ព័ត៌មានជាតិ
សម្តេចតេជោ ហ៊ុន សែន សាទរលោក ផាម មិញជិញ ដែលត្រូវបានជ្រើសតាំងជានាយករដ្ឋមន្ត្រីថ្មីរបស់វៀតណាម
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្ញើលិខិតមួយសម្តែងការអបអរសាទរចំពោះលោក ផាម មិញជិញ (Pham Minh Chinh) ដែលត្រូវបានជ្រើសតាំងជានាយករដ្ឋមន្ត្រីថ្មី នៃសាធារណរដ្ឋសង្គមនិយមវៀតណាម នេះបើយោងតាមលិខិតចុះថ្ងៃទី០៥ ខែមេសា ឆ្នាំ២០២១។
លិខិតរបស់សម្តេចតេជោ ហ៊ុន សែន ដែលផ្ញើជូនលោក Pham Minh Chinh បានលើកឡើងថា “ក្នុងនាមរាជរដ្ឋាភិបាល និងប្រជាជន នៃព្រះរាជាណាចក្រកម្ពុជា និងខ្លួនខ្ញុំផ្ទាល់ ខ្ញុំមានសេចក្តីរីករាយសូមសម្តែងនូវអំណរសាទរយ៉ាងកក់ក្តៅបំផុត ជូនចំពោះឯកឧត្តម ដែលត្រូវបានជ្រើសតាំងជា នាយករដ្ឋមន្ត្រី នៃសាធារណរដ្ឋសង្គមនិយមវៀតណាម។ តួនាទីដ៏សក្តិសមនេះ បានឆ្លុះបញ្ចាំងនូវជំនឿជឿជាក់ និងទំនុកចិត្តរបស់បក្សកុម្មុយនិស្ត និងប្រជាជនវៀតណាមមកលើឯកឧត្តម ចំពោះការខិតខំប្រឹងប្រែងយក ចិត្តទុកដាក់របស់ឯកឧត្តមក្នុងការជំរុញការអភិវឌ្ឍ និងវិបុលភាពរបស់វៀតណាម”។
បើតាមសម្តេចតេជោ ហ៊ុន សែន ចាប់តាំងពីការបង្កើតទំនាក់ទំនងការទូតរវាងប្រទេសទាំងពីរ រយៈពេល៥៤ ឆ្នាំកន្លងមកនេះ កម្ពុជា និងវៀតណាមានទំនាក់ទំនងជាប្រពៃណីដែលកំពុងតែរីកចម្រើនយ៉ាងខ្លាំង និងកិច្ចសហប្រតិបត្តិការដ៏ជិតស្និទ្ធលើគ្រប់វិស័យ។ ទំនាក់ទំនងដ៏ស្និទ្ធស្នាល និងការផ្លាស់ប្តូរទស្សនកិច្ចដ៏ញឹកញាប់គ្រប់លំដាប់ថ្នាក់កន្លងមកនេះ បានរួមចំណែកយ៉ាងសំខាន់ក្នុងការពង្រឹងសាមគ្គីភាពរវាងប្រជាជាតិយើងទាំងពីរ។ សម្តេចបានបញ្ជាក់ថា សម្តេចបានត្រៀមខ្លួនជាស្រេច ដើម្បីធ្វើការយ៉ាងជិតស្និទ្ធជាមួយលោក Pham Minh Chinhក្នុងគោលបំណងធ្វើឲ្យកាន់តែស៊ីជម្រៅ នូវទំនាក់ទំនងដ៏យូរលង់របស់ប្រទេសទាំងពីរ ផ្អែកលើគោលការណ៍ភាពជាអ្នកជិតខាងល្អ ចំណង មិត្តភាពជាប្រពៃណី ការយោគយល់គ្នាទៅវិញទៅមក និងលើកកម្ពស់កិច្ចសហប្រតិបត្តិការពហុវិស័យរវាងប្រទេសយើងទាំងពីរ។
សម្តេចមានជំនឿយ៉ាងមុតមាំថា ជាមួយនឹងកិច្ចខិតខំប្រឹងប្រែង និងការប្តេជ្ញាចិត្ត ធ្វើការយ៉ាង ជិតស្និទ្ធ ទាំងនៅក្នុងក្របខ័ណ្ឌទ្វេភាគី និងពហុភាគី កម្ពុជា និងវៀតណាម នឹងអាចជម្នះបាននូវបញ្ហាប្រឈមជាច្រើន ដែលមិនធ្លាប់បានជួបប្រទះកន្លងមក បណ្តាលមកពីការរាតត្បាតនៃជំងឺកូវីដ-១៩ ដើម្បីផលប្រយោជន៍របស់ប្រទេសយើងទាំងពីរ ព្រមទាំងដើម្បីសន្តិភាព ស្ថិរភាព ការអភិវឌ្ឍប្រកបដោយចិរភាព និងវិបុលភាពនៅក្នុងតំបន់ និងពិភពលោក។
សូមបញ្ជាក់ថា លោក ផាម មិញជិញ (Pham Minh Chinh) ត្រូវបានសភាជាតិវៀតណាមនៅថ្ងៃទី៥ មេសា នេះ សម្រេចជ្រើសតាំងជានាយករដ្ឋមន្ត្រីថ្មី បន្ទាប់ពីនាយករដ្ឋមន្ត្រីមុន គឺលោក ង្វៀន សួនហ្វ៊ុក ត្រូវបានជ្រើសតាំងឲ្យឡើងធ្វើជាប្រធានាធិបតី នេះបើយោងតាមការចុះផ្សាយរបស់សារព័ត៌មានវៀតណាម។
លោក ផាម មិញជិញ (Pham Minh Chinh) ដែលមានអាយុ៦៣ ឆ្នាំជាសាស្ត្រាចារ្យផ្នែកច្បាប់ និងជាវេជ្ជបណ្ឌិត ហើយក៏ជាវិស្វករសំណង់ផងដែរ។ គាត់ធ្លាប់ជាសមាជិកការិយាល័យនយោបាយ ជាអង្គភាពធ្វើការសម្រេចចិត្តរបស់បក្ស និងជាលេខាធិការគណៈកម្មាធិការកណ្តាលបក្ស។
ក្នុងឆ្នាំ ២០១០ លោកត្រូវបានតែងតាំងជាអនុរដ្ឋមន្ត្រីក្រសួងសន្តិសុខសាធារណៈមុនពេលត្រូវបានតែងតាំងជាប្រធានបក្សខេត្តភាគខាងជើងខេត្តក្វាងនិញ ក្នុងឆ្នាំ២០១១។ នៅឆ្នាំ២០១៥ គាត់បានក្លាយជាអនុប្រធាន នៃគណៈកម្មាធិការរៀបចំកណ្តាលបន្ទាប់មកបានក្លាយជាប្រធាននៅឆ្នាំ២០១៦៕
ដោយ ៖ កោះកែវ
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់