ពលរដ្ឋ១០០គ្រួសារ នៅ​ស្រុក​ក្រឡាញ់ ទទួល​ពូជស្រូវ ដាំដុះ​ឡើងវិញ – Kampuchea Thmey Daily
Connect with us

ព័ត៌មានជាតិ

ពលរដ្ឋ១០០គ្រួសារ នៅ​ស្រុក​ក្រឡាញ់ ទទួល​ពូជស្រូវ ដាំដុះ​ឡើងវិញ

Published

on

​ពូជស្រូវសែនក្រអូប និង OM៥៤.៥១ ចំនួន ១០តោន ត្រូវ​បាន​លោក នាក់ ណេរ៉ុន  អភិបាលរង​ខេត្ត​សៀមរាប ផ្ដល់​ជូន​ប្រជាកសិករ ដែល​ទទួល​រងគ្រោះ​ដោយ​ទឹក​ជំនន់ ចំនួន១០០គ្រួសារ មក​ពី​ឃុំ​​ចំនួន​៣ ក្នុង​ស្រុក​ក្រឡាញ់ ខេត្ត​សៀមរាប នារសៀលថ្ងៃទី០៩ខែ វិច្ឆិកា ឆ្នាំ២០២០ នៅ​បរិវេណ​សាលាឃុំ​កំពុង​ថ្កូវ ។

លោក នាក់ ណេរ៉ុន អភិបាល​រងខេត្ត  មានប្រសាសន៍ ផ្ដាំផ្ញើ​ការ​សាកសួរ​សុខទុក្ខ​ពី​សំណាក់​សម្ដេច​តេជោ ហ៊ុន សែន  នាយករដ្ឋមន្ត្រី​កម្ពុជា ដែល​តែង​គិតគូរ​ពី​សុខទុក្ខ ​ប្រជាពលរដ្ឋ​រងគ្រោះ ដោយសារ​ទឹក​ជំនន់ ​ ។
 
​​​​នៅក្នុងឱកាសចែកពូជស្រូវ លោក​អភិបាល​រង​ខេត្ត ​បាន​ជំរុញ​ដល់ប្រជាកសិករទាំងអស់ ឲ្យយកពូជ​ស្រូវ​ ទៅ​បង្កបង្កើនផល ក្នុង​ការ​ស្ដារ ឡើងវិញ ព្រោះ​ពូជស្រូវ ដែល​បាន​ផ្ដល់​ជូន គឺជាពូជមិនរើសរដូវ នោះ​ទេ ​ ។

លោក ទា គឹមសុទ្ធ ប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្ត​សៀមរាប បាន​ឲ្យ​ដឹង​ថា ​គ្រោះ ធម្មជាតិ ដោយ​សារ​ទឹកជំនន់ នៅ​ស្រុកក្រឡាញ់ នាពេលកន្លងមក បង្កឲ្យមានការខូចខាត និងផលប៉ះពាល់​ដល់​​ចំនួន៤ឃុំ ស្មើ០៩ភូមិ  មាន២៥៦គ្រួសារ លើផ្ទៃដី ២១០ហិចតា និងដំណាំរួមផំ្ស ចំនួន ២០ហិចតា ។ 

លោក​បន្ត​ថា  ខេត្ត​សៀមរាប មាន​ផ្ទៃដី​បង្កបង្កើន​ផល​ស្រូវ រដូវវស្សា ឆ្នាំ២០២០ ចំនួន១៨៦ពាន់​៣០០​ហិកតា រងផលប៉ះពាល់ ដោយសារទឹកជំនន់ សរុប១២ពាន់៨៨៣ហិកតា លើ៩ក្រុង ស្រុក និងមាន​ប្រជា​កសិកររងគ្រោះ ១១ពាន់១៣១គ្រួសារ  និង ខូចខាត​ស្រូវ​ប្រាំង សរុប ២០៣ហិកតា ស្មើ ៤១៤ គ្រួសារ ។
 
​សូមបញ្ជាក់ថា ការ​ផ្ដល់​ពូជស្រូវ មិនរើសរដូវ ជូន​គ្រួសាររងគ្រោះ និង​ងាយរងគ្រោះ គឺក្នុងមួយគ្រួសារ ទទួល​បាន ១០០គីឡូក្រាម  ៕
 
អទ្ថបទ ៖ គឿន វេត


 

ចុច Like Facebook កម្ពុជាថ្មី

ព័ត៌មានជាតិ17 seconds ago

សំណុំរឿង​បាញ់​ឲ្យ​ស្លាប់​ប្រពន្ធ​របួស​កូន តុលាការ​ផ្ដន្ទាទោស​១២​ឆ្នាំ

ព័ត៌មានជាតិ18 mins ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ1 hour ago

ការបង្ក​សម្លេង​រំខាន ទោះបី​មិន​សម្លាប់​ជីវិត​មនុស្ស​ក៏ដោយ តែ​បង្ក​ផលប៉ះពាល់​ដល់​អ្នកដទៃ ជាពិសេស​អ្នកជំងឺ​តាម​មន្ទីរពេទ្យ​

ព័ត៌មានជាតិ2 hours ago

ក្រុម​ការងារ​គណៈ​ក​ម្មា​ធិ​ការ​ជាតិដោះស្រាយ​ជនអនាថា​លើកឡើង​នូវ​វឌ្ឍនភាព​ខណៈ​ចុះ​អង្កេត​រហ័ស​ទូទាំងប្រទេស

ព័ត៌មានជាតិ2 hours ago

សិស្ស​និស្សិត​ត្រូវ​លះបង់​នូវ​ពាក្យ​ចំនួន​៥​យ៉ាង ដែល​មិនគួរ​និយាយ

ព័ត៌មានពេញនិយម