ព័ត៌មានជាតិ
ស្ថានទូតប្រាប់ឲ្យពលរដ្ឋខ្មែរ នៅទីក្រុងហូជីមិញប្រុងប្រយ័ត្នពីការឡើងកំដៅដល់ទៅ ៣៧អង្សាសេ
ស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម បានប្រាប់ឲ្យពលរដ្ឋខ្មែរទាំងអស់ ដែលមានវត្តមាននៅទីក្រុងហូជីមិញ ឲ្យប្រុងប្រយ័ត្នពីការឡើងកំដៅ ដែលអាចប៉ះពាល់ដល់សុខភាព នេះបើតាមសេចក្តីជូនដំណឹង ដែលទើបទទួលបាននៅថ្ងៃទី២៩ ខែមីនា ឆ្នាំ២០២១នេះ។
ស្ថានឯកអគ្គរាជទូតកម្ពុជាបានលើកឡើងថា យោងតាមប្រព័ន្ធព័ត៌មានរបស់វៀតណាម Vietnam News ដែលបានចេញផ្សាយថ្ងៃទី២៧ ខែមីនា ឆ្នាំ២០២១ នៅខែមីនានេះ សីតុណ្ហភាពនៅទីក្រុងក្រុងហូជីមិញ បានឡើងដល់ ៣៤-៣៧ អង្សាសេ។ ជាមួយនឹងការឡើងកំដៅក្នុងក្រុងហូជីមិញ វេជ្ជបណ្ឌិតបានក្រើនរំលឹកប្រជាជនអនុវត្តវិធានការណ៍ការពារកំដៅ ដែលអាចប៉ះពាល់សុខភាព។
ចំណែកតំណាងអង្គភាពព្យាករណ៍អាកាសធាតុនៅស្ថានីយ៍ជលសាស្ត្រ និងឧត្តុនិយមភាគខាងត្បូង បាននិយាយថា សីតុណ្ហភាពអាចនឹងក្តៅខ្លាំងនៅខែមេសា និងឧសភា។ វេជ្ជបណ្ឌិតនិយាយថា ជំងឺបណ្តាលមកពីសីតុណ្ហភាពក្តៅខ្លាំង ដូចជា ជំងឺដាច់សសៃឈាមខួរក្បាល (stroke), ការអស់កំលាំង (exhaustion), រមួលក្រពើ ឬក្ដាមកាច់ជើង (cramps) អាចកើតមានលើមនុស្សគ្រប់រូប ពិសេសមនុស្សចាស់ , ក្មេង និងមនុស្សធាត់ខ្លាំង។
វេជ្ជបណ្ឌិតនៅមន្ទីរពេទ្យអន្តរជាតិ នៃទីក្រុងហូជីមិញ បាននិយាយដែរថា អាកាសធាតុក្តៅបង្ក ឲ្យមានហានិភ័យដល់ប្រព័ន្ធដង្ហើម ព្រោះមនុស្សភាគច្រើន នឹងបើកកង្ហារដោយពេញល្បឿន និងបើកម៉ាស៊ីនត្រជាក់ក្នុងសីតុណ្ហភាពទាប នាំឲ្យបំពង់ក និងច្រមុះស្ងួត។ ពេលភ្ញាសខាងក្នុងនៃផ្លូវដង្ហើមស្ងួត ធ្វើឲ្យពួកបាក់តេរី និងវីរុសងាយជ្រៀតចូលបង្កឲ្យមានជំងឺ។
ជាមួយគ្នានោះ ស្ថានទូតបានអំពាវនាវឲ្យនិស្សិត សិក្ខាកាមយោធា-នគរបាល និងបងប្អូនប្រជាពលរដ្ឋខ្មែរទាំងអស់ ដែលមានវត្តមានក្នុងទីក្រុងហូជីមិញ ត្រូវទទួលទានបន្លែ និងផ្លែឈើឲ្យបានច្រើន ពាក់មួកមានហាមធំៗ និងស្លៀកពាក់សម្លៀកបំពាក់ការពារ និងត្រូវប្រើរបាំងការពារពន្លឺព្រះអាទិត្យពេលចេញក្រៅ។ ត្រូវទទួលទានទឹកយ៉ាងហោចណាស់១,៥ លីត្រ ទៅ២ លីត្រក្នុងមួយថ្ងៃ ហើយត្រូវទទួលទានទឹកច្រើនជាងនេះ បើលេងកីឡា។ ដោយឡែកនៅរយៈពេល ៣ថ្ងៃខាងមុខនេះ សន្ទស្សន៍នៃ UV នៅទីក្រុងហូជីមិញ នឹងឡើងដល់១០, ១១។ មានន័យថា មានហានិភ័យខ្ពស់ណាស់ បើត្រូវពន្លឺថ្ងៃដោយមិនបានការពារ។
ស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម ក៏បានប្រាប់ឲ្យនិស្សិត ក៏ដូចជាសិក្ខាកាមយោធា-នគរបាល និងបងប្អូនប្រជាពលរដ្ឋខ្មែរទាំងអស់ ដែលមានវត្តមានក្នុងទីក្រុងហូជីមិញ យកចិត្តទុកដាក់ការពារសុខភាព ហើយក្នុងករណីបន្ទាន់ សូមទំនាក់ទំនងផ្នែកកុងស៊ុល +៨៤ ៩៦ ៥៧៥៦៥៧២៕
អត្ថបទ៖ កោះកែវ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ