ព័ត៌មានជាតិ
លោក ហ៊ុយ វណ្ណៈថា ក្រសួងគួរមានវិធានការរឹតបណ្តឹងលើការចេញអាជ្ញាប័ណ្ណព័ត៌មាន
លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌មានកម្ពុជាបានថ្លែងប្រាប់កម្ពុជាថ្មីនៅថ្ងៃទី៣០ ខែមីនា នេះថា រដ្ឋមន្ត្រីក្រសួងព័ត៌មាន គួរតែមានវិធានការរឹតបណ្តឹងលើការចេញអាជ្ញាប័ណ្ណ សម្រាប់អង្គភាព ដែលមានរចនាសម្ព័ន្ធមិនគ្រប់គ្រាន់ជាអង្គភាពព័ត៌មាន ហើយសម្រាប់អង្គភាពតូចៗ ដែលកំពុងដំណើរការនាពេលបច្ចុប្បន្ន គួរមានការបណ្តុះបណ្តាលបន្ថែម ដើម្បីតម្រង់ទិស និងកែលម្អរ។
ការលើកឡើងរបស់ប្រធានសហភាពសហព័ន្ធអ្នកសារព័ត៌មានកម្ពុជាបែបនេះ បន្ទាប់ពីរដ្ឋមន្ត្រីក្រសួងព័ត៌មាន លោក ខៀវ កាញ៉ារីទ្ធ បានចេញប្រកាសលុបអាជ្ញាប័ណ្ណស្ថាប័នសារព័ត៌មានជាបន្តបន្ទាប់ ក្រោយពីស្ថាប័នសារព័ត៌មានទាំងនោះ បានផ្សាយព័ត៌មាន បំភ្លៃការពិត បំពុលសង្គម បង្កភាពច្របូកច្របល់ញុះញង់ ធ្វើឲ្យប៉ះពាល់ដល់សន្តិសុខ សណ្តាប់ធ្នាប់ និងសុវត្ថិភាពសង្គម ដែលបានបំពានយ៉ាងធ្ងន់ធ្ងរលើវិជ្ជាជីវៈសារព័ត៌មាន ជាពិសេសច្បាប់ស្តីពីរបបសារព័ត៌មាន។
ក្រៅពីនេះក៏ខុសទៅនិងលក្ខន្តិកៈ កិច្ចសន្យាអាជីវកម្ម ដែលសាម៉ីខ្លួនបានតម្កល់ទុកនៅក្រសួងព័ត៌មាន ហើយក៏មានអង្គភាពព័ត៌មានតូចៗ និងបុគ្គលអ្នកសារព័ត៌មានមួយចំនួនទៀត ត្រូវរងបណ្តឹងទៅតុលាការផងដែរ ដោយសារតែមិនអនុវត្តតាមវិជ្ជាជីវៈ ជាអ្នកសារព័ត៌មាន។
បើតាមលោក ហ៊ុយ វណ្ណៈ ដោយសារតែបញ្ហាខាងលើនេះ មានបងប្អូនអ្នកសារព័ត៌មានជាច្រើនបានសួរលោកលើរឿងនេះ ហើយលោកថា ស្ថាប័នសារព័ត៌មានធំៗ ឬស្ថាប័នសារព័ត៌មានដែលមានវិជ្ជាជីវៈត្រឹមត្រូវ ស្ទើតែគ្មានរងបណ្តឹង ឬមានបញ្ហានោះទេ លើកលែងតែក្រុមមួយចំនួន ដែលមិនគោរពវិជ្ជាជីវៈប៉ុណ្ណោះ ដែលតែងតែរងបណ្តឹង ហើយឈានដល់ការលុបអាជ្ញាប័ណ្ណជាបន្តបន្ទាប់។
លោកបញ្ជាក់ថា “យើងត្រូវយល់ពីភាពគ្រោះថ្នាក់នៃបច្ចេកវិទ្យា (Facebook/Online) ដែលជំរុញឲ្យខ្លះធ្វើខុសដោយមិនដឹងខ្លួន ឬដោយបំពានប៉ាតណាប៉ាតណី ហើយកំហុសរបស់គេបែរជាបង្កើតបន្ទុកយល់ច្រឡំធំ២ ទៅអ្នកដទៃទាំងអយុត្តិធម៌ គឺទី១- មើលមួយភ្លែតថា សមត្ថកិច្ចបំពានពួកគេទៅវិញ។ ទី២- ទង្វើរបស់ពួកគេ បានធ្វើឲ្យស្រអាប់ដល់អ្នកសារព័ត៌មាន ដែលមានអាជីពត្រឹមត្រូវ ហើយរឿងធំបំផុត គឺសង្គមទាំងមូល ទទួលព័ត៌មានបំពុល និងខុសស្រឡះ។ យើងត្រូវទ្រាំទទួលយកការពិតនេះ ហើយនាំគ្នាកែប្រែ ដោយចេះក្រែង”។
លោក ហ៊ុយ វណ្ណៈ អះអាងថា ការគ្រប់គ្រងភាពអាណាធិបតេយ្យ គឺចាប់ផ្តើមលើ២ចំណុច៖ គឺទី១- គឺការភ្ញាក់រលឹកដោយបុគ្គលខ្លួនឯង បំពេញការងារដោយការគោរពច្បាប់ គោរពក្រមសីលធម៌វិជ្ជាជីវៈ និងមានសុជីវធម៌។ ទី២- ក្រសួងគួរមានវិធានការពីរដែរ គឺរឹតបណ្តឹងការចេញអាជ្ញាប័ណ្ណចំពោះអង្គភាព ដែលមានរចនាសម្ព័ន្ធមិនគ្រប់គ្រាន់ជាអង្គភាពព័ត៌មាន។ ចំពោះអង្គភាពតូចៗ ដែលកំពុងដំណើរការ គួរមានការបណ្តុះបណ្តាលគាត់បន្ថែម ដើម្បីតម្រង់ទិស និងកែលម្អរ៕
អត្ថបទ៖កោះកែវ
ផ្លូវទៅតំបន់កន្ទុយនាគ មន្រ្តីជំនាញចុះសិក្សា ដាក់អាទិភាពសាងសង់
ក្រុមហ៊ុនចិនចាក់ទុនវិនិយោគជាង ២៧០ លានដុល្លារ បើករោងចក្រផលិតស្រោមដៃនៅកម្ពុជា
រដ្ឋមន្រ្តីធនធានទឹកទទូចពលរដ្ឋធ្វើស្រែប្រាំងស្ដាប់ការណែនាំរបស់ស្ថាប័នពាក់ព័ន្ធ ដើម្បីបញ្ចៀសការខ្វះទឹក
កម្ពុជានឹងបន្តប្រឈមកត្តាខាងក្រៅ ខណៈកំពុងរៀបចំខ្លួនចាកចេញពី LDC នៅឆ្នាំ២០២៩
រដ្ឋបាល ត្រាំ ចង់ដកការចំណាយរដ្ឋាភិបាលចេញពីរបាយការណ៍ GDP
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អង់គ្លេសនិងបារាំង ប្រកាសដឹកនាំក្រុមចម្រុះ ដាក់ទ័ពទៅអ៊ុយក្រែន ទោះគ្មានអាមេរិក
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
-
សន្តិសុខសង្គម៣ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់