ព័ត៌មានជាតិ

ខេត្តស្វាយរៀងប្រកាសបិទទីតាំង៧កន្លែងបន្ថែមទៀតពាក់ព័ន្ធនឹងអ្នកជំងឺកូវីដ១៩ ចំនួន១០នាក់

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

រដ្ឋបាលខេត្តស្វាយរៀងបានប្រកាសបិទទីតាំងចំនួន៧កន្លែងទៀត ដែលមានជាប់ពាក់ព័ន្ធនឹងអ្នកជំងឺកូវីដ១៩ចំនួន១០នាក់ចុងក្រោយនៅកាស៊ីណូមួយកន្លែងក្នុងក្រុងបាវិត។

យោងតាមសេចក្តីជូនដំណឹងរបស់រដ្ឋបាលខេត្តស្វាយរៀងដែលបានចេញផ្សាយកាលពីយប់ថ្ងៃទី៣១ ខែមីនា នេះបានឲ្យដឹងថា ទីតាំងចំនួន៧កន្លែងនោះរួមមានទី១.កាស៊ីណូបាវិតម៉ុកបាយ នៅភូមិបាវិតកណ្ដាល សង្កាត់បាវិត ក្រុងបាវិត ទី២.គ្លីនិកសន្តិភាពថ្មី ស្ថិតនៅភូមិតាពៅ សង្កាត់បាវិត ក្រុងបាវិត ទី៣.គ្លីនិកវេជ្ជបណ្ឌិតអ៊ឹបុត្រ ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ទី៤.មន្ទីរសម្រាកព្យាបាល សុភ័ណ្ឌ អូរវ៉ាង ស្ថិតនៅក្នុងភូមិតាពៅ សង្កាត់បាវិត ទី៥.ឱសថស្ថាន លី ហួរស្ថិតនៅភូមិបាវិតកណ្ដាល សង្កាត់ ទី៦.ហាងគុយទាវកំពតដួងចិត្ត ស្ថិតនៅភូមិបាវិតកណ្ដាល និងទី៧ទីតាំងផ្ទះជួលស្ថិតនៅភូមិបាវិតកណ្ដាល សង្កាត់បាវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តសូមធ្វើការអំពាវនាវដល់អ្នកដែលពាក់ព័ន្ធឬបានដឹងថា មានប៉ះពាល់ជាមួយអ្នកជំងឺទាំង១០នាក់និងទីតាំងខាងលើគិតចាប់ពីថ្ងៃទី១៤ ខែមីនា ឆ្នាំ២០២១ត្រូវធ្វើចត្តាឡិស័កនៅតាមផ្ទះរយៈពេល១៤ថ្ងៃប្រសិនបើមានការប្រែប្រួលសុខភាពត្រូវផ្ដល់ព័ត៌មានទៅឲ្យអាជ្ញាធរមូលដ្ឋានជាបន្ទាន់ដើម្បីក្រុមការងារចាត់ការបន្ត។

បើតាមរដ្ឋបាលខេត្តបានបញ្ជាក់ថា ពាក់ព័ន្ធនឹងអ្នកជំងឺកូវីដ១៩ចំនួន១០នខាងលើនោះដែររដ្ឋបាលខេត្តបានរកឃើញអ្នកជាប់ពាក់ព័ន្ធចំនួន២៥២នាក់ស្រី១១៤នាក់បានយកវត្ថុវិភាគសំណាក់ទៅធ្វើតេស្តនិងបានដាក់ធ្វើចត្តាឡីស័កចំនួន១៤ថ្ងៃ។

គួរបញ្ជាក់ថា ខេត្តស្វាយរៀងមានអ្នកឆ្លងជំងឺកូវីដ១៩ក្នុងព្រឹត្តិការសហគមន៍២០កុម្ភៈចំនួន២៨នាក់ក្នុងនោះមានអ្នកជាសះស្បើយចំនួន២នាក់និងកំពុងសម្រាកព្យាបាលនៅមន្ទីរពេទ្យចំនួន២៦នាក់៕

អត្ថបទ ៖ សំអឿន