ព័ត៌មានជាតិ
សម្ព័ន្ធភាពរវាងគណបក្ស៣ នឹងត្រូវប្រកាសជាផ្លូវការ នៅថ្ងៃទី២៥ ខែវិច្ឆិកា ខាងមុខ
សម្ព័ន្ធភាពមួយ ដែលទៅរួមគ្នាបង្កើតឡើង ដោយគណបក្សចំនួន៣ មិនមានអាសនៈនៅក្នុងរដ្ឋសភា ដែលមានឈ្មោះថា “សម្ពន្ធភាពអ្នកប្រជាធិបតេយ្យខ្មែរ (ស.ប.ខ) THE ALLIANCE OF KHMER DEMOCRATS ( A.K.D)” នឹងត្រូវប្រកាសជាផ្លូវការនៅថ្ងៃពុធ ទី២៥ ខែវិច្ឆិកា ខាងមុខ នៅក្នុងសន្និសីទសារព័ត៌មានមួយ នេះបើតាមសេចក្តីជូនដំណឹង ដែលទទួលបាននៅរសៀលថ្ងៃទី១៨ ខែវិច្ឆិកា ឆ្នាំ២០២០ មុននេះបន្តិច។
បើតាមសេចក្តីជូនដំណឹង សន្និសីទសារព័ត៌មាននេះ នឹងធ្វើឡើងនៅសណ្ឋាគារ Himawari នារាជធានីភ្នំពេញ ចាប់ផ្ដើមពីម៉ោង៨ និង៣០នាទីព្រឹក ដល់ម៉ោង១១ព្រឹក។ គោលបំណង នៃសន្និសីទនេះ គឺដើម្បីបង្ហាញពីគោលបំណងរបស់សម្ព័ន្ធភាព ដែលបង្កើតឡើងដោយគណបក្សចំនួន៣ គឺគណបក្សខ្មែររួបរួមជាតិ គណបក្សសំបុកឃ្មុំសង្គមប្រជាធិបតេយ្យ និងគណបក្សខ្មែរតែមួយ។
ទាក់ទងទៅនឹងការធ្វើសម្ព័ន្ធភាពរវាងគណបក្សទាំង៣នេះ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានថ្លែងប្រាប់កម្ពុជាថ្មីតាមទូរស័ព្ទថា គម្រោងនេះ គ្រាន់តែជាការធ្វើសម្ព័ន្ធភាពប៉ុណ្ណោះ មិនមែនជាការច្របាច់បញ្ចូលគ្នា ឬរួមគ្នា ដើម្បីបង្កើតជាគណបក្សតែមួយនោះទេ។ លោកថា មកដល់ពេលនេះ មានគណបក្សចំនួន៣ហើយ បានព្រមព្រៀងធ្វើសម្ព័ន្ធភាព ប៉ុន្តែក្នុងនោះ ក៏មានគណបក្សមួយចំនួនផ្សេងទៀត បានទំនាក់ទំនងចង់ចូលរួមសម្ព័ន្ធភាពនេះ ផងដែរ ប៉ុន្តែនៅពេលនេះ យើងកំពុងតែពិចារណា ពីព្រោះនៅពេលដែលយើងចងសម្ព័ន្ធភាពយើងមិនចង់ឲ្យមានការបែកខ្ញែកគ្នាទេ។
បើតាមលោក ញឹក ប៊ុនឆៃ មកដល់ពេលនេះ មានគណបក្សផ្សេងៗទៀត បានធ្វើការទំនាក់ទំនងមក ផងដែរ ដែលមានចំនួន៦គណបក្សហើយ ជាគណបក្សដែលនៅក្នុងក្រុមប្រឹក្សាពិគ្រោះ និងផ្ដល់យោបល់ ប៉ុន្តែយើងកំពុងធ្វើលក្ខន្តិកៈ និងគោលនយោបាយផ្សេងៗ ដើម្បីផ្ដល់ទៅឲ្យគណបក្សទាំងនោះ។ លោកថា បើគណបក្សណាយល់ឃើញថា អាចចូលរួមនៅក្នុងសម្ព័ន្ធភាពនេះបាន ក៏ចូលទៅ មិនមានការបង្ខិតបង្ខំទេ។ លោកក៏បានបន្តថា គោលបំណងនៃការបង្កើតសម្ព័ន្ធភាពគណបក្សនេះ គឺដើម្បីមានសំឡេងចូលរួមជាមួយរាជរដ្ឋាភិបាល ពីព្រោះយើងមិនមែនបក្សប្រឆាំងនោះទេ គឺធ្វើឡើងក្នុង នៃកិច្ចសហប្រតិបត្តិការជាមួយអារដ្ឋាភិបាល ដើម្បីឲ្យមានសន្តិភាព ស្ថេរភាព នៅក្នុងសង្គម ដូច្នេះយើងត្រូវការពេលវេលា ដើម្បីជជែកគ្នាម្ដងមួយៗ ដើម្បីឲ្យច្បាស់លាស់ជាមួយគ្នា បក្សណាទទួលបាន ក៏ទទួលយក ហើយបក្សណាមិនអាចទទួលបានយើងមិនបង្ខំដែរ។
ចំណែកលោក ម៉ម សូណង់ដូ បានថ្លែងកាលពីថ្មីៗនេះថា គោលបំណង នៃការបង្កើតសម្ព័ន្ធភាពអ្នកប្រជាធិបតេយ្យខ្មែរនេះ គឺដើម្បីបណ្តុះគំនិតជាតិនិយមគំរូថ្មីមួយ ដើម្បីយុវជនខ្មែរបន្តវេន ដោយគ្មានវប្បធម៌លាបពណ៌ និងគ្មានវប្បធម៌ក្ដិចត្រួយ ហើយគណបក្សទាំងបី នឹងធ្វើកិច្ចសហប្រតិបត្តិការ សម្រាប់ការបោះឆ្នោតក្រុមប្រឹក្សាឃុំ សង្កាត់ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣។ លោកបន្តថា ការសម្រេចចងជាសម្ព័ន្ធអ្នកប្រជាធិបតេយ្យ គឺដើម្បីធ្វើការណែនាំទៅប្រជាពលរដ្ឋនៅទូទាំងប្រទេស ឲ្យចេះសម្រេចចិត្តជ្រើសរើសមេដឹកនាំ ដើម្បីដឹកនាំប្រទេសជាតិឲ្យកាន់តែរីកចម្រើនទៅមុខ។
សូមបញ្ជាក់ថា “សម្ពន្ធភាពអ្នកប្រជាធិបតេយ្យខ្មែរ (ស.ប.ខ) THE ALLIANCE OF KHMER DEMOCRATS ( A.K.D)” ត្រូវបានរួមគ្នាបង្កើតឡើងដោយគណបក្សចំនួន៣ គឺទី១, គណបក្សសំបុកឃ្មុំសង្គមប្រជាធិបតេយ្យ ដែលមានលោក ម៉ម សូណង់ដូ ជាប្រធាន ទី២, គណបក្សខ្មែររួបរួមជាតិ ដែលមានលោក ញឹក ប៊ុនឆៃ ជាប្រធាន និងទី៣, គណបក្សខ្មែរតែមួយ ដែលមានលោក កែម រិទ្ធិសិត ជាប្រធាន៕
អត្ថបទ៖ កោះកែវ
សូមចុចអាន៖ ព្រឹកនេះ សាលាដំបូងរាជធានីភ្នំពេញ នឹងបើកសវនាការលើសំណុំរឿងអតីតមេដឹកនាំប្រឆាំង៩រូប
ជនជាតិឥណ្ឌា២០០០នាក់កំពុងធ្វើការជាបុគ្គលិកឆបោកតាមអ៊ីនធឺណិតនៅមីយ៉ាន់ម៉ា
គណៈប្រតិភូគណៈកម្មការទី ៨ នៃរដ្ឋសភា ចុះស្វែងយល់ពីវឌ្ឍនភាព និងបញ្ហាប្រឈមនានា នៅក្នុងវិស័យការងារ
មន្ត្រីយោធាកំពូលពីររូបរបស់អាមេរិក ត្រូវបណ្តេញចេញពីតំណែង
បណ្ដាក្រុមហ៊ុនកូរ៉េខាងត្បូង គ្រោងបង្កើនការវិនិយោគនៅវៀតណាម
បច្ចេកវិទ្យាទំនើបៗចុងក្រោយរបស់ពិភពលោក នឹងយកទៅប្រើប្រាស់នៅអាកាសយានដ្ឋានអន្តរជាតិតេជោ
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ចិន ចេញមុខនិយាយអំពីដំណោះស្រាយ អាមេរិក-រុស្ស៊ី ចំពោះសង្គ្រាមនៅអ៊ុយក្រែន
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម២ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ