ព័ត៌មានជាតិ

ខេត្តព្រះសីហនុ ប្រកាសផ្អាកការចេញចូលតំបន់ទំនប់រលកជាបណ្តោះអាសន្ន

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

លោក គួច ចំរើន អភិបាលខេត្តព្រះសីហនុបានប្រកាសផ្អាកជាបណ្តោះអាសន្នការចេញចូលទីតាំងក្រុម៩,១២,១៣,១៤ និង១៥ ភូមិ៣ (ទំនប់រលក) សង្កាត់លេខ១ ក្រុងព្រះសីហនុនិងដាក់តំបន់នោះជាមណ្ឌលចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ លោកអភិបាលបានប្រកាសផ្អាកជាបណ្តោះអាសន្នផងដែរសណ្ឋាគារ កាស៊ីណូប៉ាវឌីង មានទីតាំងស្ថិតនៅវិថីលំហែព្រះភូមិន្ទ(ផ្លូវលេខ៤០០) ភូមិ៤ សង្កាត់លេខ៤ ក្រុងព្រះសីហនុ និងដាក់ជាមណ្ឌលចត្តាឡីស័កដូចគ្នា។ នៅក្នុងសេចក្តីជូនដំណឹងចំនួនពីរដាច់ដោយឡែកពីគ្នាចុះថ្ងៃទី៣០ខែមីនានេះ លោកអភិបាលខេត្តបានបញ្ជាក់ថា ការសម្រេចផ្អាក នេះដោយសារមានការពាក់ព័ន្ធជាមួយអ្នកវិជ្ជមានកូវីដ-១៩បានចូលទៅទីតាំងខាងលើនេះ។

បើតាមលោក ឃាង ភារម្យ អ្នកនាំពាក្យសាលាខេត្តព្រះសីហនុ បានឲ្យដឹងថា គិតត្រឹមព្រឹកថ្ងៃទី៣០ ខែមីនា ឆ្នាំ២០២១ ខេត្តព្រះសីហនុមានអ្នកវិជ្ជមានកូវីដ-១៩ ថ្មីចំនួន៣៤នាក់ និងមិនមានអ្នកជាសះស្បើយទេ។ ដូច្នេះតុល្យការអ្នកជំងឺកូវីដ-១៩ ដែលកំពុងសម្រាកព្យាបាលមានចំនួន២៨៣នាក់៕