ក្មេង​ប្រុស​ម្នាក់ និង​ពលរដ្ឋ ​នៅ​តាកែវ ត្រូវ​​គ្រូ​ពេទ្យ​យក​សំណាក ក្រោយ​​ពាក់ព័ន្ធ​ជា​មួយ​បុរស​គេច​មិន​ធ្វើ​ច​ត្តា​ឡី​ស័ក

ក្មេង​ប្រុស​ម្នាក់ និង​ពលរដ្ឋជា​ច្រើន​អ្នក ​ដែល​រស់​នៅនៅ​ស្រុក​ព្រៃកប្បាស ខេត្ត​តាកែវ ត្រូវ​បាន​ក្រុម​គ្រូ​ពេទ្យ​ទៅ​យក​សំណាក ក្រោយ​ជាប់​ពាក់ព័ន្ធ​ជា​មួយ​បុរស​មា្នក់ ដែល​គេច​មិន​ធ្វើ​ច​ត្តា​ឡី​ស័កនៅក្រុងភ្នំពេញ។ ​

លើក​ទី​១​ហើយ​នៅក្នុង​ខេត្តតាកែវ ក្មេង​តូច​ម្នាក់នេះ​ត្រូវបាន​ក្រុមគ្រូពេទ្យ​យក​សំណាក​ទៅពិនិត្យ រួមជាមួយ​ប្រជាពលរដ្ឋ​ផ្សេងទៀត ដែល​បាន​ប៉ះពាល់​ផ្ទាល់​និង​ប្រយោល​ជាមួយនិង​បុគ្គល​ដែលមាន វិជ្ជមាន​កូ​វីដ​១៩ មានឈ្មោះ​ពេជ្រ កុសល ដែល​គេច​ចេញពី​ការធ្វើ​ច​ត្តា​ឡី​ស័ក​នៅ​ភ្នំពេញ ហើយ​បានមក​ស្រុក ភូមិ​ព្រៃ​ព្រំ ឃុំ​ព្រៃកប្បាស ស្រុក​ព្រៃកប្បាស ខេត្តតាកែវ។

ចំពោះ​បុគ្គល​ឈ្មោះ ពេជ្រ កុសល ខាងលើ​នោះ​ ត្រូវ​បាន​ក្រុមគ្រូពេទ្យ តាម​យក​ដល់ផ្ទះ​នៅ​ភូមិ​ឃុំ​ខាងលើ​កាលពី​ថ្ងៃទី ០៥ ខែមេសា ឆ្នាំ​២០២១ ហើយ​នៅ​ព្រឹក​ថ្ងៃទី ០៦ ខែ​មេសា​នេះ អាជ្ញាធរ​ស្រុក​ព្រៃកប្បាស រួម​ជាមួយនិង​ក្រុមគ្រូពេទ្យ បាននិងកំពុង​ប្រមូល​អ្នកពាក់ព័ន្ធ​ជាមួយនិង​បុគ្គល​វិជ្ជមាន​កូ​វីដ​១៩​ខាងលើ ដើម្បី​យក​សំណាក​ទៅពិនិត្យ សង្ឃឹមថា​ពួកគាត់​និង​មាន​សុខ​ភាពល្អ​ទាំងអស់គ្នា​មក​វិញ​៕​

អត្ថបទ៖ រស្មី

សូមចុចអាន៖ ​បង​ប្អូនរស់នៅ​តាម​ខណ្ឌ អាច​​ផ្ទៀងផ្ទាត់​អ្នក​ឆ្លង​កូវីដ​តាម​ខណ្ឌ​នីមួយៗ មាន​ទាំង​ឈ្មោះ អាសយដ្ឋាន​ស្នាក់នៅ