សម្តេចពិជ័យសេនាទៀបាញ់៖ការហាមឃាត់ និងការរារាំងសកម្មភាពមួយចំនួនគឺដើម្បីទប់ស្កាត់ជំងឺកូវីដ១៩

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានលើកឡើងថា ការហាមឃាត់ និងការរារាំងសកម្មភាពមួយចំនួនរបស់ប្រជាពលរដ្ឋគឺដើម្បីការពារទប់ស្កាត់ជំងឺកូវីដ១៩ដែលកំពុងមានការឆ្លងរាលដាលនៅក្នុងសហគមន៍។

ការលើកឡើងរបស់សម្តេចពិជ័យសេនា ទៀ បាញ់នេះបានធ្វើឡើងក្នុងឱកាសដែលសម្តេចដែលតំណាងរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជាអញ្ជើញទៅទទួលវ៉ាក់សាំងស៊ីណូហ្វាមចំនួន៧០ម៉ឺនដូសពីភាគីចិនកាលពីយប់ថ្ងៃទី៣១ខែមីនានៅព្រលានយន្តហោះអន្តរជាតិភ្នំពេញ។

សម្តេចពិជ័យសេនា ទៀ បាញ់បានមានប្រសាសន៍ថា «ការដែលហាមឃាត់ ការដែលរារាំងមួយចំនួននេះកុំចោទប្រកាន់ថាជាការរំលោភសិទ្ធិមនុស្សកុំចោទប្រកាន់ថាមិនឲ្យនិងហាមឃាត់ទៅធ្វើនេះធ្វើនោះដោយសារនេះជាសកម្មភាពសង្គមដើម្បីទប់ស្កាត់កុំឲ្យឆ្លងជំងឺកូវីដ១៩ដែលកំពុងរាលដាលយ៉ាងខ្លាំងនៅក្នុងសហគមន៍របស់យើង»។

សម្តេចពិជ័យសេនា ទៀ បាញ់បានបន្តថាសូមអធ្យាស្រ័យពីគ្រប់ទិសទីផងដែររាជរដ្ឋាភិបាលត្រូវអនុវត្តនូវវិធានការមួយចំនួនដូចជាការអនុវត្តច្បាប់រយៈពេលលកន្លងមកហ្នឹងចូលជាធរមានហើយៗអនុក្រឹត្យនៃការអនុវត្តច្បាប់ក៏កំពុងចេញចាបន្តបន្ទាប់។នេះជាតម្រូវការចាំបាច់ដែលត្រូវអនុវត្តគ្រប់ៗគ្នាផងដែរ។

សម្តេចពិជ័យសេនា ទៀ បាញ់បានបន្តទៀតថា«ទន្ទឹមមនឹងការអំពាវនាវឲ្យមានការភ្ញាក់រំលឹកដើម្បីការពារខ្លួនយើងគ្រួសារយើងនិងសង្គមយើងក៏បញ្ហាដសំខាន់មួយគឺត្រូវអនុវត្តឲ្យបានម៉ឺងម់ាត់ផងដែរប្រសិនជាមានការបំពាបំពានរំលោភបំពានច្បាស់ណាស់ត្រូវមានកំហុសដែលកន្លងមកដាក់ឲ្យធ្វើចត្តាឡីស័កហើយមិនបានអនុវត្តឲ្យបានពេញលេញទេបានគេចវេះហើយបានទៅផ្សព្វផ្សាយឬក៏ធ្វើឲ្យមានការចម្លងទៅអ្នកដទៃនោះគឺគ្រោះថ្នាក់ណាស់។ដូច្នេះច្បាប់ក៏ត្រូវតែតំរឹមដែរុំនេះជាភាពមួយដសំខាន់ណាស់»។

សម្តេចពិជ័យសេនា ទៀ បាញ់បានអំពាវនាវឲ្យទាំងអស់ទាំងអ្នកប្រតិបត្តិច្បាប់និងប្រជាពលរដ្ឋត្រូវចូលរួមយ៉ាងសកម្មនិងពេញលេញទាំងអស់គ្នាដើម្បីទប់ស្កាត់ការឆ្លងជំងឺកូវីដ១៩៕

អត្ថបទ៖ សំអឿន