ព័ត៌មានជាតិ
លោក មុត ចន្ថា ស្នើ ACU ចាត់វិធានការច្បាប់លើអ្នកពាក់ព័ន្ធករណីបាត់លុយទូរទស្សន៍ជិត ១លានដុល្លារ
លោក មុត ចន្ថា អតីតមនុស្សជំនិតរបស់លោក កឹម សុខា និងជាអតីតមន្រ្តីជាន់ខ្ពស់ នៃអតីតគណបក្សCNRP នោះ បានស្នើឱ្យអង្គភាពប្រឆាំងអំពើពុករលួយ (ACU) ចាត់វិធានការស៊ើបអង្កេតលើអ្នកពាក់ព័ន្ធករណីបាត់លុយទូរទស្សន៍ជិត ១ លានដុល្លារ ខណៈអតីតមេដឹកនាំ នៃអតីតគណបក្សសង្រ្គោះជាតិ ស្ទើរតែទាំងអស់បានបិទមាត់ជិតឈឹងរឿងបាត់មូលនិធិ (លុយ) ទូរទស្សន៍ព្រះអាទិត្យជិត១លានដុល្លារអាមេរិកហើយបើត្រូវការបណ្តឹងជាលាយលក្ខណ៍អក្សរ លោកនឹងពិចារណា។
![](https://www.kampucheathmey.com/wp-content/uploads/2021/08/IMG_0991234565432-9.jpg)
បើតាមលោក មុត ចន្ថា លោក យឹម សុវណ្ណ គឺជាថ្នាក់ដឹកនាំម្នាក់ ដែលចេញចូលប្រទេសកម្ពុជា-អូស្រ្តាលី ដោយសេរី ហើយគេបានដឹងថា លោក យឹម សុវណ្ណ បានស៊ីញ៉េ ដកលុយពីធនាគារ ជាមួយលោក គី វណ្ណដារ៉ា ។
លោកថា ភាពស្ងាត់ស្ងៀមរបស់ពួកគេចំពោះការបាត់ដំណឹងសូន្យឈឹង នៃលុយទូរទស្សន៍ មានន័យពីរយ៉ាង គឺទីមួយ ពួកគេជាមនុស្សស្រឡាញ់គាំទ្រអំពើពុករលួយ និងម្យ៉ាងទៀតពួកគេខ្លះអាចសមគំនិតឃុបឃិតក្នុងអំពើបាត់លុយនេះ។
![](https://www.kampucheathmey.com/wp-content/uploads/2021/08/IMG_0991234565432-3.jpg)
លោក មុត ចន្ថា លើកឡើងដែរថា អ្នកនយោបាយខ្លះបានចេញទៅបង្កើតគណបក្សថ្មី ដោយអួតឡង់សេពីគោលនយោបាយ ពីការចង់បានសង្គមស្អាតស្អំ និងគ្មានអំពើពុករលួយ ប៉ុន្តែពួកគេបិទមាត់ជិតឈឹងរឿងបាត់លុយទូរទស្សន៍ ដែលពួកមានចំណែកទទួលខុសត្រូវ។
ប្រជាពលរដ្ឋខ្មែរពុំគួរជឿអ្នកនយោបាយសេក ដែលពូកែសូត្រកំណាព្យ ប៉ុន្តែពួកគេគ្មានភាពស្មោះត្រង់ចំពោះជាតិ និងប្រជាពលរដ្ឋម្ចាស់ឆ្នោតនោះឡើយ។
លោកថា “វាដល់ពេលវេលាហើយ ដែលស្ថាប័នអនុវត្តច្បាប់ ដូចជា អង្គភាពប្រឆាំងអំពើពុករលួយរបស់រាជរដ្ឋាភិបាល ចាប់ផ្តើមស៊ើបអង្កេត និងនាំខ្លួនអ្នកពាក់ព័ន្ធឱ្យទទួលខុសត្រូវចំពោះករណីបាត់លុយទូរទស្សន៍ ដើម្បីបង្ហាញថា ស្ថាប័នទាំងនេះអនុវត្តច្បាប់ដោយស្មើភាព និងគ្មានការរើសអើង”។
លោក មុត ចន្ថា អះអាងថា អង្គភាពប្រឆាំងអំពើពុករលួយ គួរប្តឹងទៅតុលាការស្នើសុំដីកាបង្កកទ្រព្យសម្បត្តិរបស់មនុស្ស ដែលជាប់ពាក់ព័ន្ធដោយផ្ទាល់ក្នុងការស៊ីញេដកលុយពីធនាគារ គឺលោក យឹម សុវណ្ណ និងលោក គី វណ្ណដារ៉ា ហើយទ្រព្យសម្បត្តិរបស់លោកស្រី មូរ សុខហួរ ក៏គួរត្រូវតែបង្កកដូចគ្នា ដោយសារគាត់បានចេញមុខធានាអះអាងពីការមិនបាត់លុយទូរទស្សន៍នេះ។
លោក មុត ចន្ថា បានថ្លែងប្រាប់កម្ពុជាថ្មីដែរថា អំពើពុករលួយ គឺជាបទល្មើសព្រហ្មទណ្ឌ ឬឧក្រិដ្ឋ ដូច្នេះដោយផ្អែកតាមក្រមនីតិវិធីព្រហ្មទណ្ឌ អយ្យការអមសាលាដំបូងក្រុងភ្នំពេញ មានសមត្ថកិច្ចបើកការស៊ើបអង្កេត ទោះមានបណ្តឹង ឬគ្មានបណ្តឹង។
ជាងនេះទៅទៀត ផ្អែកតាមច្បាប់ប្រឆាំងអំពើពុករលួយ ACU ដែលជាស្ថាប័នអនុវត្តច្បាប់នេះមានយុត្តាធិការ អំណាច និងសមត្ថកិច្ចចាត់វិធានការច្បាប់ និងបើកការស៊ើបអង្កេត សូម្បីតែបណ្តឹងអនាមិក។លោកថា បើសិនជាយម្រូវឱ្យមនបណ្តឹងជាលាយលក្ខណ៍អក្សរ “ខ្ញុំនឹងពិចារណា ប៉ុន្តែខ្ញុំជឿថាស្ថាប័នតុលាការ និងអង្គភាពប្រឆាំងអំពើពុករលួយ នឹងចាត់វិធានការដោយអនុលោមតាមច្បាប់”៕ អត្ថបទ៖ កោះកែវ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៥ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?