ព័ត៌មានជាតិ

រដ្ឋាភិបាលត្រៀមដាក់បម្រាមគោចរ ហាមចេញពីផ្ទះចាប់ពីម៉ោង៨ យប់ ដល់ម៉ោង៥ ព្រឹក

បានផុស

៤ years មុន

នៅ

ថ្ងៃពុធ ៣១ មីនា ២០២១

ដោយ

រាជរដ្ឋាភិបាលកម្ពុជាត្រៀមដាក់ចេញបម្រាមគោចរចន្លោះពីម៉ោង ៨យប់ រហូតដល់ម៉ោង៥ព្រឹក ខណៈវិធានការនេះត្រូវបានធ្វើឡើងទប់ស្កាត់ការឆ្លងរីករាលដាលនៃកូវីដ១៩។នេះបើយោងតាម អនុក្រិត្យស្តីពីវិធានការរដ្ឋបាល ដើម្បីទប់ស្កាត់ការឆ្លងរីករាលដាលនៃជំងឹកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ដែលបានចុះហត្ថលេខា ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅថ្ងៃទី៣១ ខែមីនា នេះ។

មាត្រា៤ នៃអនុក្រឹត្យលេខ៥៧ អនក្រ.បក ចែងថា ការធ្វើដំណើរចេញពីលំនៅឋាន អាចត្រូវបានហាមឃាត់ ដោយលើកលែងតែក្នុងករណីចាំបាច់មួយចំនួនប៉ុណ្ណោះ ការធ្វើដំណើរបំពេញការងារ ឬ ប្រកបមុខរបរអាជីវកម្ម ដែលមិនមានការរឹតបន្តឹង ឬហាមឃាត់ និងដោយមានភ្ជាប់លិខិតអំពីការងារមុខរបរ ឬអាជីវកម្ម ការធ្វើដំណើរទៅមន្ទីរពេទ្យ សម្ភព ឬ ឱសថស្ថានមូលហេតុសុខភាព។

បន្ថែមលើនេះ មាត្រា៨ បម្រាមគោចរ ដោយរាល់ការធ្វើដំណើរត្រូវបានអនុញ្ញាតដូចមានចែងក្នុងមាត្រា៤ នៃអនុក្រិត្យនេះ មិនត្រូវធ្វើឡើងនៅចន្លោះពីម៉ោង ២០ ដល់ម៉ោង៥ព្រឹក លើកលែងចំពោះមូលហេតុសុខភាពបន្ទាន់ មូលហេតុចាំបាច់ និងបន្ទាន់ ក្នុងគ្រួសារ ការដឹកជញ្ជូនទំនិញ ការបំពេញការតព្វកិច្ចដែលបម្រើផលប្រយោជន៍ សាធារណៈជាដើម។

អនុក្រិត្យនេះត្រូវបានចូលជាធរមានចាប់ពីថ្ងៃចុះហត្ថលេខានេះតទៅ។

អានអនុក្រិត្យពិស្តារ៖