នយោបាយ
លោក គង់ គាំ ចង់ឲ្យលោក អ៊ូ ច័ន្ទរ័ត្ន ធ្វើចៅមហា ដើម្បីរួបរួមគ្នារវាងអ្នកនយោបាយថ្មីៗ
លោក គង់ គាំ ដែលត្រូវបានគេស្គាល់ថា ជាអតីតមន្ត្រីជាន់ខ្ពស់នៅក្នុងអតីតគណបក្សសង្គ្រោះជាតិ ហើយបច្ចុប្បន្នជាប្រធានកិត្តិយសគណបក្សឆន្ទៈខ្មែរនោះ មានបំណងចង់ឲ្យលោក អ៊ូ ច័ន្ទរ័ត្ន ដែលជាសហស្ថាបនិកម្នាក់របស់គណបក្សកែទម្រង់កម្ពុជា ធ្វើជាអ្នកសម្របសម្រួល ដើម្បីរួបរួមគ្នារវាងអ្នកនយោបាយ ដែលទើបបង្កើតគណបក្សថ្មីៗ ចូលរួមគ្នាជាធ្លុងមួយ ប្រកួតប្រជែងជាមួយគណបក្សប្រជាជនកម្ពុជា នាពេលបោះឆ្នោតខាងមុខ។
បំណងរបស់លោក គង់ គាំ បានធ្វើឡើងនៅថ្ងៃទី១០ ខែសីហា ឆ្នាំ២០២១នេះ ខណៈលោក អ៊ូ ច័ន្ទរ័ត្ន បានបង្ហាញចេតនាចង់រួបរួមគ្នាជាមួយអតីតមន្ត្រីជាន់ខ្ពស់ទាំងអស់ ដែលទទួលបានសិទ្ធិធ្វើនយោបាយឡើងវិញ និងខណៈដែលលោកមើលឃើញថា មានអតីតមន្ត្រី CNRP បាននាំគ្នាបង្កើតគណបក្សថ្មីៗជាបន្តបន្ទាប់។
បើតាមអ្នកនយោបាយចាស់វស្សារូបនោះ “ការរួបរួមអ្នកប្រជាធិបតេយ្យ មិនអាចគ្រាន់តែជាវោហាស័ព្ទនយោបាយនោះឡើយ។ ត្រូវប្រែក្លាយទ្រឹស្តី អោយទៅជាសកម្មភាព និងលទ្ធផលជាក់ស្តែង”។ លោកថា លោក អ៊ូ ច័ន្ទរត្ន ជាសហស្ថាបនិកម្នាក់របស់គណបក្សកែទម្រង់កម្ពុជា ដែលបានបង្កើតថ្មី ដូចគណបក្សនយោបាយថ្មីៗដទៃទៀតដែរ ហើយមានចេតនាបង្រួបបង្រួមអ្នកនយោបាយអតីត CNRP ដែលបានបង្កើតគណបក្សនយោបាយថ្មីៗ ឲ្យចូលរួមជាធ្លុងមួយក្នុងការប្រកួតប្រជែងជាមួយគណបក្សប្រជាជនកម្ពុជា នាពេលបោះឆ្នោតខាងមុន។
លោក គង់ គាំ អះអាងថា នោះគឺជាចេតនាល្អ តែលោកថា ការចង់ជ្រកក្រោមដំបូលតែមួយ ដូចកាលអតីត CNRP ត្រូវឆ្លងការជួបពិភាក្សាគ្នាដោយស្ម័គ្រស្មោះ និងរួមគ្នាទទួលខុសត្រូវខ្ពស់ណាស់ ហើយដើម្បីអាចសម្រេចបញ្ហានេះ គណបក្សឆន្ទៈខ្មែរ យល់ស្របជូនតួនាទីដល់គណបក្សកែទម្រង់កម្ពុជា ជាអ្នកសម្របសម្រួល ដើម្បីអញ្ជើញថ្នាក់ដឹកនាំ និងអ្នកនយោបាយបង្កើតគណបក្សថ្មីៗ កំណត់ពេលវេលា និងទីកន្លែងសមស្រប ជួបពិភាក្សាគ្នា។
ទាក់ទងបញ្ហានេះ កម្ពុជាថ្មីនៅមិនទាន់អាចសុំការបញ្ជាក់ពីលោក អ៊ូ ច័ន្ទរ័ត្ន បាននៅឡើយទេ ប៉ុន្តែកាលពីថ្មីៗនេះ លោកធ្លាប់បានអះអាងថា លោកមានឆន្ទៈចង់បង្រួបបង្រួមគ្នាឡើងវិញ ជាមួយអតីតមន្ត្រីជាន់ខ្ពស់ទាំងជាង២០រូប ដែលទទួលបានសិទ្ធិធ្វើនយោបាយឡើងវិញ ដើម្បីប្រជែងជាមួយបក្សកាន់អំណាច គឺគណបក្សប្រជាជនកម្ពុជា។ លោកថា បើមានការរួបរួមគ្នាក្រោមស្លាកបក្សតែមួយ គឺពិតជាមានឥទ្ធិពលលើឆាកនយោបាយនៅកម្ពុជា។
សូមបញ្ជាក់ថា រហូតមកដល់ពេលនេះ មន្ត្រីជាន់ខ្ពស់នៃអតីតគណបក្សសង្គ្រោះជាតិ ដែលទទួលបានស្នើសិទ្ធសុំធ្វើនយោបាយឡើងវិញ បានបង្កើតគណបក្សចំនួន៦ ក្នុងនោះមាន គណបក្សខ្មែរអភិរក្ស គណបក្សខ្មែរស្រលាញ់ជាតិ គណបក្សកែទម្រង់កម្ពុជា គណបក្សកម្ពុជានិយម គណបក្សបេះដូងជាតិ និងគណបក្សឆន្ទៈខ្មែរ៕
ដោយ ៖ កោះកែវ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?