គ្រូពេទ្យចុះយកអ្នកវិជ្ជមាន កូវីដ១៩ នៅស្ទឹងមានជ័យ២

ក្រុមគ្រូពេទ្យបានចុះយកបុរសម្នាក់ឈ្មោះ ហេង ទៀង អាយុ ៥៦ វិជ្ជមានកូវីដ១៩ នៅស្ទឹងមានជ័យ២ ហើយតម្រូវឲ្យមនុស្សពាក់ព័ន្ធ៦ នាក់ទៀតឲ្យធ្វើចត្តាឡីស័ក។

លោក សេង វ៉ាន់ថា ចៅសង្កាត់រងទី១ សង្កាត់ស្ទឹងមានជ័យ២ បានប្រាប់ថា នៅវេលាម៉ោង ១១ ព្រឹកថ្ងៃទី ៣ ខែមេសានេះ គ្រូពេទ្យបង្អែកខណ្ឌច្បារអំពៅបានយករថយន្តមកដឹកបុរសខាងលើដែលកំពុងរស់នៅផ្ទះលេខ៣៥Cក្រុមទី១ភូមិភ្នាតសង្កាត់ស្ទឹងមានជ័យទី២ខណ្ឌមានជ័យរាជធានីភ្នំពេញដែលមានផ្ទុកមេរោគកូវីដ១៩ហើយសមាជិកក្នុងគ្រួសារ៦​នាក់ទៀតត្រូវបានគ្រូពេទ្យឲ្យធ្វើចត្តាឡីសក័។

លោកបញ្ជាក់ថាក្នុងរយៈពេលមួយសប្តាហ៍នេះគឺលើកទី១ហើយក្នុងមូលដ្ឋានរបស់លោកមានអ្នកជំងឺកូវីដ១៩។

ក្រៅពីនោះគឺទីតាំងប្រមាណជា៥កន្លែងដែលបានធ្វើចត្តាឡីសក័ត្រូវបើកដំណើការឡើងវិញហើយ៕

អត្ថបទ៖នរា