ព័ត៌មានជាតិ

ឌីជេ ក្តិប បញ្ជាក់ពីអាការៈជំងឺបន្ទាប់មានការលើកឡើងថាឆ្លងកូវីដ-១៩

បានផុស

៤ years មុន

នៅ

ថ្ងៃសុក្រ ២ មេសា ២០២១

ដោយ

បន្ទាប់ពីមានសារព័ត៌មានមួយចំនួនបានចុះផ្សាយតាមរយៈការដកស្រង់សំណេររបស់ ឌីជេ កណ្តុរ ដែលបានលើកឡើងថា ឌីជេ ក្តិប បានឆ្លងជំងឺកូវីដ-១៩ ក្រោយពេលធ្វើដំណើរដល់ខេត្តសៀមរាបនោះ ពេលនេះ ឌីជេ ក្តិប បានចេញមុខបញ្ជាក់ការពិតជាមួយអាការ:ជំងឺក្នុងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបនឹងដំណឹងខាងលើនេះ តារាចម្រៀងរ៉េប ឌីជេ ក្តិប កាលថ្ងៃទី១ម្សិលមិញ បានបង្ហោះភ្ជាប់ជាមួយវីដេអូខ្លី ដោយបានបញ្ជាក់ថា លោកនៅមិនទាន់មានជំងឺកូវីដ១៩ នៅឡើយទេ។ លោកក៏សូមអរគុណបងប្អូនគ្រប់គ្នាដែលបារម្ភ។

ឌីជេ ក្ដិប បានបញ្ជាក់ថា លោកយកសំណាក២ដងហើយ តែលទ្ធផលមិនមានឆ្លងជំងឺកូវីដទេ គ្រាន់តែសុខភាពលោក មានការរលាកសួត ប៉ុន្តែក៏នៅមិនដឹងច្បាស់ដែរ ដោយកំពុងសម្រាកព្យាបាលតាមដានសុខភាពសិន។

សូមបញ្ជាក់ថា ប៉ុន្មានថ្ងៃមកនេះ ឌីជេ កណ្តុរ បានលើកឡើងនៅលើគណនីហ្វេសប៊ុកថា ស៊ូៗប្អូន DJ ក្តិប កំពុងតែមានជំងឺប្រចាំកាយផង មកឆ្លងកូវីដទៀត លោកព្រះអើយ។កុំបាក់ទឹកចិត្តឲ្យសោះអ្នកស្រលាញ់ចូលចិត្តគាត់ជួយជូនពរម្នាក់មួយមក ឲ្យរូចផុតពីសង្គ្រាមស៊ីសួតដ៏កាចសាហាវនេះ។ប៉ុន្តែដំណឹងនេះត្រូវបាន ឌីជេ ក្តិប ថា ខ្លួនមិនទាន់កើតជំងឺកូវីដនៅឡើយទេ៕

អត្ថបទ ៖ ចាន់រ៉ា