នយោបាយ

លោក គង់ គាំ ផ្ញើសារអបអរសាទរលទ្ធផល តេស្តលើកទី៤ របស់សម្តេចតេជោ ហ៊ុន សែន

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ប្រធានកិត្តិយសគណបក្សឆន្ទៈខ្មែរ លោក គង់ គាំ បានអបអរចំពោះលទ្ធផលធ្វើតេស្តលើកទីបួនរបស់សម្តេចតេជោ ហ៊ុន សែន ដែលបញ្ជាក់ថា អវិជ្ជមានពីមេរោគកូវីដ១៩ និងបានជូនពរឲ្យថ្នាក់ដឹកនាំ និងក្រុមពាក់ព័ន្ធព្រឹត្តិការណ៍៣ វិច្ឆិកា មានសុខភាពល្អ ជាធម្មតាឡើងវិញទាំងអស់គ្នា ដើម្បីបម្រើការងារ និងបម្រើប្រទេសជាតិតទៅទៀត។

លោក គង់ គាំ បញ្ជាក់យ៉ាងដូច្នេះថា “គណបក្សឆន្ទៈខ្មែរ សូមអបអរលទ្ធផលធ្វើតេស្តលើកទីបួន បញ្ជាក់ថា នាយករដ្ឋមន្ត្រីហ៊ុន សែន អវិជ្ជមានពីមេរោគកូវីដ១៩ និងសូមថ្នាក់ដឹកនាំ និងក្រុមពាក់ព័ន្ធព្រឹត្តិការណ៍៣ វិច្ឆិកា ដែលប្រតិបត្តិវិធានការចត្តាឡីស័កមានភាពអវិជ្ជមានពីមេរោគកូវីដ១៩ និងសូមអ្នកមានភាពវិជ្ជមានមួយចំនួនតូចឆាប់បានរួចផុតពីមេរោគកូវីដ១៩ មានសុខភាពជាធម្មតាឡើងវិញទាំងអស់គ្នា ដើម្បីបម្រើ ការងារ និងបម្រើប្រទេសជាតិតទៅ ទៀត។ សូមប្រជាពលរដ្ឋកម្ពុជា ទូទាំងប្រទេស គោរពអនុវត្ត ការណែនាំរបស់ក្រសួងសុខាភិបាល និងយុទ្ធនាការអប់រំរបស់សមត្ថកិច្ចគ្រប់ថ្នាក់គ្រប់ទិសទីអោយខ្ជាប់ខ្ជួន ម៉ត់ចត់ ដើម្បីប្រជាពលរដ្ឋខ្មែរ និងកម្ពុជាទទួលជ័យជំនះពីមេរោគកូវីដ១៩ដ៏សាហាវនៅទូទាំងពិភពលោកនេះប្រកបដោយវិរភាព និងមោទនភាព។

បើតាមលោក គង់ គាំ ជោគជ័យលើមេរោគកូវីដ១៩ គឺជាមូលដ្ឋាន នៃសុខភាព នៃពលកម្ម នៃសេដ្ឋកិច្ច សម្រាប់ពេលចំពោះមុខ និងសម្រាប់ដំណាក់កាលក្រោយកូវីដ១៩ របស់កម្ពុជាដែលមានយើងគ្រប់គ្នាជាអ្នកចូលរួមពុះពារ ដើម្បីអនាគតត្រចះត្រចង់របស់ខ្មែរ និងរបស់កម្ពុជា។

សូមបញ្ជាក់ថា ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោហ៊ុន សែន និងភរិយា ព្រមទាំងនៅជាមួយត្រូវបានធ្វើតេស្តលើកទី៤ ដែលជាលើកចុងក្រោយ ហើយបានបង្ហាញថា អវិជ្ជមានកូវីដ-១៩ ដូច្នេះសម្ដេចនឹងចេញ ធ្វើការជាធម្មតាវិញនៅថ្ងៃស្អែក៕
ដោយ ៖ កោះកែវ

Related Topics: