ព័ត៌មានជាតិ

ក្រសួងពង្រីកមន្ទីរពិសោធន៍មួយកន្លែងទៀតនៅមជ្ឈមណ្ឌលជាតិផ្ដល់ឈាមសម្រាប់តេស្ដរកមេរោគកូវីដ១៩

បានផុស

៤ years មុន

នៅ

ថ្ងៃចន្ទ ៥ មេសា ២០២១

ដោយ

ភ្នំពេញ ៖ ក្រសួងសុខាភិបាលបានឲ្យដឹងថា នៅខែមេសានេះក្រសួង ពង្រីកមន្ទីរពិសោធន៍មួយកន្លែងទៀត សម្រាប់តេស្ដរកមេរោគកូវីដ១៩ ដែលអាចមានសមត្ថភាពតេស្ដរកមេរោគកូវីដ១៩ប្រមាណ ១៣០០សំណាកក្នុងមួយថ្ងៃ។

ការពង្រីកមន្ទីរពិសោធន៍នេះបានធ្វើឡើងបន្ទាប់ពីប្រទេសកម្ពុជាមានផ្ទុះជំងឺកូវីដ១៩ក្នុងសហគមន៍ធ្ងន់ធ្ងរពិសេសនៅក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសចុះពិនិត្យនៅមជ្ឈមណ្ឌលជាតិផ្ដល់ឈាមនៅព្រឹកថ្ងៃទី០៥មេសានេះលោកសាស្ត្រាចារ្យ ម៉មប៊ុនហេង រដ្ឋមន្ត្រីក្រសួងសុខាភិបាលបានមានប្រសាសន៍ថា ក្រៅពីពង្រីកមន្ទីរពិសោធន៍នៅមជ្ឈមណ្ឌលជាតិផ្តល់ឈាមហើយក្រសួងក៏នឹង ដាក់ដំណើរការម៉ាស៊ីនតេស្ដរកមេរោគកូវីដ ធំៗចំនួន២បន្ថែមទៀត នៅវិទ្យាស្ថានសុខភាពសាធារណៈដើម្បីធ្វើសំណាកដែលបញ្ជួនមកឱ្យបានរហ័សនិងអាចស្វែងរកអ្នកជំងឺបានរហ័ស ហើយយកមកព្យាបាលកាន់លឿននិងអាចដឹងអ្នកជំងឺជាបានរហ័សផងដែរ។

រដ្ឋមន្ត្រីបានបន្តទៀតថា បច្ចុប្បន្ននេះយើងមានមន្ទីរពិសោធន៍នៅវិទ្យាស្ថានប៉ាស្ទ័រមានសមត្ថភាពពិនិត្យសំណាករហូតដល់ទៅ ៤ពាន់សំណាកក្នុងមួយថ្ងៃនៅវិទ្យាស្ថានសុខភាពសាធារណៈ មានម៉ាស៊ីនធំចំនួន ២គ្រឿង ដែលម៉ាស៊ីនធំកំពុងរៀបចំដំណើរ និងម៉ាស៊ីនតូចមួយចំនួនទៀត អាចតេស្ដរកមេរោគកូវីដ១៩ បានប្រមាណ៤ពាន់សំណាកក្នុង១ថ្ងៃ។

លោករដ្ឋមន្ត្រីបានបន្ថែមថា ក្រៅពីនេះក្រសួងមាននៅតាមខេត្ដផ្សេងផ្សេងទៀត មានដូចជា នៅមន្ទីរពេទ្យខេត្ដព្រះសីហនុ, មន្ទីរពេទ្យខេត្ដសៀមរាប, មន្ទីរពេទ្យបាត់ដំបង ដែលនឹងធ្វើរួចរាល់ជាស្ថានពរនៅក្រោយចូលឆ្នាំខ្មែរនេះនិងមានម៉ាស៊ីនមួយទៀត ដែលជួយដោយប្រទេសថៃ នឹងដំឡើងនៅទីក្រុងប៉ោយប៉ែត ដែលជួយពិនិត្យសំណាក មកពីបាត់ដំបង បន្ទាយមានជ័យផងដែរ ដោយមិនបាច់បញ្ជូនសំណាកមករាជធានីភ្នំពេញនោះទេ។ លើសពីនោះ ក្រសួងនឹងបម្រុងដាក់ម៉ាស៊ីនតូចៗនៅតាមតំបន់នីមួយៗបន្ថែមទៀត ដូចជា នៅខេត្ដស្វាយរៀង កំពង់ចាម និងកំពង់ធំ៕

ដោយ ៖ សំអឿន