ព័ត៌មានជាតិ
មន្ត្រីបសុព្យាបាល បន្តចុះចាក់វ៉ាក់សាំងសត្វ នៅស្រុកសូទ្រនិគមគោបានចំនួន៩៨០ក្បាល
សៀមរាប ៖ មន្ត្រីការិយាល័យផលិតកម្មនិងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តសៀមរាប បានបន្តចុះអប់រំ និងចាក់ថ្នាំដល់សត្វគោរបស់ពលរដ្ឋដើម្បីបង្ការជំងឺផ្សេងៗបានចំនួន៩៨០ក្បាល។
ការចុះចាក់ថ្នាំនេះដែរ ធ្វើឡើងនៅព្រឹកថ្ងៃទី០៩ ខែវិច្ឆិកា ឆ្នាំ២០២០នេះ នៅតាមភូមិមួយចំនួននៃឃុំដានរុន ស្រុកសូទ្រនិគម ខេត្តសៀមរាប។
បងស្រីម៉ៅ គឺជាប្រជាកសិកររស់នៅភូមិបេង បានរៀបរាប់ទាំងទឹកមុខញញឹមញញែមថា ចំពោះគ្រួសារកសិករដូចគាត់ពិតជាមានការសប្បាយរីករាយយ៉ាងខ្លាំងដោយបានឃើញខាងជំនាញគ្រូពេទ្យមកចាក់ថ្នាំការពារជំងឺសត្វគោ ក្របី ដល់ក្នុងភូមិបែបនេះ។ ព្រោះជារៀងរាល់ថ្ងៃគាត់តែងតែព្រួយបារម្ភរឿងសត្វគោ និងជ្រូករបស់គាត់ឈឺថ្កាត់។ អ្នកស្រី បានសំណូមពរទៅដល់ថ្នាក់លើមេត្តាបន្តកម្មវិធីចុះចាក់ថ្នាំដល់សត្វពាហនៈរបស់អ្នកភូមិបន្តទៀត។
លោក ព្រំ វិច ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តសៀមរាប បានមានប្រសាសន៍ថា ដោយមានការយកចិត្តទុកដាក់ពីក្រសួងកសិកម្មរុក្ខាប្រម៉ាញ់និងនេសាទ និងឯកឧត្តម អភិបាលខេត្តសៀមរាប ព្រមទាំងលោកទា គឹមសុទ្ធ ប្រធានមន្ទីរកសិកម្មរុក្ខាប្រម៉ាញ់និងនេសាទ ទើបការិយាល័យផលិតកម្មនិងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តសៀមរាប ព្រមទាំងពេទ្យសត្វតាមភូមិ បានបន្តចុះចាក់វ៉ាក់សាំងការពារជំងឺផ្សេងៗដល់សត្វគោ របស់ពលរដ្ឋនៅតាមភូមិមួយចំនួននៃឃុំខ្ចាស់ ស្រុកសូទ្រនិគម ខេត្តសៀមរាប បានចំនួនសរុបចំនួន៩៨០ក្បាល។
លោក ព្រំ វិច បន្តថា កម្មវិធីចាក់ថ្នាំវ៉ាក់សាំងគោ ក្របីគឺជាផ្នែកមួយនៃអគ្គនាយកដ្ឋានសុខភាពសត្វនិងផលិតកម្មសត្វដែលជាគោលនយោបាយរបស់ក្រសួងកសិកម្មរុក្ខាប្រមាញ់និងនេសាទ តម្រូវឲ្យប្រជាពលរដ្ឋមិនថានៅខេត្តសៀមរាបនោះទេ គឺនៅទូទាំងប្រទេស យកគោ,ក្របី មកទទួលការរក្សាសុខភាពតាមរយៈការចាក់ថ្នាំការពារសុខភាព។
លោកបន្តថា នៅថ្ងៃនេះក្រុមការងាររបស់ ការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តសៀមរាប បានដាក់កម្មវិធីជាមួយអាជ្ញាធរមូលដ្ឋាន ដើម្បីប្រមូលសត្វគោ ក្របីរបស់ពលរដ្ឋនៅក្នុងភូមិបេង, ភូមិសន្ទៃ, ភូមិវាលនិង ភូមិថ្លាត ក្នុងឃុំដានរុន ស្រុកសូទ្រនិគម នេះដើម្បីទទួលវ៉ាក់ការពារជំងឺឆ្លងដល់សត្វគោរបស់ពលរដ្ឋបានចំនួន៩៨០ក្បាល។
លោកបន្ថែមថា សម្រាប់វ៉ាក់ទាំងនេះគឺទទួលបានពីអគ្គនាយកដ្ឋានសុខភាពសត្វនិងផលិតកម្មសត្វ ក្នុង១ឆ្នាំ២ដង គឺឆមាសទី១និងឆមាសទី២។ប្រភេទវ៉ាក់សាំងដែលទទួលបាននោះ គឺទី១សាទឹក គោ ក្របី ទី២វ៉ាក់សាំងបូសខ្យល់ ទី៣វ៉ាក់សាំងអ៊ុតក្តាម និងមានសម្ភារៈបរិក្ខារមួយចំនួនទៀត ហើយសម្ភារៈទាំងនេះមន្ទីរកសិកម្មរុក្ខាប្រមាញ់និងនេសាទ តែងតែយកមកធ្វើការបែងចែកទៅដល់គ្រប់បណ្តាក្រុង/ស្រុកក្នុងខេត្តសៀមរាប ជាពិសេសជូនដល់ភ្នាក់ងារការពារសុខភាពសត្វ(ពេទ្យសត្វតាមភូមិ) ក្នុងខេត្តទាំងអស់ប្រមាណជាង៤០០នាក់។
ក្នុងនោះដែរ លោកបានសំណូមពរដែរថា បន្ទាប់ពីបងប្អូនពលរដ្ឋទទួលបានព័ត៌មាន ពីអាជ្ញាធរភូមិឃុំដែលបានផ្សព្វផ្សាយណាត់កម្មវិធីចាក់វ៉ាក់សាំងនេះ សូមបងប្អូន ប្រញាប់យកសាំងគោ ក្របី មកចាក់ឲ្យបានទាន់ពេលគ្រប់ៗគ្នាដើម្បីការពារផលប្រយោជន៍នៃការចិញ្ចឹមសត្វរបស់បងប្អូនប្រជាពលរដ្ឋឲ្យបានគង់វង់និងមានសុខភាពល្អ។
លោកបញ្ជាក់ថា ការចុះចាក់ថ្នាំនេះដែរ គឺខាងលោកនឹងបន្តចាក់គ្រប់ស្រុកទាំងអស់នៃខេត្តសៀមរាប ដើម្បីរួមចំណែក កាត់បន្ថយភាពក្រីក្ររបស់ប្រជាកសិករបានមួយកម្រិតផងដែរ៕
ដោយ ៖ កុសល
តំបន់អារ៉ែង ផ្តើមមានទំនប់បង្ហៀរឆ្លងដងស្ទឹងប្រវែងជិត១០០ម៉ែត្រ
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង