ព័ត៌មានជាតិ
បញ្ជាការដ្ឋានទ័ពពិសេស ប្រតិកម្មចំពោះការយករូបសពលោកវរសេនីយ៍ទោ លឹម សាយ មកផ្សព្វផ្សាយនាំឲ្យមានការយល់ច្រឡំ
បញ្ជាការដ្ឋានទ័ពពិសេស កាលពីយប់មិញ បានចេញលិខិតបដិសេធដាច់អហង្ការចំពោះពត៌មានមិនពិតតាមបណ្តាញសង្គមហ្វេសប៊ុន ដែលម្ចាស់ account ឈ្មោះ Tharith Bun ដែលបានករូបសពលោកវរសេនីយ៍ទោ លឹម សាយ ដែលបានពលីជីវិតដោយឧបទ្ទវហេតុលោតឆត្រយោង មកបង្ហោះនាំឲ្យមហាជនមានការភាន់ច្រឡំ និងបានប្ដឹងសមត្ថកិច្ចជំនាញ ឲ្យវែកមុខរកចាប់ខ្លួនអ្នកបង្ហោះ យកមកផ្តន្ទាទោសតាមច្បាប់។
តាមលិខិតចុះថ្ងៃទី០២ ខែមេសា ឆ្នាំ២០២១ របស់បញ្ជាការដ្ឋានទ័ពពិសេស នៃកងទ័ពជើងគោក បានលើកឡើងថា “ក្នុងនាមមេបញ្ជាការ មេបញ្ជាការ រង នាយទាហាន នាយទាហានរង ពលទាហាន និងក្រុម គ្រួសារ ទូទាំងបញ្ជាការដ្ឋានទ័ពពិសេស សូមបដិសេធដាច់អហង្ការ ចំពោះការផ្សព្វផ្សាយតាម Facebook របស់ឈ្មោះTharith Bun ដែលបានយករូបភាពសពលោកវរសេនីយ៍ទោ លឹម សាយ ជាយោធាចារ្យរបស់បញ្ជាការដ្ឋានទ័ពពិសេស ដែលបានពលីជីវិតដោយឧបទ្ទវហេតុ ក្នុងការលោតឆត្រក្នុងពិធីបិទវគ្គ ហ្វឹកហ្វឺនជំនាញឆត្រយោងជំនាន់ទី២៩ ថ្ងៃទី១៤ ខែមករា ឆ្នាំ២០២១ នៅសាលាហ្វឹកហ្វឺនទ័ពពិសេសតេជោសែនឱរ៉ាល់ មកប្រឌិតព័ត៌មាន ក្លែងក្លាយថា រូបភាពសពនេះ ជាអ្នកបានស្លាប់ដោយសារការចាក់វ៉ាក់សាំងបង្ការជំងឺកូវីដ-១៩ របស់ចិន”។
បើតាមបញ្ជាការដ្ឋានទ័ពពិសេស ការយករូបមកបង្ហោះ ហើយសរសេរបែបនេះ ធ្វើឲ្យមានការភ័ន្តច្រឡំ និងបង្កឲ្យមានភាពវឹកវរចលាចល ក្នុងពេលដែលរាជរដ្ឋាភិបាលកម្ពុជា ដែលមាន សម្តេចអគ្គមហាសេនាបកតេជោ ហ៊ុន សែន ជានាយករដ្ឋមន្ត្រី កំពុងយកចិត្តទុកដាក់ ពន្លឿនការចាក់វ៉ាក់សាំង ជាទ្រង់ទ្រាយធំដើម្បីបង្ការជំងឺកូវីដ-១៩ ជូនប្រជាពលរដ្ឋ កម្មករ កម្មការនី មន្ត្រី រាជការ កងកម្លាំងប្រដាប់អាវុធ និងក្រុមគ្រួសារ ឲ្យចាកផុតពីជំងឺដ៏កាចសាហាវនេះ។
បញ្ជាការដ្ឋានទ័ពពិសេសបញ្ជាក់ថា “យោធិនទាំងអស់នៅក្នុងអង្គភាពរបស់យើងខ្ញុំ បានចាក់វ៉ាក់សាំងការពារជំងឺកូវីដ-១៩ (SINOPHARM) ដែលជាអំណោយរបស់សាធារណរដ្ឋប្រជាមានិតចិន ដួសទី១នៅថ្ងៃទី១៨ ខែកុម្ភៈ ឆ្នាំ២០២១ ដូសទី២ នៅថ្ងៃទី០៥ ខែមីនា ឆ្នាំ២០២១ គ្រប់ចំនួន០២ដូសរួចរាល់ ចំពោះក្រុមគ្រួសារបានចាក់ដូសទី១ នៅថ្ងៃទី២៥ ខែមីនា ឆ្នាំ២០២១ និងត្រូវចាក់លើកទី២ នៅថ្ងៃទី១០ ខែមេសា ឆ្នាំ២០២១ នាពេលខាងមុខ ហើយពុំមានអ្នកណាម្នាក់ស្លាប់ ឬមានគ្រោះថ្នាក់ដោយសារការចាក់វ៉ាក់សាំងនេះឡើយ។
ជាមួយគ្នានោះ បញ្ជាការដ្ឋានទ័ពពិសេសបានអះអាងថា យើងទាំងអស់គ្នាជានាយទាហាន នាយទាហានរង ពលទាហាន និងក្រុមគ្រួសារ សូមប្ដឹងដល់ក្រសួងមានសមត្ថកិច្ច ពិសេសសមត្ថកិច្ចផ្នែកព័ត៌មានវិទ្យា វែក មុខរកចាប់ខ្លួនម្ចាស់គណនី Facebook នេះ យកមកផ្តន្ទាទោសចំពោះមុខច្បាប់ជាធរមាន៕
អត្ថបទ៖ កោះកែវ
សូមចុចអាន៖ ភ្លៀងមួយមេ ប្រឡាយស្ទឹងមានជ័យគ្មានសំរាម ពលរដ្ឋស្រុះដៃគ្នាសម្អាតមុខផ្ទះ
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី