ព័ត៌មានជាតិ

ភ្លៀងមួយមេ លាយឡំខ្យល់កន្ត្រាក់ និងផ្គររន្ទះ បាញ់សម្លាប់មនុស្សពីរនាក់និងខូចខាតផ្ទះពីរខ្នង

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

ស្ត្រីក្មេងចាស់២នាក់ត្រូវបានរន្ទះបាញ់ឆក់យកជីវិតក្នុងថ្ងៃតែ១លើទីតាំងផ្សេងគ្នា ខណៈដែលមានភ្លៀងកក់ខែ បានធ្លាក់១មេក្នុងស្រុកភ្នំព្រឹកលាយឡំខ្យល់កន្ត្រាក់ផ្គររន្ទះ។

យោងតាមរបាយការណ៍ពីអាជ្ញាធរស្រុកភ្នំព្រឹកបានឲ្យដឹងថា នៅរសៀលថ្ងៃទី០៥ ខែមេសាឆ្នាំ២០២១នេះ នៅស្រុកភ្នំព្រឹក មានករណីភ្លៀងធ្លាក់មួយមេលាយឡំខ្យល់កន្ត្រាក់ និងរន្ទះផងនោះបានបាញ់ប្រហារជីវិតមនុស្ស០២នាក់ឲ្យស្លាប់យ៉ាងអាណោចអាធ័មនៅទីលើតាំងពីរផ្សេងគ្នា ស្ថិតក្នុងឃុំពេជ្រចិន្តា ស្រុកភ្នំព្រឹក ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបានបង្ហាញថា ករណីទី១កើតឡើងនៅចំណុចភូមិពេជ្រចិន្ដា ឃុំពេជ្រចិន្ដា ស្រុកភ្នំព្រឹក ខណៈជនរងគ្រោះកំពុងឈរមើលកូនលើករងដាំដំឡូងមី នៅក្នុងដីចម្ការក៏ស្រាប់តែរន្ទះបានបាញ់តែម្តង។ ជនរងគ្រោះមានឈ្មោះ ង៉ែត ហឿន ភេទស្រីអាយុ៥២ឆ្នាំ រស់នៅភូមិឃុំកើតហេតុខាងលើ មានប្ដីឈ្មោះ ប៉ោក ម៉ន អាយុ៥៣ឆ្នាំ មានកូនចំនួន០៥នាក់។ ករណីទី២កើតឡើងនៅចំណុចក្រុមទី១០ ក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក បណ្តាលឲ្យស្លាប់ភ្លាមៗខណៈដែលជនរងគ្រោះកំពុងជិះកង់ត្រឡប់មកពីទិញនំហូបវិញ។ ជនរងគ្រោះមានឈ្មោះ អៀង លីណា ភេទស្រីអាយុ១២ឆ្នាំ មានទីលំនៅភូមិឃុំខាងលើ។

ក្រៅពីមានករណី២ខាងលើនេះខ្យល់កន្ត្រាក់ក៏បានបក់បោកបណ្តាលឲ្យរបើកដំបូលផ្ទះប្រជាពលរដ្ឋអស់ចំនួន០២ខ្នងផងដែរ៕

អត្ថបទ ៖ សៅ សារិទ្ធ