ព័ត៌មានជាតិ
ទីតាំងបូជាសព ស្លាប់ដោយជំងឺកូវីដ-១៩ បានរៀបចំប្លង់ទីតាំងសាងសង់រួចរាល់ហើយ
ផ្ទៃដីទំហំប្រមាណ១០ហិកតាស្ថិតក្នុងស្រុកឱរ៉ាល់ ខេត្តកំពង់ស្ពឺ ដែលត្រូវបានរដ្ឋបាលរាជធានីភ្នំពេញជ្រើសរើសជាកន្លែងដើម្បីបូជាសព អ្នកដែលបានស្លាប់ដោយសារជំងឺកូវីដ-១៩ បានរៀបចំប្លង់សាងសង់រួចរាល់ហើយ និងបច្ចុប្បន្នកំពុងតបណ្តាញអគ្គិសនី។ រីឯសម្ភារៈបច្ចេកទេសគ្រឿងម៉ាស៊ីន (ឡដុត) ក៏បានបញ្ជាទិញពីបរទេសរួចរាល់ហើយដែរ ដែលវានឹងមកដល់នៅពេលឆាប់ៗនេះ។
នេះបើតាមការបញ្ជាក់ពីលោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ នៅព្រឹកថ្ងៃទី៣១ មិនាឆ្នាំ២០២១នេះ ។
លោក ម៉េត មាសភក្ដី បានមានប្រសាសន៍ថា ដោយសារនេះជាការងារអាទិភាព យើងកំពុងសម្រុករៀបចំ និងជំរុញឲ្យបានរួចរាល់យ៉ាងលឿនបំផុត។ យើងបានរៀបចំប្លង់សាងសង់ រៀបចំទីតាំងរួចរាល់ និងបច្ចុប្បន្នកំពុងតបណ្តាញអគ្គិសនី។ រីឯសម្ភារៈបច្ចេកទេសគ្រឿងម៉ាស៊ីន (ឡដុត) បានបញ្ជាទិញពីបរទេសរួចរាល់ នឹងមកដល់ឆាប់ៗនេះហើយ។
លោក ម៉េត មាសភក្តី បានបន្តថា បើទោះបីកិច្ចការនេះ ជាអ្វីដែលយើងបានគ្រោង និងរៀបចំទុកដើម្បីបង្ការហានិភ័យណាមួយកើតឡើងក៏ដោយ ក៏រហូតមកដល់ពេលនេះ ករណីអ្នកស្លាប់ដោយសារកូវីដ-១៩ ក៏កើតមានជាបន្តបន្ទាប់រហូតដល់ជាង១០នាក់ហើយ។ នេះក៏ជាសារក្រើនរំនឹកបន្ថែមទៀតដល់ប្រជាពលរដ្ឋគ្រប់រូប សូមមានការប្រុងប្រយ័ត្នខ្ពស់ ដោយអនុវត្តឲ្យបានខ្ជាប់ខ្ជួននូវវិធានទប់ស្កាត់ការចម្លង ការរីករាលដាលជំងឺកូវីដ-១៩របស់ក្រសួងសុខភាព ក៏ដូចជា ៣ការពារ ៣កុំរបស់សម្តេចតេជោនាយករដ្ឋមន្ត្រី។
គួររំលឹកថា ក្រោយពីទទួលបានបទបញ្ជាពីសម្ដេចតេជោ ហ៊ុន សែន នាយករដ្ឋមន្ត្រី និងការដឹកនាំបញ្ជាដោយផ្ទាល់ពីលោក ឃួង ស្រេង អភិបាលរាជធានីភ្នំពេញ ភ្លាមៗអាជ្ញាធរ និងជំនាញពាក់ព័ន្ធបានគិតគូរជ្រើសរើសទីតាំងសម្រាប់រៀបចំធ្វើជាកន្លែងបូជាសពអ្នកស្លាប់ដោយសារជំងឺកូវីដ-១៩ ដោយគិតគូរពីសុវត្ថិភាព និងមិនឱ្យប៉ះពាល់ដល់ប្រជាពលរដ្ឋ ដែលមានតែទីតាំង ក្នុងស្រុកឱរ៉ាល់ ខេត្តកំពង់ស្ពឺ។
គួរបញ្ជាក់ថា នៅថ្ងៃទី៣១ ខែមីនា ឆ្នាំ២០២១នេះ អាជ្ញាធរខេត្តកំពង់ស្ពឺ ក៏បានរៀបចំពិធីក្រុងពាលី នៅទីតាំងដីទំហំ១០ហិចតាខាងលើ ដែលជាដីរបស់រដ្ឋក្រោយពីអាជ្ញាធរ បានធ្វើការឈូសឆាយរួចរាល់ហើយ កាលពីសប្តាហ៍មុន ដោយស្ថិតនៅភូមីជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ ដែលជាដីនៅឆ្ងាយពីប្រជាពលរដ្ឋរហូតដល់ទៅជិត៣គីឡូម៉ែត្រមិនប៉ះពាល់ដល់សុខភាពពលរដ្ឋ នៅក្បែរតំបន់នោះឡើយ ។
រដ្ឋបាលសាលារាជធានីភ្នំពេញ បានបញ្ជាទិញឡទំនើប៦គ្រឿងពីប្រទេសថៃ នៅពេលមកដល់ភ្លាម អាជ្ញាធរខេត្តកំពង់ស្ពឺ និងសាលារាជធានីភ្នំពេញ នឹងដំឡើងដើម្បីទុកបូជាសពអ្នកដែលស្លាប់ដោយកូវីដ-១៩ ដោយមិនប្រកាន់ថា សពមកពីខេត្តណាឬតំបន់ណាមួយនៅកម្ពុជានោះទេ គឺបូជាបានទាំងអស់៕
អត្ថបទ ៖ ស្រីរ័ត្ន
ហ្សេលេនស្គី សង្ឃឹមថា ត្រាំ មិនទន់ចិត្ត ដកទណ្ឌកម្មពីរុស្ស៊ី តាមការទាមទាររបស់ ពូទីន
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
សាលាបង្រៀនជួសជុលហោះដំបូងគេ នឹងលេច វត្តមាននៅកម្ពុជា
រដ្ឋកំពុងគិតគូរផ្ទេរគ្រូបង្រៀន ដោយគិតពីការលំបាករបស់គ្រូ និងមិនឱ្យប៉ះពាល់ការសិក្សារបស់សិស្ស និងការកែទម្រង់
ត្រាំ ស្នើថា លោកអាចបញ្ចុះអត្រាពន្ធលើចិន បើ TikTok លក់ប្រតិបត្តិការនៅអាមេរិក
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
ប៊ីល ហ្គេត៖ មានតែការងារ ៣ មុខ ប៉ុណ្ណោះ ដែលនឹងបន្តឈរជើងក្នុងបដិវត្តន៍ AI
សម្តេចសង្ឃកាតូលិក Pope Francis ជិតសុគត ខណៈគ្រូពេទ្យសម្រេចឈប់ព្យាបាល
អាជ្ញាសាលាទុកពេល៧ថ្ងៃជាកំហិតឲ្យលោក ឌួង ឆាយ ប្រគល់កូនស្រីទៅអតីតភរិយា
រុស្សី ច្រានចោលការអំពាវនាវឲ្យប្រគល់រោងចក្រនុយក្លេអ៊ែរ Zaporizhzhia ទៅអ៊ុយក្រែនវិញ
-
ព័ត៌មានអន្ដរជាតិ១ សប្តាហ៍ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានអន្ដរជាតិ២ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៦ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៣ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២៣ ម៉ោង agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៦ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
-
ព័ត៌មានអន្ដរជាតិ៦ ថ្ងៃ agoអង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក