ព័ត៌មានជាតិ
ជង្ហុកលើផ្លូវ ៩៥ បង្កការលំបាកដល់ការរស់នៅរបស់ពលរដ្ឋ និងអ្នកដំណើរ
ប្រជាពលរដ្ឋ បានស្នើសុំអាជ្ញាធរ ចុះមកពិនិត្យកំណាត់ផ្លូវ ៩៥ មានជង្ហុកដក់ទឹក និងកំពុងបង្កផលលំបាកដល់ការរស់នៅ ជាពិសេសអ្នកដំណើរឆ្លងកាត់ ដែលផ្លូវនេះ អាជ្ញាធរ ធ្លាប់ជួសជុលម្ដងរួចមកហើយ។
ជាក់ស្ដែងផ្លូវកំពុងរងការខូចខាតនេះ នៅក្បែរទីតាំងលាងរថយន្ត ១ កន្លែង (ក្រោយក្រសួងអភិវឌ្ឍន៍ជនបទ) តាមបណ្ដោយកំណាត់ផ្លូវលេខ ៩៥ ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។
យុវជន ភា ជាសិស្សឆ្លងកាត់ចំណុចខាងលើនេះទៅរៀនរាល់ថ្ងៃ ប្រាប់ឲ្យដឹងថា ផ្លូវដែលខូចខាតនេះ បានបង្កការលំបាកខ្លាំង ព្រោះឆ្លងកាត់ម្តងៗ ដឹងតែខ្ទាតទឹកកខ្វក់ដក់ក្នុងជង្ហុកប្រឡាក់ខោអាវរបស់គាត់ និងស្បែកជើងជានិច្ច។ ក្នុងនោះ ដោយសារតែជង្ហុកច្រើនគួរសមដែរ និងមានតូច-ធំ ដែលនៅពេលមានម៉ូតូ ឬឡានបើកជៀសគ្នា តែងមានទឹកខ្ទាតជានិច្ច។
យុវជនខាងលើបន្តទៀតថា ចំពោះជង្ហុកនេះ គាត់ធ្លាប់ដួលម្តងដែរ ពេលត្រឡប់ពីសាលាទៅផ្ទះ ព្រោះពេលនោះ ផ្លូវរាងងងឹត ទើបជិះទៅធ្លាក់ជង្ហុកដួល រលាត់ដៃជើង និងរងរបួសគួរសម។
ចំណែក អ្នកស្រី ងីម ពលរដ្ឋក្បែរនោះ បានឲ្យដឹងដែរថា ផ្លូវលេខ ៩៥ កាលពីឆ្នាំមុន អាជ្ញាធរ ធ្លាប់ជួសជុលម្ដងរួចមកហើយ ប៉ុន្តែមកដល់ឆ្នាំនេះ ក៏ខូចម្តងទៀត ទៅជាមានទឹកដក់ ជង្ហុកធំជាងឆ្នាំមុនទៀត។
អ្នកស្រី ក៏ដូចជា ប្រជាពលរដ្ឋ បានសំណូមពរទៅកាន់អាជ្ញាធរពាក់ព័ន្ធ សូមមេត្តាចុះត្រួតពិនិត្យផ្លូវជង្ហុកខាងលើនេះជួសជុលឡើងវិញឲ្យបានយូរ កុំឲ្យឆាប់ខូចបែបនេះ ព្រោះថាទោះបីផ្លូវនេះជាផ្លូវតូច ប៉ុន្តែមានអ្នកធ្វើដំណើរឆ្លងកាត់ច្រើន ដើម្បីកាត់បន្ថយការលំបាកនារដូវធ្លាក់ភ្លៀង។
ពាក់ព័ន្ធបញ្ហានេះ លោក កៀង ល័ក្ខ អភិបាលខណ្ឌចំការមន បានបញ្ជាក់ថា ដោយសារតែកន្លែងលាងរថយន្តក្បែរនោះតែងតែបង្ហូរទឹកមកលើផ្លូវ ទើបបង្កឲ្យឆាប់ខូចខាត និងដក់ទឹកបែបនេះ។
លោកអភិបាលខណ្ឌចំការមន បានបន្តថា លោកតែងតែចុះអប់រំណែនាំ ២ ទៅ ៣ ដងហើយ ប៉ុន្តែទីតាំងខាងលើនេះ នៅតែបង្ហូរទឹកមកលើផ្លូវដដែល។ ដូច្នេះហើយ នៅសប្ដាហ៍ក្រោយ លោក នឹងចាត់កម្លាំងជំនាញចុះទៅអ៊ុតកំណាត់ផ្លូវ ៩៥ ដែលរងការខូចខាតនេះថ្មីឡើងវិញ ក៏ដូចជាដាក់ឱសានវាទដល់កន្លែងលាងរថយន្ត បញ្ឈប់ឲ្យមានការបង្ហូរទឹកមកលើផ្លូវបន្តទៀត៕
អត្ថបទ ៖ រដ្ឋា
ព្រែក១១កន្លែង ក្នុងភូមិសាស្ត្រខេត្តកំពង់ចាម ត្រូវទឹកទន្លេមេគង្គហូរចូលបណ្តេីរៗហេីយ
សមត្ថកិច្ចបង្ក្រាបទីតាំងសង្ស័យពាក់ព័ន្ធបទល្មើសឆបោកតាមអនឡាញឃាត់ខ្លួនមនុស្ស១៤៩នាក់
ពលករខ្មែរ១៦នាក់ ត្រូវបានបញ្ចូនមកកម្ពុជាតាមច្រកទ្វារព្រំដែនចាំយាម
សមត្ថកិច្ច បង្ក្រាបទីតាំងបង្កប់បទល្មើសឆបោកតាមអនឡាញ ឃាត់ជនជាតិចិន៣នាក់ និងដកហូតវត្ថុតាំងមួយចំនួន
លោក ហេង សួរ ចែករំលែកបទពិសោធក្របខណ្ឌអភិបាលកិច្ច និងការគ្រប់គ្រងគាំពារសង្គម ដល់គណៈប្រតិភូនៃប្រទេសឡាវ
ត្រឡប់ត្រឡិន! អនុរដ្ឋមន្ត្រីការពារជាតិថៃនិយាយផ្សេង មេភូមិភាគ២ និយាយផ្សិង រឿងសង់របង
CMAC រកឃើញអាវុធវែង៥២ដើមកប់ទុកក្នុងដីបម្រើឲ្យសមរភូមិកាលពីសម័យសង្គ្រាម
មេភូមិភាគ២ថៃ ថា ជនកំសាកដែលលួចវាយទាហានកម្ពុជា ប្រហែលដោយសារទប់អារម្មណ៍មិនជាប់
កម្ពុជា បញ្ជូនបុគ្គលិកអប់រំ និងគ្រូបង្រៀន ៣២នាក់ចូលរួមសមាជពិភពលោកនៃគ្រូបង្រៀនភាសាបារាំង
ត្រាំ ទុកពេល៥០ថ្ងៃឲ្យ ពូទីន បើមិនព្រមបញ្ចប់សង្គ្រាមនៅអ៊ុយក្រែន អាមេរិកនឹងប្រើធម៌ក្តៅ
-
ព័ត៌មានអន្ដរជាតិ៤ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៦ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ២ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ២ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៥ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ២ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ