ព័ត៌មានជាតិ

ប្រទះឃើញស្ត្រីវ័យ៥៤ឆ្នាំម្នាក់ដេកស្លាប់ក្នុងផ្សារចាស់

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

ស្ត្រីម្នាក់ដែលគេតែងតែហៅគាត់ថា យាយម៉ាប់ជាអ្នកលក់ដូរនៅក្នុងផ្សារចាស់ម្នាក់ត្រូវបានគេប្រទះឃើញដេកស្លាប់បង្កជាការភ្ញាក់ផ្អើលកាលពីវេលាម៉ោង២២និង៣០នាទីយប់ ថ្ងៃទី២៨ ខែមីនាឆ្នាំ២០២១នៅចំណុចផ្សារចាស់ ផ្លូវលេខ១៥ ភូមិ៥ សង្កាត់វត្តភ្នំ ខណ្ឌដូនពេញ រាជធានីភ្នំពេញ។

សពជនរងគ្រោះឈ្មោះ សុខ ផា ហៅម៉ាប់ ភេទស្រី អាយុ៥៤ឆ្នាំ ជនជាតិខ្មែរ មុខរបរលក់ដូរនៅកន្លែងកើតហេតុខាងលើ ស្នាក់នៅផ្ទះលេខ២២E1Z ផ្លូវលេខ១៤៨ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបំភ្លឺរបស់ឈ្មោះ សុខ តុលា ភេទប្រុស ត្រូជាក្មួយសពបានឲ្យដឹងថា កាលពីថ្ងៃទី២៨ ខែមីនា ២០២១វេលាម៉ោង២២និង៣០នាទីរូបគេបានចេញពីផ្ទះមកផ្សារចាស់ដើម្បីជួយរៀបចំឥវ៉ាន់អ៊ុំស្រី(សព) ពេលមកដល់កន្លែងលក់របស់គាត់ស្រាប់តែឃើញអ៊ុំរបស់ខ្លួនដេកលើគ្រែលក់សាច់គោ ឃើញដូច្នេះខ្លួនបានចូលទៅដាស់គាត់ឲ្យងើប ប៉ុន្តែគាត់ពុំដឹងខ្លួន ហើយក៏ស្រែកហៅបងប្អូនឲ្យមកជួយទើបថាដឹងអ៊ុំស្រីបានស្លាប់បាត់ទៅហើយ។

តាមការបញ្ជាក់របស់ក្មួយសពជនរងគ្រោះបានឲ្យដឹងថា កន្លងមកគាត់មានជំងឺប្រចាំកាយដូចជាលើសឈាម និងទឹកនោមប្រៃ។