កុមារកម្ពុជាអាយុពី៦ទៅ១៣ឆ្នាំ ៤នាក់ឆ្លងកូវីដ -១៩ នៅភ្នំពេញ

ក្រសួង​សុខាភិបាលកម្ពុជានៅព្រឹកនេះ ​បាន​ប្រកាសរក​ឃើញ​ករណី​ឆ្លងកូវីដ-១៩ ចំនួ​ន ១០៥នាក់ ដោយក្នុងនោះមានអ្នកជំងឺ ៤៧នាក់ នៅភ្នំពេញ ដែលមានកុមារអាយុពី៦ឆ្នាំទៅ១៣ឆ្នាំ ចំនួន៤នាក់។

កុមារទាំង៤ដែលបានឆ្លងមេរោគកូវីដ-១៩នៅរាជធានីភ្នំពេញរួមមាន៖

កុមារីជនជាតិខ្មែរ អាយុ៦ឆ្នាំ មានអាសយដ្ឋានស្នាក់នៅសង្កាត់បឹងទំពន់ ខណ្ឌមានជ័យ

កុមារីជនជាតិខ្មែរ អាយុ១០ឆ្នាំ មានអាសយដ្ឋាននៅរាជធានីភ្នំពេញ

កុមារាជនជាតិខ្មែរ អាយុ៨ឆ្នាំ មានអាសយដ្ឋានស្នាក់នៅសង្កាត់បឹងកេងកង៣ ខណ្ឌចំការមន

និងកុមារីជនជាតិខ្មែរ អាយុ១៣ឆ្នាំ មានអាសយដ្ឋានស្នាក់នៅសង្កាត់ចោមចៅ៣ ខណ្ឌពោធិ៍សែនជ័យ។

គួរបញ្ជាក់ថា មកដល់ថ្ងៃនេះ មានការរកឃើញវិជ្ជមានកូវីដ១៩ នៅភ្នំពេញសរុបទាំងអស់ចំនួន ១,២៨៥ករណី ក្នុងនោះបានរកឃើញអ្នកជំងឺថ្មី ៤៧នាក់(ខ្មែរ៤៤នាក់ ចិន២នាក់ និងឥណ្ឌូនេសី១នាក់) និងព្យាបាលជាសះស្បើយ ជនជាតិខ្មែរ៣នាក់ ក្នុងចំណោមអ្នកជាសះស្បើយសរុប ១៦៥នាក់។

គិតមកដល់ព្រឹកនេះ កម្ពុជាមានអ្នកជំងឺកូវីដ-១៩សរុបចំនួន ២,៣៧៧នាក់ អ្នកជំងឺជាសះស្បើយសរុប ១,១៧៦នាក់ អ្នកជំងឺកំពុងសំរាកព្យាបាល ១,១៨៦នាក់ និងអ្នកស្លាប់សរុប ១១នាក់។

អត្ថបទ៖ ច័ន្ទ វីរៈ