ព័ត៌មានជាតិ

តិចអត់ដឹង អេស៊ីលីដាម៉ូបាល មាន My QR Code បង្កើតឡើងដោយខ្លួនឯងស្រួលក្នុងការទូទាត់

បានផុស

៤ years មុន

នៅ

ថ្ងៃសៅរ៍ ៣ មេសា ២០២១

ដោយ

ស្របពេលដែលស្ថានភាពជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ នៅមិនទាន់មានការថមថយនោះអ្នកជំនាញនៃធនាគារអេស៊ីលីដាបានបង្ហាញដល់អតិថិជនពីវិធីប្រើប្រាស់មធ្យោបាយទូទាត់ប្រាក់តាមអេស៊ីលីដាម៉ូបាលវិញ ដែលអាចការពារបានពីការឆ្លងមេរោគកូវីដ១៩ជាយថាហេតុដោយសារតែវាមានមុខងារសម្បូរបែបជាពិសេសមានមុខងារមួយ ដែលមានឈ្មោះថា My QR។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតការកាន់ក្រដាសប្រាក់ទូទាត់ទំនិញឬសេវាកម្ម រវាងអ្នកលក់និងអ្នកទិញ កាន់លុយអាប់ចុះ អាប់ឡើង ហុចឲ្យគ្នាទៅវិញទៅមក វាជាហានីភ័យឆ្លងមេរោគកូវីដ-១៩ បានយ៉ាងងាយ បើយើងមិនបានធ្វើអនាម័យឲ្យបានត្រឹមត្រូវទេនោះ។ បើយោងតាម អ្នកជំនាញរបស់ក្រសួង សុខាភិបាលកម្ពុជាបានបញ្ជាក់ថា ក្រដាសលុយ ក៏ជាភ្នាក់ងារចម្លងមេរោគកូវីដ-១៩ដែរ នៅពេលដែលលុយនោះបានប្រឡាក់នូវទឹករំអិលពីផ្លូវដង្ហើមរបស់អ្នក ដែលមានផ្ទុកមេរោគ កូវីដ-១៩ ហើយក្រដាសលុយនោះ ត្រូវបានប៉ះពាល់បន្តៗគ្នាពីមនុស្សម្នាក់ទៅមនុស្សម្នាក់ទៀត។

បើតាម លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារអេស៊ីលីដាបានមានប្រសាសន៍ថាមុខងារMy QR គឺបង្កើតឡើងដោយស្វ័យប្រវត្តិនៅពេលអតិថិជនចុះឈ្មោះប្រើប្រាស់ ហើយងាយមែនទែនអតិថិជនលោកអាចផ្ញើQR នេះទៅឲ្យបងប្អូន មិត្តភ័ក្ដឬដៃគូសម្រាប់ស្កេនទូទាត់បានភ្លាមៗ។ លោកស្រី សុខ សោភា បានបន្តថា ធនាគារ អេស៊ីលីដា មានដៃគូជាហាងលក់ទំនិញជាង ៧ម៉ឺនកន្លែង ដែលអ្នកទិញអាចទិញទំនិញពីហាងទំនិញនានា ដោយពុំចាំបាច់កាន់ក្រដាសប្រាក់ គ្រាន់តែស្កេនជាមួយ QR Code អេស៊ីលីដាក៏ទទួលបានបញ្ចុះតម្លៃពីហាងទាំងនោះ បើចំពោះហាងដទៃទៀតដែលមិនទាន់មាន QR Code សម្រាប់ធ្វើការទូទាត់ ម្ចាស់ហាងទំនិញគ្រាន់តែទាញយកកម្មអេស៊ីលីដាម៉ូបាលមកដាក់ក្នុងទូរសព្ទដៃ ហើយចុះឈ្មោះប្រើប្រាស់តាមតម្រូវការរបស់ធនាគារ ភ្លាមៗម្ចាស់ហាងទំនិញទាំងនោះនឹងមាន QR Code សម្រាប់អតិថិជនស្កេនទូទាត់ថ្លៃទំនិញបានដូចគ្នា (នៅពេលអ្នកទិញមានអេស៊ីលីដាម៉ូបាល) អ្នកលក់គ្រាន់តែបើក My QR Code ឲ្យអ្នកទិញស្កេន ទូទាត់ជាការស្រេច។

លោកស្រីបានបន្តទៀតថា នៅពេលអ្នកទិញស្កេនហើយ អ្នកលក់នឹងទទួលបានសារលោតបញ្ជាក់ជាដំណឹង នៅក្នុងទូរសព្ទដៃរបស់គាត់ Notification ថាទទួលបានលុយទូទាត់ថ្លៃទំនិញ មិនតែប៉ុណ្ណោះគាត់ (អ្នកលក់) ក៏អាចឆែកមើលប្រតិបត្តិការ ឆែកមើលសមតុល្យគណនី…ផ្សេងៗពីអេស៊ីលីដាម៉ូបាលបានផងដែរ ។

លោកស្រីបានបន្ថែមថា«វាមិនត្រឹមតែងាយស្រួលក្នុងការទូទាត់ប៉ុណ្ណឹងទេ អេស៊ីលីដាម៉ូបាល ប្រៀបបានដូចជាធនាគារក្នុងដៃ ក្នុងផ្ទះអីចឹង សម្រាប់ធ្វើប្រតិបត្តិការតែមួយកន្លែងមិនបាច់ចេញក្រៅផ្ទះ ដូចជា ដាក់ប្រាក់ ដកប្រាក់ បើកប្រាក់បៀវត្ស ដកប្រាក់រហ័ស បើកប្រាក់ផ្ទេរតាមអេស៊ីលីដាម៉ូបាល បើកគណនីធនាគារ ស្នើសុំប័ណ្ណអេធីអឹមបានភ្លាមៗ បង់វិក្កយបត្រអគ្គិសនីកម្ពុជា បញ្ចូលលុយទូរសព្ទ ផ្ទេរប្រាក់ទៅប័ណ្ណវីសា និងម៉ាស្ទ័ររបស់ធនាគារផ្សេងក្នុងស្រុកបានរហូតដល់ $២,៥០០ ក្នុង១ថ្ងៃនិងសេវាកម្មជាច្រើនទៀត »។ លោកស្រីបានបញ្ជាក់ថា នៅផ្ទះឈ្នះកូវីដ រក្សាសុវត្ថិភាព ៣កុំ ៣ការពារ ដែលជាវិធានការណ៍របស់រដ្ឋាភិបាល យើងទាំងអស់គ្នា នឹងឈ្នះកូវីដ-១៩ ដ៏ចង្រៃនេះ៕