ព័ត៌មានជាតិ

ឃាត់ខ្លួនស្ដ្រីជាមុខសញ្ញាជួញដូរថ្នាំញៀន ៥០កញ្ចប់ ទៅកាន់តុលាការ

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

ស្ត្រីម្នាក់ជាមុខសញ្ញាជួញដូរគ្រឿងញៀនយ៉ាងសកម្មនៅក្នុងមូលដ្ឋាន ត្រូវបានកម្លាំងសមត្ថកិច្ចជំនាញធ្វើការឃាត់ខ្លួន និងបញ្ជូនទៅកាន់តុលាការហើយ ខណៈដែលជនសង្ស័យរូបនេះ កំពុងធ្វើសកម្មភាពជាក់ស្តែងនៅក្នុងមូលដ្ឋានខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សុខ និមល នាយការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាល ខេត្តបាត់ដំបង បានបញ្ជាក់ថា កាលពីថ្ងៃទី៥ ខែមេសា ឆ្នាំ២០២១ វេលាម៉ោង១១និង៣០នាទីថ្ងៃត្រង់ សមត្ថកិច្ចជំនាញបានចុះទៅកាន់ចំណុចភូមិព្រៃទទឹង ឃុំឆ្នាលមាន់ ស្រុកគាស់ក្រឡ ខេត្តបាត់ដំបង តាមសេចក្តីរាយការណ៍។

លោកវរសេនីយ៍ឯកបានបន្តថា នៅក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនស្ត្រីម្នាក់ដែលពាក់ព័ន្ធពីបទរក្សាទុកដោយខុសច្បាប់ នូវសារធាតុញៀន ដែលមុខសញ្ញារូបនេះ មានឈ្មោះ អ៊ុង គន្ធា ភេទស្រី អាយុ២៩ឆ្នាំ រស់នៅភូមិព្រៃធំ ឃុំកំពង់ល្ពៅ ស្រុកសំឡូត រួមជាមួយនិងថ្នាំញៀនប្រភេទម៉ាទឹកកកចំនួន៥០កញ្ចប់ផងដែរ ដែលសរុបមានទម្ងន់ ១៦,៩៩ ក្រាម ជញ្ជីងសម្រាប់ថ្លឹងថ្នាំញៀន១ ទូរសព្ទដៃ១គ្រឿង និងសម្ភារៈសម្រាប់វេចខ្ចប់មួយចំនួន ៕

អត្ថបទ៖ សោ និយមរដ្ឋ

សូមចុចអាន៖ ភ្លៀងមួយមេ លាយឡំខ្យល់កន្ត្រាក់ និងផ្គររន្ទះ បាញ់សម្លាប់មនុស្សពីរនាក់និងខូចខាតផ្ទះពីរខ្នង