ព័ត៌មានជាតិ

អាជ្ញាធរខណ្ឌកំបូល ស្ថាបនាផ្លូវបេតុងប្រវែង ជាង ៣ ពាន់ម៉ែត្រ ក្នុងមូលដ្ឋានសង្កាត់កន្ទោក

បានផុស

១ year មុន

នៅ

ថ្ងៃអង្គារ ៨ កក្កដា ២០២៥

ដោយ

ប្រជាពលរដ្ឋរស់នៅក្នុងមូលដ្ឋានសង្កាត់កន្ទោក ខណ្ឌកំបូល រាជធានីភ្នំពេញ ទទួលបានផ្លូវបេតុងឆ្អឹងដែក ១ ខ្សែ ពីសាលារាជធានីភ្នំពេញ ដើម្បីងាយស្រួលធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវខាងលើនេះ កន្លងមកមានការទ្រុឌទ្រោមជង្ហុកសំបុកមាន់ ពិបាកធ្វើដំណើរ និងប្រកបរបរប្រចាំថ្ងៃ តែពេលនេះត្រូវបានអាជ្ញាធរដាក់គ្រឿងចក្រឈូសឆាយប្រែក្លាយផ្លូវនេះ និងស្ថាបនាជាផ្លូវបេតុងឆ្អឹងដែកទុកសម្រាប់ឲ្យប្រជាពលរដ្ឋធ្វើដំណើរឆ្លងកាត់។

អាជ្ញាធរបានឲ្យដឹងថា ការស្ថាបនាប្រែក្លាយផ្លូវបេតុងឆ្អឹងដែកខាងលើមានប្រវែង ៣ ១០០ ម៉ែត្រ និងទទឹង ៨ ម៉ែត្រ ដោយចាប់ពីចំណុចផ្លូវជាតិលេខ ៤ ស្ថិតក្នុងភូមិព្រៃបឹង ដល់ភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ។ អាជ្ញាធរបញ្ជាក់ថា គម្រោងផ្លូវបេតុងមួយខ្សែនេះ ជាគម្រោងរបស់រដ្ឋបាលរាជធានីភ្នំពេញ នឹងបញ្ចប់ក្នុងពេលឆាប់ៗ។

ជាមួយគ្នានេះ អាជ្ញាធរ បានអំពាវនាវដល់សាធារណជនដែលមានបំណងធ្វើដំណើរឆ្លងកាត់ផ្លូវខាងលើនេះ សូមវាងផ្លូវផ្សេងជាបណ្ដោះអាសន្នសិន។ អាស្រ័យហេតុនេះ សូមសាធារណជនមេត្តាជ្រាបយោគយល់ និងអធ្យាស្រ័យបំផុត៕

អត្ថបទ ៖ សុខា