ស្រ្តីម្នាក់ទៀតនៅ​ខណ្ឌមានជ័យ ​ឆ្លងកូវីដ ១៩ ត្រូវ​រថយន្ត​ពេទ្យ​មក​ដឹក​យកទៅ​ព្យាបាល

បើយោងតាម​​​លោ​ក​វរ​សេនីយ៍ទោ ម៉េង វិមានដារ៉ា អធិការនគរបាលខណ្ឌមានជ័យបាន​ឲ្យ​ដឹង​នៅ​ព្រឹកនេះ ក្រុមគ្រូពេទ្យការិយាល័យសុខាភិបាលស្រុកប្រតិបត្តិបាសាក់ ( ច្បារអំពៅ ) បានចុះមកយកអ្នកវិជ្ជមានកូវិដ១៩ ម្នាក់​ទៀត ភេទស្រី អាយុ២៨ឆ្នាំ ស្នាក់នៅផ្ទះជួល ភូមិព្រែកតានូ១ សង្កាត់ចាក់អង្រែលើ ខណ្ឌមានជ័យ បញ្ជូនទៅមន្ទីរពេទ្យបង្អែកចាក់អង្រែក្រោម។

ស្រ្តី​រូប​នេះបាន​​ឆ្លង​កូវីដ ១៩ និង​​ត្រូវក្រុម​គ្រូពេទ្យ​មក​ដឹក​យកទៅ​សម្រាក​ព្យាបាល ជា​អ្នកពាក់ព័ន្ធ​ព្រឹត្តិការណ៍ ២០ កុម្ភៈ។

បើ​តាម​ក្រសួង​សុខាភិបាល​ ​មាន​ករណី​ឆ្លងថ្មី ៨៦នាក់ទៀត​នៅ​ព្រឹកនេះ ពាក់ព័ន្ធ​សហគមន៍ ២០ កុម្ភៈ ក្នុង​នោះ​រាជធានី​ភ្នំពេញ មានអ្នក​ឆ្លង ២៥ នាក់។ គិតត្រឹមព្រឹក ថ្ងៃទី២៨ ខែមីនា ឆ្នាំ២០២១ កម្ពុជា​មាន​អ្នក​ឆ្លង​សរុប ២២៣៣ នាក់ អ្នកជាសះស្បើយ ១១៦៦ នាក់ អ្នកកំពុង​សម្រាក​ព្យាបាល ១០៥៤ នាក់ និង​អ្នកស្លាប់​ចំនួន ១០ នាក់៕