ដំណឹងល្អ! វ៉ាក់សាំងស៊ីណូហ្វាម ៧០ ម៉ឺនដូស ជាជំនួយរបស់ចិននឹងមកដល់កម្ពុជាយប់ថ្ងៃស្អែក

វ៉ាក់សាំងស៊ីណូហ្វាមចំនួន៧០ម៉ឺនដូសទៀតដែលជាជំនួយរបស់សាធារណរដ្ឋប្រជាមានិតចិន នឹងដឹកមកដល់កម្ពុជានៅម៉ោង ៧ យប់ថ្ងៃទី ៣១ ខែមីនា ឆ្នាំ២០២១នេះ។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការ​ពារជាតិ នឹងអញ្ជើញទៅទទួលដោយផ្ទាល់។

សម្តេចពិជ័យសេនាទៀ បាញ់ រដ្ឋាភិបាលសាធារណរដ្ឋប្រជាមានិតចិន បានបន្ថែមជំនួយជាវ៉ាក់សាំងការពារជំងឺកូវីដ១៩ ចំនួន ៣០ ម៉ឺនដូសបន្ថែមទៀតពីលើចំនួន ១ លានដូសដែលចិនសម្រេចផ្តល់លើកដដំបូង។

សម្ដេចពិជ័យសេនា ទៀ បាញ់ បានបញ្ជាក់ថាវ៉ាក់សាំងស៊ីណូហ្វាម ៣០ ម៉ឺនដូស ក្នុងចំណោម ៧០ ម៉ឺន នឹងត្រូវប្រគល់មកក្រសួងការពារជាតិ ដើម្បីដាក់ក្នុងឃ្លាំង ហើយបន្តចាក់ជូនកងទ័ព និងគ្រួសារ ហើយ ៤០ ម៉ឺនដូសទៀតប្រគល់ជូនក្រសួងសុខាភិបាល៕

អត្ថបទ៖ សំអឿន