នយោបាយ
បំណែកសង្គ្រោះជាតិ លេចចេញជារូបរាងមួយទៀតហើយគឺ “គណបក្សបេះដូងជាតិ”
កាលពីថ្ងៃទី០៣ ខែមិថុនា ឆ្នាំ២០២១ កន្លងទៅថ្មីៗនេះ ក្រសួងមហាផ្ទៃបានទទួលពាក្យស្នើសុំបង្កើតគណបក្សថ្មីមួយទៀត ដែលមានឈ្មោះថា “គណបក្សបេះដូងជាតិ” ដោយសរសេរជាអក្សរកាត់ថា “គ.ប.ជ” ហើយដោយផ្អែកទៅតាមការស្នើសុំនេះ ក្រសួងមហាផ្ទៃបានតម្រូវឲ្យគណបក្សនេះ ត្រូវរៀបចំសញ្ញាសម្គាល់របស់គណបក្សឲ្យបានត្រឹមត្រូវ ដោយអនុលោមតាមច្បាប់ស្ដីពីគណបក្សនយោបាយ នេះបើយោងតាមលិខិត ដែលក្រសួងមហាផ្ទៃផ្ញើជូនលោក សៀម ភ្លុក ដែលជាតំណាងស្ថាបនិកគណបក្ស ហើយដែលកម្ពុជាថ្មីទើបទទួលបាននៅថ្ងៃទី១៥ ខែមិថុនា ឆ្នាំ២០២១នេះ។
ទាក់ទងការបង្កើតគណបក្សថ្មីនេះ មានប្រភពមួយចំនួនបានបង្ហើបថា គណបក្សបេះដូងជាតិនេះ រួមគ្នាបង្កើតឡើងដោយលោក ថាច់ សេដ្ឋា អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ និងជាប្រធានសហគមន៍ខ្មែរកម្ពុជាក្រោម ដែលទើបទទួលបានសម្បទា ធ្វើនយោបាយឡើងវិញកាលពីថ្មីៗនេះ ប៉ុន្តែលោក ថាច់ សេដ្ឋា បានបដិសេធចំពោះព័ត៌មានខាងលើនេះ ដោយសំអាងថា លោកមិនទាន់បានគិតគូរពីការធ្វើនយោបាយនៅឡើយទេ បើទោះបីលោកទទួលបានសម្បទា ធ្វើនយោបាយឡើងវិញក៏ដោយ។
លោក ថាច់ សេដ្ឋា បានថ្លែងប្រាប់កម្ពុជាថ្មីថា លោកមិនទាន់បានគិតគូរពីការធ្វើនយោបាយ ឬបង្កើតគណបក្សអីនោះទេ ដោយសារតែលោកកំពុងជាប់រវល់ក្នុងការរៀបចំបុណ្យខួប នៃការបាត់បង់ទឹកដីកម្ពុជាក្រោម ដែលគ្រោងធ្វើនៅថ្ងៃទី២៧ ខែមិថុនា ឆ្នាំ២០២១ខាងមុខ។
បើទោះបីជាលោក ថាច់ សេដ្ឋា បានបដិសេធព័ត៌មាននេះក្តី មានប្រភពច្រើនដែលស្និទ្ធលោក កឹម សុខា បានបញ្ជាក់ថា គណបក្សបេះដូងជាតិ នេះត្រូវបានបង្កើតឡើងដោយក្រុមលោក ថាច់ សេដ្ឋា ហើយបានដាក់ឈ្មោះលោក សៀម ភ្លុក ជាតំណាង ហើយគណបក្សនេះក៏ទទួលបានភ្លើងខៀវពីលោក សម រង្ស៊ី លោក អេង ឆៃអ៊ាង ដែលកំពុងនិរទេសខ្លួននៅក្រៅប្រទេសផងដែរ។
លោក ហ៊ុន កុសល អតីតសកម្ម នៃអតីតគណបក្សសង្គ្រោះជាតិ ហើយជាមនុស្សស្និទ្ធជាមួយលោក កឹម សុខា បានសរសេរនៅក្នុងហ្វេសប៊ុករបស់ខ្លួនថា “មានពាក្យគេនិយាយតៗគ្នាថា គណបក្សបេះដូងជាតិ ជារបស់លោក ថាច់ សេដ្ឋា ដែលជាមនុស្សស្និទ្ធនឹងលោក អេង ឆៃអ៊ាង និងលោកសម រង្ស៊ី។ យើងក៏ឮទៀតដែរថា ការសុំសិទ្ធិនយោបាយ និងចេញទៅបង្កើតគណបក្សនេះរបស់លោក ថាច់ សេដ្ឋា គឺជាការរៀបចំដោយលោក អេង ឆៃអ៊ាង និងមានការយល់ព្រមពីលោក សម រង្ស៊ី ផងដែរ អញ្ចឹងហើយបានជាមានព្រឹត្តិការណ៍ “លក់ប័ណ្ណនាឡិកា” ដែលជាការប្រមូលលុយសម្រាប់បើកគណបក្សថ្មី”។
លោក ហ៊ុន កុសល អះអាងថា បើរឿងនេះមិនពិត លោក អេង ឆៃអ៊ាង និងលោក សម រង្ស៊ី គួរធ្វើការបដិសេធ ព្រោះពួកគេបានយកឈ្មោះលោក សម រង្ស៊ី ទៅប្រើថា “លោកប្រធាន សម រង្ស៊ី បញ្ជាឱ្យខ្ញុំបើកបក្សបេះដូងជាតិ” នៅពេលពួកគេដើរកៀងគរសកម្មជននៅតាមមូលដ្ឋានឱ្យចូលរួមជាមួយខ្លួន។
បើតាមលោក ហ៊ុន កុសល នៅពេលមនុស្សស្និទ្ធនឹងលោក កឹម សុខា ចេញទៅបង្កើតគណបក្សថ្មី លោក កឹម សុខា តែងតែបដិសេធតាមរយៈសហមេធាវីរបស់ខ្លួន ប៉ុន្តែក្រុមរបស់លោក សម រង្ស៊ី វិញ មិនទាន់ឃើញចេញមកបដិសេធនោះទេ។ ដូច្នេះបើលោក សម រង្ស៊ី ឬលោក អេង ឆៃអ៊ាង មិនធ្វើការបដិសេធទេ បញ្ជាក់ថា រឿងនេះគឺជាការពិត ហើយព្រមទាំងសបញ្ជាក់ថា លោក សម រង្ស៊ី បានបោះបង់អតីតគណបក្សសង្គ្រោះជាតិ បោះបង់លោក កឹម សុខា បោះបង់អ្នកគាំទ្រទាំងអស់។
សូមបញ្ជាក់ថា រហូតមកដល់ពេលនេះ អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ ជាង២០នាក់ហើយ បានស្នើសុំសម្បទា ដើម្បីបានធ្វើនយោបាយឡើងវិញជាបន្តបន្ទាប់ ហើយក៏ទទួលបានសម្បទាធ្វើនយោបាយឡើងវិញជាបន្តបន្ទាប់ផងដែរ ក្នុងនោះមានអតីតមន្ត្រីជាន់ខ្ពស់មួយចំនួនបានបង្កើតគណបក្សថ្មីដោយខ្លួនឯង ហើយមួយចចំនួនទៀតចូលរួមជាមួយអ្នកដទៃ ហើយអ្នកដែលស្នើសុំសម្បទាធ្វើនយោបាយឡើងវិញ ក៏ទទួលបានការចោទប្រកាន់ពីអតីតថ្នាក់ដឹកនាំរបស់ខ្លួនថា ជាជនក្បត់បក្សផងដែរ៕
ដោយ ៖ កោះកែវ
លោក នេត្រ ភក្រ្តា ស្នើអ្នកសារព័ត៌មានលុប បំបាត់ការដាក់ខែទារប្រាក់កម្រៃនៅទីតាំងខុសច្បាប់
មោទនភាព! កម្ពុជាជាប់ឆ្នោតជាសមាជិកនៃគណៈកម្មការកសាងសន្តិភាពអង្គការសហប្រជាជាតិ
ឆ្នាំ២០២៣ ការទិញលក់សព្វាវុធ កើនឡើងដល់ ៦៣២ពាន់លានដុល្លារ
បណ្ឌិត សៀន សុវណ្ណា៖ ការលើកកម្ពស់គុណភាពអប់រំ គឺដើម្បីអភិវឌ្ឍន៍យុវជនឱ្យក្លាយជាទំពាំងស្នងឫស្សី
មន្ត្រីជាន់ខ្ពស់៖ យុទ្ធនាការភ្នំពេញស្អាតជួយបណ្តុះនូវផ្នត់គំនិត ចំណេះដឹង និងបំណិនបន្ថែមដល់សិស្សានុសិស្ស
ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
ស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ
រុស្ស៊ី បាញ់មីស៊ីល Ballistic សន្ធាប់លើទីក្រុង កៀវ, មួយថ្ងៃ ក្រោយ លោក ពូទីន បង្អួតកម្លាំងទ័ព
រថយន្តបុករះនៅផ្សារបុណ្យណូអែលអាល្លឺម៉ង់ ស្លាប់និងរបួសមនុស្សច្រើននាក់ សង្ស័យជាអំពើភេរវកម្ម
តារាសម្តែង សាឡាត់ ស្រីឡាង ទម្លាយរឿងផុងខ្លួនក្នុងបំណុលនិងផ្តាំកុំឱ្យឆាប់ទុកចិត្តលើមនុស្ស
-
នយោបាយ៤ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ចរាចរណ៍៩ ម៉ោង agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៤ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ៥ ថ្ងៃ agoទឹកជំនន់នៅថៃឆក់យកជីវិតមនុស្ស៣៥នាក់និងប៉ះពាល់ដល់១១ខេត្ត
-
ព័ត៌មានអន្ដរជាតិ៤ ថ្ងៃ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៥ ថ្ងៃ agoប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ
-
ព័ត៌មានអន្ដរជាតិ៣ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៣ ថ្ងៃ agoលោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)