ព័ត៌មានជាតិ

សម្តេចតេជោ ស្នើឲ្យរៀបចំចាក់វ៉ាក់សាំង ដល់អ្នករត់កង់បី អ្នករត់តាក់ស៊ី អ្នកលក់ត្រី អ្នកលក់បន្លែបង្ការ នៅតាមផ្សារជាបន្ទាន់

បានផុស

៤ years មុន

នៅ

ថ្ងៃសុក្រ ២ មេសា ២០២១

ដោយ

មានប្រសាសន៍តាមរយៈសារសំឡេង នារសៀលថ្ងៃទី២២ ខែមេសា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជំរុញឲ្យគណៈកម្មការចំពោះកិច្ច រៀបចំចាក់វ៉ាក់សាំង ដល់អ្នករត់កង់បី អ្នករត់តាក់ស៊ី អ្នកលក់ត្រី អ្នកលក់បន្លែបង្ការ ជាពិសេសអ្នករកស៊ី ដែលមានផលប៉ះពាល់ ងាយឆ្លងនៅតាមទីផ្សារឲ្យបានឆាប់រហ័ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោលើកឡើងថា ភ្នំពេញបានក្លាយជាចំណុច នៃការឆ្លងរាលដាលជំងឺកូវីដ-១៩ ហើយក៏ជាទីកន្លែងដែលយើងត្រូវទប់ស្កាត់ឲ្យបានទាន់ពេលវេលា។ សម្ដេចតេជោបន្តថា ហ្វាក់សាំងត្រូវបានប្រើប្រាស់នៅគ្រប់រាជធានី ខេត្ត ទាំងអស់ ប៉ុន្តែសម្រាប់រាជធានីភ្នំពេញ ត្រូវប្រើប្រាស់ឲ្យបានច្រើនបំផុត តាមតែអាចធ្វើទៅបាន។

បើតាមសម្តេចតេជោ ហ៊ុន សែន កន្លងទៅសម្ដេចបានឲ្យប្រើវ៉ាក់សាំង Sinopharm ចំនួន៤០ ដូស សម្រាប់អ្នកដែលមានហានិភ័យ ដូចជាអ្នករត់កង់បី អ្នករត់តាក់ស៊ី អ្នកលក់ត្រី អ្នកលក់បន្លែបង្ការនៅតាមផ្សារ ដែលអាចនិយាយថា ជាអ្នកស៊ីសេដ្ឋកិច្ចក្រៅប្រព័ន្ធ ហើយ៤០ម៉ឺនដូសនេះ អាចប្រើប្រាស់គ្រប់គ្រាន់ ដោយបន្ថែមទៅលើវាក់សាំង AstraZeneca ដែលចាក់ទៅលើមនុស្សចាស់ ដែលមានអាយុចាប់ពី៦០ឆ្នាំឡើង។

ជាមួយគ្នានោះ សម្ដេចបានស្នើសុំឲ្យលោកស្រីវេជ្ជបណ្ឌិត ឱ វណ្ណឌីន និងលោក ឃួង ស្រេង រៀបចំចាក់វ៉ាក់សាំងជាបន្ទាន់ទៅលើអ្នកលក់ត្រី អ្នកលក់បន្លែបង្ការ អ្នករត់កង់បី អ្នករត់តាក់ស៊ី ជាពិសេសអ្នករកស៊ី ដែលមានផលប៉ះពាល់ងាយឆ្លងនៅតាមទីផ្សារឲ្យបានឆាប់រហ័ស ហើយក្នុងនោះ អ្នកដឹកជញ្ជូនផ្សេងៗ ដែលយកតាមការបញ្ជាទិញពីកន្លែងមួយទៅកន្លែងមួយ ត្រូវតែទទួលបានការចាក់វ៉ាក់សាំងបង្ការបងដែរ៕

ដោយ ៖ កោះកែវ