អធិការខណ្ឌដូនពេញ ចុះសួរសុខទុក្ខមន្ត្រីនគរបាលប៉ុស្ដិ៍ស្រះចក ដែលកំពុងធ្វើចត្តាឡីស័ក

នៅថ្ងៃទី០៧ ខែមេសា ឆ្នាំ២០២១ វេលាម៉ោង១១:០០នាទីព្រឹក ជំនួសមុខឲ្យលោក សុខ ពេញវុធ អភិបាលនៃគណៈអភិបាលខណ្ឌដូនពេញ លោកវរៈឯក ទៀង ច័ន្ទសារ អធិការ នៃអធិការដ្ឋាននគរបាលខណ្ឌដូនពេញ បានដឹកនាំគណៈអធិការ នាយផ្នែក នាយប៉ុស្តិ៍ទាំង១១ ចុះសំណេះសំណាលសួរសុខទុក្ខ និងនាំយកនូវថវិកា និងគ្រឿងឧបភោគ បរិភោគ ដែលជាទឹកចិត្តដ៏ថ្លៃថ្លារបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ នឹងឯកឧត្តម ស ថេត អគ្គស្នងការរង និងជាស្នងការនគរបាលរាជធានីភ្នំពេញ ផ្តល់ជូនដល់កម្លាំងប៉ុស្តិ៍រដ្ឋបាលស្រះចក ចំនួន១៦នាក់ និងមន្ត្រីសាលាសង្កាត់០១នាក់ ដែលកំពុងធ្វើចក្តាឡីស័កនៅវិទ្យាល័យ ហ៊ុន សែន ភ្នំពេញថ្មី ។ 

ថវិកា និងសម្ភារៈ ដែលប្រគល់ជូនរួមមាន ទឹកសុទ្ធចំនួន17កេះ ,មីចំនួន17កេះ ,ភេសជ្ជៈចំនួន04កេះ,នំប៉ាវចំនួន​30, នំ01ធុង និងផ្លែឈើស្រស់មួយកន្ត្រក់ ព្រមទាំងថរិកាចំនួន10ម៉ឺនរៀលក្នុងម្នាក់ៗ៕

អត្ថបទ ៖ រស្មី