មេបញ្ជាការអាវុធហត្ថរាជធានី ថ្លែងអំណរគុណចំពោះក្រុមហ៊ុន ជីហ្គៀ គ្រុប ផ្ដល់អង្ក២តោនដោះស្រាយប្រឆាំងកូវីដ១៩

លោកឧត្តមសេនីយ៍ឯក រ័ត្ន ស្រ៊ាង មេបញ្ញាការរងកងរាជអាវុធហត្ថលើផ្ទៃប្រទេស និងមេបញ្ជាការកងរាជអាវុធហត្ថរាជធានីភ្នំពេញ បានសម្ដែងនូវការអរគុណចំពោះទឹកចិត្តសប្បុរសធម៏របស់ក្រុមហ៊ុន ជីហ្គៀ គ្រុប ដែលបានផ្ដល់ជាអង្ក២តោនដល់អាវុធហត្ថរាជធានី ដើម្បីដោះស្រាយក្នុងយុទ្ធនាប្រយុទ្ធប្រឆាំងនឹងជម្ងឺរាតត្បាតដ៍កាចសាហាវកូវីដ១៩​ដែលបានឆក់យកអាយុជីវិតប្រជាពលរដ្ឋកម្ពុជាជាង២០នាក់ និងឆ្លងជិត៣០០០នាក់គិតត្រឹមថ្ងៃទី៩ មេសានេះ។

ក្នុងពិធីទទួលអំណោយសប្បុរសធម៏នេះ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានចាត់តំណាងដើម្បីមកទទួលអង្កចំនួន០២តោន ពីក្រុមហ៊ុន ជីហ្គៀ គ្រុប នៅទីបញ្ជាការកងរាជអាវុធហត្ថរាជធានី។

នេះគឺជាសកម្មភាពដ៏សប្បុរសមួយ ដែលបានចូលរួមចំណែកក្នុងសង្គមជាតិ ពិសេសជូនអាវុធហត្ថរាជធានីភ្នំពេញ ដើម្បី​ប្រើប្រាស់ជាប្រយោជន៍បន្ថែមលើអាហាររូបត្ថម្ភរបស់សមាជិក កងរាជអាវុធហត្ថរាជធានីភ្នំពេញ ក្នុងពេលកំពុងតែយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩នេះតែម្ដង។

ក្នុងឱកាសនោះ លោកវរសេនីយ៍ទោ ផៃ វ៉ាន់ នាយការិយាល័យភស្តុភារ តំណាងឲ្យលោកឧត្តមសេនីយ៍ឯក រ័ត្ន ស្រ៊ាង បានថ្លែងអំណរគុណយ៉ាងជ្រាលជ្រៅ ចំពោះសប្បុរសជនខាងលើ ដែលមានចិត្តជ្រះថ្លាឧបត្ថម្ភអង្ក ដល់អាវុធហត្ថរាជធានីភ្នំពេញនាពេលនេះ៕

អត្ថបទ ៖ វិមាន