ព័ត៌មានជាតិ
អាជ្ញាធរខណ្ឌពោធិ៍សែនជ័យ ស្ថាបនាផ្លូវបេតុងថ្មីមួយខ្សែ សម្រួលការធ្វើដំណើរប្រជាពលរដ្ឋ
ផ្លូវបេតុងមួយខ្សែដែលរងការខូចខាត ពេលនេះ អាជ្ញាធរខណ្ឌពោធិ៍សែនជ័យ បានប្រើប្រាស់ថវិកាអភិវឌ្ឍន៍ឆ្នាំ ២០២៥ ស្ថាបនាឡើងវិញ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ។
ទីតាំងការដ្ឋានកំពុងស្ថាបនាផ្លូវបេតុងនេះភ្ជាប់ជាមួយផ្លូវ ១០៥ កា ក្នុងភូមិចំការឪឡឹក ២ សង្កាត់កាកាប ២ ខណ្ឌពោធិ៍សែនជ័យ រាជធានីភ្នំពេញ។
លោក ផាន់ ស៊ីណា ជាប្រជាពលរដ្ឋ បានឲ្យដឹងថា ផ្លូវកន្លែងនេះពីមុនមានផ្លូវបេតុងជាប់ជាមួយផ្លូវរថភ្លើងមានការខូចខាតតែបន្តិចបន្តួចតែប៉ុណ្ណោះ ក្រោយមកក៏ចាប់ផ្ដើមខូចខ្លាំងទៅៗ និងផ្នែកមួយចំនួនមានទឹកដក់ក្នុងជង្ហុក តែងតែបង្កគ្រោះថ្នាក់ដល់អ្នកដំណើរផងដែរ។ ជាមួយនេះ លោកបានសម្ដែងក្ដីសប្បាយរីករាយជាខ្លាំងចំពោះការយកចិត្តទុកដាក់ពីអាជ្ញាធរមូលដ្ឋានក្នុងការស្ថាបនាផ្លូវបេតុងមួយខ្សែនេះឡើងវិញ ដើម្បីជួយសម្រួលដល់ការធ្វើដំណើរប្រជាពលរដ្ឋ។
ចំណែក លោក កុសល ជាអ្នករត់កង់បីឥណ្ឌា បានលើកឡើងដែរថា នៅពេលឃើញមានការស្ថាបនាផ្លូវថ្មីដូច្នេះ គាត់សប្បាយរីករាយជាខ្លាំង ព្រោះងាយស្រួលដល់ការធ្វើដំណើរ និងកាត់បន្ថយការកកស្ទះត្រង់ចំណុចនេះផងដែរ។ នៅពេលធ្វើដំណើរ មិនចាំបាច់ជិះដល់ផ្លូវ ១០៥ កា នោះទេ គឺអាចជិះលើផ្លូវបេតុងថ្មីនេះវាងបានផងដែរ។
ដោយឡែកអ្នកម៉ៅការធ្វើផ្លូវ បានបញ្ជាក់ថា ផ្លូវមួយខ្សែនេះ ជាប្រភេទផ្លូវបេតុង ក្រាលសរសៃដែក មានកម្រាស់ ១.៥ តឹក ទទឹង ៨ ម៉ែត្រ និងប្រវែងស្ថាបនាចាក់បេតុងប្រវែង ១១០ ម៉ែត្រ។
ជាមួយគ្នានេះ លោក សៀង ហាក់ ចៅសង្កាត់កាកាប ២ បានបញ្ជាក់ប្រាប់កម្ពុជាថ្មីថា ផ្លូវបេតុងថ្មីនេះ មានសារៈសំខាន់ណាស់ដែលអាចជួយសម្រួលកុំឲ្យមានការកកស្ទះផងដែរ៕
អត្ថបទ ៖ ម៉េង
ពូទីន បណ្តេញរដ្ឋមន្ត្រីដឹកជញ្ជូន ក្រោយឡើងកាន់តំណែងបានតែមួយឆ្នាំជាង
អាជ្ញាធរខណ្ឌពោធិ៍សែនជ័យ ស្ថាបនាផ្លូវបេតុងថ្មីមួយខ្សែ សម្រួលការធ្វើដំណើរប្រជាពលរដ្ឋ
ក្រសួងសង្គមកិច្ច រៀបចំទិវាពិភពលោកលើកទី២ ស្តីពីបច្ចេកវិទ្យា ជំនួយសម្រាប់ជនមានពិការភាព នៅខេត្តកំពង់ចាម
ប្រធានសភាអរគុណសាធារណរដ្ឋឆែកដែលបានបង្វែរបំណុលទៅជាជំនួយដល់កម្ពុជា
ជនជាតិថៃប្រតិកម្មនឹងសម្ដី Lisa ថា «កូរ៉េដូចជាផ្ទះ មានសុវត្ថិភាពជាងប្រទេសថៃ»
រាល់ពេលស្រ្តីរៀបការហើយពុំមានកូន ជនជាតិដើមភាគតិចរតនគិរី តែងធ្វើពិធីសែន«បណ្តេញព្រាយស៊ីកូន»
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
មន្ត្រីជំនាញស្ទាក់ចាប់សាច់បង្កកជាង៨តោននាំចូលពីប្រទេសវៀតណាមខុសច្បាប់
អ៊ីស្រាអែល បើកប្រតិបត្តិការ «Black Flag» នៅយេម៉ែន វាយប្រហារក្រុមហ៊ូធី ចាស់ដៃ
អាជ្ញាធរឃុំអារក្សត្នោត នាំយកគ្រឿងឧបភោគបរិភោគ ជូនកងពលអន្តរាគមន៍លេខ៧ ក្នុងភូមិសាស្ត្រខេត្តព្រះវិហារ
-
ព័ត៌មានអន្ដរជាតិ៣ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៣ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៤ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៥ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៦ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ
-
ព័ត៌មានអន្ដរជាតិ៤ ថ្ងៃ agoថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ