ជនជាតិចិនរស់នៅម្តុំវាលវង់ បាន​ស្លាប់ដោយសារ​កូវីដ១៩

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា បុរសជនជាតិជនជាតិចិនម្នាក់ទៀត​អាយុ ៤២ឆ្នាំរស់នៅអគារថៅវើស្ថិតនៅសង្កាត់វាលវង់ខណ្ឌ៧មករារាជធានីភ្នំពេញបានស្លាប់បាត់បង់ជីវិត ដោយសារជំងឺកូវី១៩នៅថ្ងៃទី៤ខែមេសាឆ្នាំ២០២១វេលាម៉ោង១០យប់នៅមន្ទីរពេទ្យមិត្តភាពខ្មែរសូវៀត។

តាមរបាយការណ៍មន្ទីរពេទ្យមិត្តភាពខ្មែរសូវៀត បុរសជនជាតិជនជាតិចិននោះបានរកឃើញវិជ្ជមានជំងឺកូវីដ១៩នៅថ្ងៃទិ២៧ខែមីនាឆ្នាំ២០២១ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យពេទ្យមិត្តភាពខ្មែរសូវៀតនៅថ្ងៃដដែល។

ប៉ុន្តែដោយសារស្ថានភាពអ្នកជំងឺមានសភាពធ្ងន់ធ្ងរតាំងពីចូលសម្រាកពេទ្យដំបូង តម្រូវឲ្យក្រុមគ្រូពេទ្យប្រើប្រាស់ម៉ាស៊ីនជំនួយដង្ហើម។ ទោះបី​ជា​ក្រុមគ្រូពេទ្យបានខិតខំជួយសង្គ្រោះតាមលក្ខណៈបច្ចេកទេសយ៉ាងណាក៏ដោយ ក៏មិនអាចជួយអ្នកជំងឺបានហើយស្ថានភាពអ្នកជំងឺកាន់តែធ្ងន់ធ្ងរ ឡើងៗដែលបណ្ដាលឱ្យអ្នកជំងឺបានស្លាប់បាត់បង់ជីវិតនៅថ្ងៃទី៤ខែមេសាឆ្នាំ២០២១វេលាម៉ោង១០យប់។

តាមការសន្និដ្ឋានរបស់ក្រុមគ្រូពេទ្យបុរសជនជាតិចិនអាយុ៤២ ឆ្នាំខាងលើ បានស្លាប់បាត់បង់ជីវិតដោយសារខ្សោយ​សួតធ្ងន់ធ្ងរនិងរលាកសួតសងខាងដោយសារជំងឺកូវីដ១៩។

នេះជាករណីទី២១ហើយនៅប្រទេសកម្ពុជាដែលមានករណីស្លាប់ដោយសារជំងឺកូវីដ១៩នៅក្នុងព្រឹត្តិការណ៍សហគមន៍២០។

កុម្ភៈនៃអ្នកជំងឺកូវីដ១៩សរុបទូទាំងប្រទេសចំនួន២៧៥២ នាក់ អ្នកជាសះស្បើយចំនួន១៧៤៧ នាក់និងអ្នកកំពុងព្យាបាលចំនួន៩៧៩ នាក់៕

អត្ថបទ៖ សំអឿន