ព័ត៌មានជាតិ
ជនជាតិចិនរាប់ពាន់នាក់នៅតំបន់ទេសចរតារាសាគរ ត្រូវបានអាជ្ញាធររឹតបន្តឹងការធ្វើចត្តាឡីស័ក
ជនជាតិចិនរាប់ពាន់នាក់ បម្រើការងារនៅក្នុងតំបន់វិស្សមកាលតារាសាគរ LONG BAY កំពុងត្រូវបានអាជ្ញាធររឹតបន្តឹងយ៉ាងខ្លាំងចំពោះការធ្វើចត្តាឡីស័ក គ្រាដែលពួកគេហាក់មិនគោរពវិធានសុខាភិបាល ស្របពេលទីតាំងខាងលើ ផ្ទុះជំងឺកូវីដ-១៩ច្រើនជាងគេ។
លោក ទូ សាវុធ អភិបាលរងខេត្តកោះកុង ថ្លែងនៅថ្ងៃទី៥ ខែមេសា ឆ្នាំ២០២១នេះថា មានជនជាតិចិនកំពុងធ្វើចត្តាឡីស័កសរុបចំនួន ១.២១១នាក់ ស្រី ៣៨០នាក់។ បើគិតចាប់ពីថ្ងៃទី៣ ខែមីនា ឆ្នាំ២០២១ មកដល់ពេលនេះ រកឃើញមានអ្នកវិជ្ជមានជំងឺកូវីដ-១៩ សរុបចំនួន៣០នាក់, ស្រី០៧នាក់។
លោកអភិបាលរងខេត្ត គូសបញ្ជាក់ថា លោកបានដឹកនាំក្រុមការងារខេត្ត មន្ត្រីសុខាភិបាល ស្នងការនគរបាលខេត្ត កងរាជអាវុធហត្ថខេត្ត រដ្ឋបាលស្រុកបូទុមសាគរ និងស្រុកគិរីសាគរ ចុះពិនិត្យអគារក្រុមហ៊ុន LONG BAY ស្ថិតក្នុងតំបន់វិស្សមកាលតារាសាគរ ស្រុកគិរីសាគរ ដែលជាទីតាំងតែមួយគត់ មានករណីផ្ទុះជំងឺកូវីដ-១៩ មានចំនួនច្រើនក្នុងខេត្តកោះកុង។ គោលបំណងនៃការចុះពិនិត្យទីតាំងនាពេលនេះ ដើម្បីពិភាក្សាគ្នា និងកំណត់វិធានការច្បាស់លាស់មួយ ឈានទៅគ្រប់គ្រងអ្នកកំពុងធ្វើចត្តាឡីស័ក ឱ្យមានប្រសិទ្ធភាព ស្របតាមការណែនាំរបស់ក្រសួងសុខាភិបាល។
លោក ទូ សាវុធ បន្ថែមថា រដ្ឋបាលខេត្តនៅតែបន្តបិទការចេញចូលក្នុងអគារក្រុមហ៊ុន LONG BAY ទាំងមូល ដែលមាន២២អគារ រួមទាំងបិទអគារប្លុក០៨ ពិសេសជាន់ទី០៤ និងទី០៥ ដែលជាទីតាំងមានអ្នកវិជ្ជមានជំងឺកូវីដ-១៩ «អ្នកវិជ្ជមានចំនួន០៨នាក់ កាលពីថ្ងៃទី០៣ ខែមេសា ឆ្នាំ២០២១» និងមានអ្នកប៉ះពាល់ផ្ទាល់ និងប្រយោលចំនួន៥៦នាក់ កំពុងដាក់ឱ្យធ្វើចត្តាឡីស័ក និងចាក់សោមិនអនុញ្ញាតឱ្យមានការចេញចូល។
ដើម្បីពង្រឹងវិធានសុវត្ថិភាពសុខាភិបាល បញ្ជាការឯកភាពខេត្តកោះកុង បានសម្រេចប្រើកម្លាំងនៃស្នងការនគរបាល និងអាវុធហត្ថខេត្ត ដោយដាក់ឱ្យយាមទាំងក្នុង និងក្រៅបរិវេណអគារ LONG BAY ដើម្បីគ្រប់គ្រងការចេញចូល និងតាមដានអ្នកកំពុងចត្តាឡីស័ក។
កន្លងមកការគ្រប់គ្រង ការចេញចូលក្នុងអគារក្រុមហ៊ុន LONG BAY គឺប្រើប្រាស់កម្លាំងសន្តិសុខឯកជន របស់ក្រុមហ៊ុន និងគណៈបញ្ជាការឯកភាពស្រុកតែប៉ុណ្ណោះ ក្រោយមកដោយសារកម្លាំងសន្តិសុខមិនគ្រប់គ្រាន់ ទើបគណៈបញ្ជាការឯកភាពខេត្តកោះកុង សម្រេចប្រើប្រាស់កងកម្លាំងសមត្ថកិច្ចខេត្ត ក្នុងការជួយធ្វើអន្តរាគមន៍បន្ថែម ខណៈក្រុមជនជាតិមួយចំនួនធំមិនគោរពតាមការណែនាំវិធានការសុខាភិបាល៕
អត្តបទ ៖ សិរីវឌ្ឍនៈ
សម្តេច ម៉ែន សំអន ៖ ពិធីបុណ្យដារលាន ជាបុណ្យប្រពៃណីដូនតាខ្មែរ ដើម្បីជួបជុំ និងអបអរ បន្ទាប់ហត់នឿយក្នុងពេលបង្ករបង្កើនផលរហូតដល់ប្រមូលផលស្រូវ
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
ប៉ូលិសក្រុងដូនកែវ ខេត្តតាកែវ ឃាត់ខ្លួនជនសង្ស័យ៤នាក់ ពាក់ព័ន្ធករណីហិង្សា
អគារអនុសាខាកាកបាទក្រហមកម្ពុជា ស្រុកសាលាក្រៅ បានសម្ពោធឲ្យប្រើប្រាស់ជាផ្លូវការដើម្បីបម្រើវិស័យមនុស្សធម៌
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
ធ្លាក់យន្តហោះនៅកូរ៉េខាងត្បូងព្រឹកមិញ ក្នុងនោះក៏មានថៃ២នាក់ដែរ
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់
លោក ពូទីន ចេញមុខសុំទោសមេដឹកនាំ អាស៊ែរបៃហ្សង់ រឿងធ្លាក់យន្តហោះស្លាប់មនុស្ស ៣៨ នាក់
-
សន្តិសុខសង្គម៥ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៥ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៦ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៧ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៦ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
-
ព័ត៌មានអន្ដរជាតិ៧ ថ្ងៃ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល