ព័ត៌មានជាតិ

អាជ្ញាធរខណ្ឌកំបូល កាយដាក់លូរៀបចំប្រព័ន្ធលូថ្មីជូនប្រជាពលរដ្ឋ ក្នុងសង្កាត់ភ្លើងឆេះរទេះ

បានផុស

១ year មុន

នៅ

ថ្ងៃអង្គារ ៨ កក្កដា ២០២៥

ដោយ

អាជ្ញាធរខណ្ឌកំបូល បានចុះពិនិត្យ និងដាក់គ្រឿងចក្រ ដើម្បីកាយរៀបចំប្រព័ន្ធលូជូនប្រជាពលរដ្ឋប្រើប្រាស់ក្នុងភូមិកប់ភ្លុក និងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា ដើម្បីបញ្ចៀសការជន់លិចដោយជំនន់ទឹកភ្លៀងនារដូវវស្សា សម្រួលដល់ចរន្តទឹកហូរបានលឿន លោក ជា ឃឿន ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ បានដឹកនាំមន្ត្រីការិយាល័យ និងសង្កាត់ ដាក់គ្រឿងចក្ររៀបចំប្រព័ន្ធលូថ្មីជូនប្រជាពលរដ្ឋប្រើប្រាស់។

អាជ្ញាធរបានបញ្ជាក់ថា ការកាយរៀបចំប្រព័ន្ធលូថ្មីខាងលើនេះ នៅតាមបណ្ដោយផ្លូវបេតុងវត្តជន្លង់ម្លូ ចាប់ពីស្តុបវត្តជន្លង់ម្លូ រហូតដល់ផ្លូវបេតុងភូមិកន្ទោកត្បូង ស្ថិតក្នុងភូមិកប់ភ្លុក និងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

អាជ្ញាធរ បានសំណូមពរដល់ប្រជាពលរដ្ឋទាំងអស់ សូមមេត្តាជួយរក្សាបរិស្ថាន អនាម័យ និងសណ្ដាប់ធ្នាប់ ឲ្យបានស្អាត។ ជៀសវាងចោលសំរាមគ្មានសណ្ដាប់ធ្នាប់ ប៉ះពាល់ដល់បរិស្ថាន និងអាចហូរចូលប្រព័ន្ធលូ ប្រឈមការកកស្ទះប្រព័ន្ធទឹកលូ៕

អត្ថបទ ៖ សុខា