ព័ត៌មានជាតិ

លោក ជិន ម៉ាលីន៖ ពិភពលោក កំពុងឈានទៅរកភាពអនាធិបតេយ្យ នៃនយោបាយទណ្ឌកម្មនិយម

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

so pon

រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក ជិន ម៉ាលីន បានអះអាងថា ពិភពលោកពេលនេះ កំពុងឈានទៅរកភាពអនាធិបតេយ្យ នៃនយោបាយទណ្ឌកម្មនិយម ដែលផ្តើមឡើងដោយអាមេរិក និងសម្ព័ន្ធមិត្ត ហើយទណ្ឌកម្មនេះ មិនអាចធ្វើឲ្យដៃគូនៅស្ងៀមទេ។

លោក ជិន ម៉ាលីន បានបញ្ជាក់យ៉ាងនេះថា “ពិភពលោក កំពុងឈានទៅរកភាពអនាធិបតេយ្យ នៃនយោបាយទណ្ឌកម្មនិយម ដែលផ្តើមឡើងដោយអាមេរិក និងសម្ព័ន្ធមិត្ត ព្រោះថា ចិននិងសម្ព័ន្ធមិត្តរបស់គេ ក៏មិននៅស្ងៀមដែរ គេនឹងរួមគ្នាប្រតិកម្មតបទៅវិញតាមគោលការណ៍បដិការ ដូចជាការចេញរបាយការណ៍ពីការរំលោភសិទ្ធិមនុស្ស និងការដាក់ទណ្ឌកម្មនានាលើបុគ្គល ថ្នាក់ដឹកនាំ ស្ថាប័នមួយចំនួន និងប្រទេសទាំងមូល”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងរបស់លោក ជិន ម៉ាលីន បានធ្វើលើកឡើងតាមរយៈគេហទំព័រហ្វេសប៊ុករបស់ខ្លួន និងខណៈពេលថ្មីៗនេះ អាមេរិក សហភាពអឺរ៉ុប អង់គ្លេស និងកាណាដា បានប្រកាសដាក់ទណ្ឌកម្មលើប្រទេសចចិន ដោយចោទប្រកាន់ពីការរំលោភសិទ្ធិមនុស្សនៅស៊ិនជាំង តែមិនបានប៉ុន្មានផង ចិនក៏បានប្រកាសដាក់ទណ្ឌកម្មអឺរ៉ុបវិញ ដោយហាមឃាត់បុគ្គលចំនួន១០រូប និងអង្គភាពចំនួន៤ ចូលទឹកដីប្រទេសចិន ហុងកុង និងម៉ាកាវ ទាក់ទងទៅនឹងសកម្មភាពមួយចំនួន ដែលចិននិយាយថា បានធ្វើឲ្យប៉ះពាល់ធ្ងន់ធ្ងរ ដល់ផលប្រយោជន៍របស់ចិន និងផ្សព្វផ្សាយព័ត៌មានកុហក និងមិនពិត។

ជាមួយគ្នានោះ ចិនក៏បានចេញផ្សាយរបាយការណ៏ស្តីពីការរំលោភសិទ្ធិមនុស្សនៅអាមេរិកឆ្នាំ២០២០ផងដែរ ដែលនៅក្នុងរបាយការណ៏នោះ ចិនបានលើកឡើងពីបញ្ហាជាច្រើនដែលអាមេរិកបានជួបប្រទះ ក្នុងនោះមានស្ថានភាពជំងឺកូវីដ១៩ ដែលអាមេរិកមិនអាគ្រប់គ្រងបាន, អស្ថិរភាពនយោបាយ, ជម្លោះជាតិសាសន៏ ការបែងចែកសង្គម និងអំពើហឹង្សាជាដើម៕

អត្ថបទ៖ កោះកែវ

Related Topics:លោក ជិន ម៉ាលីន