ព័ត៌មានជាតិ

តេស្ត ៣ ដង ចុងភៅពាក់ព័ន្ធលោកកក្កដា សោភ័ណ្ឌ មង្គលការនៅតាកែវ ចុងក្រោយឆ្លងកូវីដ

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

តាមការបញ្ជាក់ពីអាជ្ញាធរខេត្តតាកែវបានឲ្យដឹងនៅល្ងាចថ្ងៃទី២៨ ខែមីនា ឆ្នាំ២០២១នេះថា ចុងភៅក្នុងពិធីមង្គលការដែលលោក កក្កដា សោភ័ណ្ឌ ទៅចូលរួមនៅភូមិក្រាំងលាវ ឃុំរវាង ស្រុកសំរោងនោះ ត្រូវបានរកឃើញកើតជំងឺកូវីដ-១៩ ក្រោយការធ្វើតេស្ដលើកទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្ថែមថា អ្នកវិជ្ជមានជំងឺកូវីដ-១៩នេះ គឺពាក់ព័ន្ធជាមួយបុគ្គល កក្កដា សោភ័ណ្ឌ នៅក្នុងពិធីមង្គលការកាលពីថ្ងៃទី១២ ខែមីនា ឆ្នាំ២០២១ នៅភូមិក្រាំងលាវ ឃុំរវៀង ស្រុកសំរោង។ អ្នកជំងឺឈ្មោះ ហ៊ីង សាមួន ភេទប្រុស អាយុ៤៩ឆ្នាំ ទីលំនៅភូមិព្រេច សង្កាត់រកាក្រៅ ក្រុងដូនកែវ។

បច្ចុប្បន្នអ្នកជំងឺត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តតាកែវ ខណៈអ្នកពាក់ព័ន្ធចំនួន០៦នាក់ផ្សេងទៀត ត្រូវបានបញ្ជូនទៅធ្វើចត្តាឡីស័កនៅមជ្ឈមណ្ឌលគរុកោសល្យភូមិភាគតាកែវ៕

អត្ថបទ ៖ វីរៈ