ព័ត៌មានជាតិ

បំភ្លឺបន្ថែមករណីអតិថិជនដកដាក់លុយនៅ ABA សាខាបុរីកីឡា ឆ្លងកូវីដ ១៩

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

តាមការបញ្ជាក់របស់អនុគណៈកម្មការស្រាវជ្រាវកូវីដ ១៩ បានបំភ្លឺបន្ថែមករណីអ្នកជំងឺកូវីដម្នាក់ ដែលបានចេញចូលដកដាក់លុយជាប្រចាំនៅធនាគារ ABA សាខាបុរីកីឡា គឺមានហានិភ័យឆ្លងកម្រិត ៣។

បើតាមការអនុគណៈកម្មការស្រាវជ្រាវ អ្នកជំងឺរូបនោះមិនបានដឹងខ្លួនឆ្លងកូវីដនោះទេ ពេលអាការៈធ្វើទុក្ខខ្លាំង ទើបបានមកធ្វើតេស្ត លទ្ធផលក៏រកឃើញមានវិជ្ជមានកូវីដ ១៩។ អនុគណៈកម្មការស្រាវជ្រាវកូវីដ ១៩ បានដាក់កម្រិតនៃការឆ្លងក្នុងហានិភ័យកម្រិត ៣ ដែលជាអត្រាឆ្លងខ្ពស់សម្រាប់អ្នកដែលពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក៏អំពាវនាវដល់ប្រជាពលរដ្ឋ ដែលបានទៅប្រើសេវាកម្ម ឬចេញចូលជាប្រចាំ នៅធនាគារ ABA សាខាបុរីកីឡា ស្ថិតនៅអគារដឺឡាណូ សង្កាត់វាលវង់ ខណ្ឌ៧មករា ចាប់ពីថ្ងៃទី ៨ ខែមីនា ដល់ថ្ងៃទី៥ ខែមេសា ឆ្នាំ២០២១ បើមានអាការៈសង្ស័យមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ១៩ តាមទីតាំងខាងក្រោម៖

–វិទ្យាល័យបាក់ទូក
-វិទ្យាល័យបឹងត្របែក
-មណ្ឌលសុខភាពចាក់អង្រែក្រោម
-មន្ទីរពេទ្យខ្មែរ-សូវៀត
-សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
-មន្ទីរពេទ្យបង្អែកនៅតាមបណ្តាខេត្តនានា

អត្ថបទ៖ ប៊ុណ្ណារ៉ា