទាំងបុត្រ

៦-លោក គឹង វណ្ណៈ និងលោកស្រី ព្រិន ប៊ុនម៉ាណែត ព្រមទាំងបុត្រ

៧-លោក នុត តុន និងក្រុមគ្រួសារ

សរុបបច្ច័យទាំងអស់ក្នុងមួយវត្តៗទទួលបាន ០៤លាន ០៨សែនរៀល៕