ព័ត៌មានជាតិ
សម្ដេច ស ខេង អំពាវនាវឲ្យប្រជាពលរដ្ឋបង្កើនការប្រុងប្រយ័ត្នលើបញ្ហាធំៗ៣
បញ្ហាធំៗចំនួន៣ រួមមាន បញ្ហាជំងឺកូវីដ-១៩ បញ្ហាគ្រឿងញៀន និងបញ្ហាគ្រោះថ្នាក់ចរាចរណ៍ ត្រូវបានរដ្ឋមន្រ្តីក្រសួងមហាផ្ទៃ បានលើកឡើង និងអំពាវនាវ ឲ្យប្រជាពលរដ្ឋមានការប្រុងប្រយ័ត្ន។
ការលើកឡើងនេះ បានធ្វើឡើងនៅក្នុងពិធីសំណេះសំណាលសួរសុខទុក្ខ និងចែកអំណោយជូនដល់ប្រជាពលរដ្ឋចំនួន ១០.២១០គ្រួសារ ដែលរងគ្រោះដោយទឹកជំនន់ ក្នុងភូមិសាស្ត្រខេត្តបាត់ដំបង កាលពីព្រឹកថ្ងៃទី៨ ខែវិច្ឆិកា ឆ្នាំ២០២០នេះ។
សម្តេច ស ខេង បានលើកឡើងថា មកដល់ពេលនេះ កម្ពុជាមានអ្នកឆ្លងជំងឺកូវីដ-១៩ ជិត៣០០នាក់ហើយ ក៏ប៉ុន្តែពុំមាននរណាម្នាក់ស្លាប់នោះទេ ដោយភាគច្រើនសុទ្ធសឹងតែអ្នកជំងឺនាំមកពីក្រៅប្រទេស ហើយបានព្យាបាលជាសះស្បើយជាបន្តបន្ទាប់។ ប៉ុន្តែទោះបីយ៉ាងណា ក៏ដោយយើងត្រូវតែការពារ កុំធ្វេសប្រហែសដោយត្រូវគោរពតាមការណែនាំរបស់ក្រសួងសុខាភិបាល ព្រោះប្រសិនបើកាលណាកើតមានជំងឺនេះហើយ នឹងមានការឆ្លងរាលដាលជាបន្តបន្ទាប់។
ដោយឡែកពាក់ព័ន្ធនឹងបញ្ហាគ្រឿងញៀនវិញ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ បានមានប្រសាសន៍ថា កាលពីមុនបញ្ហាគ្រឿងញៀននេះ កើតមានភាគច្រើនតែនៅទីក្រុងភ្នំពេញតែប៉ុណ្ណោះ ប៉ុន្តែ បច្ចុប្បន្នវាបានរីករាលដាលដល់តាមតំបន់ជនបទមួយចំនួន ហើយក្នុងរយៈពេលជិត២ឆ្នាំនេះ សមត្ថកិច្ចបង្ក្រាបបានគ្រឿងញៀនជិត២តោន។ ដើម្បីរួមគ្នាដោះស្រាយបញ្ហាគ្រឿងញៀន សម្ដេចក្រឡាហោម ស ខេង បានអំពាវនាវដល់យុវជន និងប្រជាពលរដ្ឋទាំងឡាយឲ្យជៀសឆ្ងាយពីគ្រឿងញៀន ដែលបំផ្លាញអនាគតរបស់ពួកគេ។
សម្តេចក៏បានបញ្ជាក់ថា ចំពោះការដោះស្រាយបញ្ហានេះ ឲ្យមានប្រសិទ្ធភាព គឺទាមទារឲ្យមានការចូលរួមខ្ពស់ពីក្រុមគ្រួសារ ក្នុងការគ្រប់គ្រង និងអប់រំសមាជិកគ្រួសាររបស់ខ្លួន ដោយមិនត្រូវពឹងផ្អែកតែលើនគរបាល និងសមត្ថកិច្ចនោះឡើយ។
ជាមួយគ្នានេះ សម្តេចក្រឡាហោម ក៏បានលើកឡើងពាក់ព័ន្ធបញ្ហាចរាចរណ៍ ដោយសម្តេចបានសង្កត់ធ្ងន់ថា បញ្ហានេះបានបណ្តាលឲ្យមនុស្សស្លាប់ជារៀងរាល់ថ្ងៃ ច្រើនជាងសង្គ្រាមទៅទៀត ដូច្នេះយើងមិនត្រូវមើលស្រាលនោះទេ ចំពោះបញ្ហានេះ ជាពិសេសអ្នកបើកគោយន្ត ដែលមានហានិភ័យខ្ពស់ ព្រោះតែចង្កូតមានលក្ខណៈវែងពិបាក ក្នុងការគ្រប់គ្រងនិងបើកបរ៕
អត្ថបទ៖ កោះកែវ
សូមចុចអាន៖ សម្ដេចក្រឡាហោមស ខេង អញ្ជើញជាអធិបតីក្នុងពិធីចែកអំណោយប្រជាកសិកររងគ្រោះដោយសារជំនន់ទឹកភ្លៀង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»